भागलपुर

भागलपुर चम्पानगरी भौगुलपुर
सहर
घण्टाघर महर्षि मेही आश्रम विक्रमशिला महाविहारको अवशेषहरू
उपनाम:  सिल्क सिटी
भागलपुर बिहारमा भागलपुरको स्थान भागलपुर भागलपुर (भारत)
निर्देशाङ्क: २५°१५′उ ८७°०′पू
देश	भारत
राज्य	बिहार
जिल्ला	भागलपुर
सरकार
• प्रकार	नगर निगम
• अङ्ग	भागलपुर नगर निगम
• मेयर	बसुन्धारा लाल (भाजपा)
• नगर आयुक्त	नितिन कुमार सिंह (आइएएस)
क्षेत्रफल
• जम्मा	२१८.२८ किमी२ (८४.२८ वर्ग माइल)
उन्नतांश	५२ मिटर (१७१ फिट)
जनसङ्ख्या  (सन् २०११)
• जम्मा	४१०,२१०
• घनत्व	१९००/किमी२ (४९००/वर्ग माइल)
वासिन्दा	भागलपुरी
भाषा
• आधिकारिक	हिन्दी
• अतिरिक्त आधिकारिक	उर्दु
• क्षेत्रीय	अङ्गिका
समय क्षेत्र	युटिसी+५:३० (भारतीय मानक समय)
हुलाक कोड	८१२००१-८१XXXX
टेलिफोन कोड	०६४१
सवारी दर्ता	BR-१०
वेबसाइट	bhagalpur.nic.in

भागलपुर जसलाई ऐतिहासिक रूपले चम्पा नगरीको नामले समेत चिनिने भारतको बिहार राज्यको एउटा प्रमुख सहर हो। यो सहर हिन्दुहरूको पवित्र गङ्गा नदीको दक्षिणी तटमा अवस्थित छ। यो जनसङ्ख्याको आधारमा बिहार राज्यको तेस्रो सबैभन्दा ठुलो सहर हो। यो भागलपुर जिल्ला, भागलपुर प्रमण्डल र बिहार पुलिसको पूर्वी रेन्जको सदरमुकाम पनि हो। यसलाई सिल्क सिटीको रूपमा चिनिने गरिन्छ र भारत सरकारद्वारा यसलाई स्मार्ट सहर अभियानको रूपमा विकासको लागि सूचीबद्ध समेत गरिएको छ। यो राजधानी पटनापछि बिहारको एकमात्र जिल्ला हो जहाँ तीनवटा प्रमुख उच्च शिक्षण संस्थानहरू, आइआइटी भागलपुर, टिएमबियु र बिहार कृषि विश्वविद्यालय रहेका छन्। विक्रमशिला केन्द्रीय विश्वविद्यालय मध्ययुगीन विक्रमशिला महाविहारका अवशेषहरूको नजिकै निर्माणाधीन छ। भागलपुर जङ्क्सन रेलवे स्टेसनले सहरका सर्वसाधारणहरूलाई सेवा प्रवाह गर्दै आएको छ। सहरलाई चारै दिशाबाट घेरेको नदीमा भारतको राष्ट्रीय जलीय जनावर गङ्गा सोँसको घर हो। भागलपुरमा मनसा पूजा र काली पूजामा सबैभन्दा बढी श्रद्धालुहरूको उपस्थिति रहने गरेको छ, जुन यस क्षेत्रको सांस्कृतिक धरोहरको एक महत्वपूर्ण भाग हो।