भद्रकाली, सिन्धुली

स्वतन्त्र विश्वकोश, नेपाली विकिपिडियाबाट
Jump to navigation Jump to search
भद्रकाली, सिन्धुली
—  गाउँ विकास समिति  —
भद्रकाली, सिन्धुली is located in नेपाल
भद्रकाली, सिन्धुली
भद्रकाली, सिन्धुली
नेपालमा रहेको भद्रकाली, सिन्धुली
निर्देशाङ्क: २७°१७′००″उत्तर ८५°५४′००″पूर्व / २७.२८३३३३° उत्तर ८५.९° पूर्व / 27.283333; 85.9निर्देशाङ्क: २७°१७′००″उत्तर ८५°५४′००″पूर्व / २७.२८३३३३° उत्तर ८५.९° पूर्व / 27.283333; 85.9[१]
देश  नेपाल
विकास क्षेत्र मध्यमाञ्चल
अञ्चल जनकपुर अञ्चल
जिल्ला सिन्धुली जिल्ला
जनसङ्ख्या (बि.स.२०४८)[२]
 - जम्मा ३,६२१
समय क्षेत्र नेपालको प्रमाणिक समय (युटिसी+५:४५)
टेलिफोन कोड +९७७-४६

भद्रकाली नेपालको मध्यमाञ्चल विकास क्षेत्र, जनकपुर अञ्चलको सिन्धुली जिल्लामा अवस्थित गाँउ विकास समिति हो। यस गाविसमा रहेको प्रशिद्ध भद्रकाली मन्दिरको नामबाट नै यस गाविसको नाम भद्रकाली रहन गएको हो। यो मन्दिर निर्माणाधीन बीपी राजमार्गको सिन्धुली–खुर्कोट सडक खण्डमा पर्ने भएकोले जिल्ला सदरमुकाम सिन्धुलीमाढीबाट यो मन्दिरसम्म पुग्न पर्याप्त बससेवा उपलब्ध छ। यो मन्दिरलाई गोरखालीकी इष्ट देवी भगवति मनकामनाको बहिनी भनेर पनि विभिन्न लेखहरूमा पाइन्छ। यस मन्दिरको स्थापना शाह वंशीय राजा पृथ्वी नारायण शाह स्वयंले गरेको भन्ने लेखहरूमा पाइन्छ। पृथ्वी नारायण शाह गोर्खालीको भगवति मनकामनाको भक्त भएकोले उनले अङ्ग्रेजसँगको लडाईमा विजय प्राप्त होस् भनेर ढुंग्रेवासमा मनकामनाकी दिदि प्रतिक मानेर भद्रकालीको मन्दिर आफैले स्थापना गरेका थिए। यहाँ आएर मनले इच्छागरेको कुरा पुरा हुने जनश्रुती, सजिलै पुग्न सकिने गरी यातायातको सुविधा तथा यस मन्दिर रहेको स्थानबाट जिल्ला सदरमुकाम लगाएत अन्य स्थानहरूको राम्रो दृश्यावलोकन गर्न सकिने भएकोले भद्रकाली मन्दिरमा दर्शनार्थीहरूको घुइँचो लाग्दछ साथै मन्दिरमा आउने भक्तजनहरूको संख्या दिन प्रतिदिन वढ्दै गएको छ। यस मन्दिरमा सिन्धुलीगढी तथा दोलखामा तैनाथ नेपाली सेनाका टुकडीहरूले विजया दशमी लगाएत विभिन्न पर्वहरूमा सलामी दिने गरेको यहाँ भएका सिलालेखहरूले बताउँछन्।

यो पनि हेर्नुहोस[सम्पादन गर्ने]


सन्दर्भ सामग्रीहरू[सम्पादन गर्ने]

बाह्य लिङ्कहरू[सम्पादन गर्ने]