भिमियो

स्वतन्त्र विश्वकोश, नेपाली विकिपिडियाबाट
Jump to navigation Jump to search
भिमियो
Vimeo Logo.svg
भिमियोको पर्दाचित्रण.png
व्यवसायको प्रकारआइएसीको सहायक कम्पनी
साइटको प्रकार
श्रव्य दृश्य साझेदारी सेवा
उपलब्ध भाषाअङ्ग्रेजी, स्पेनी, जर्मनेली, फ्रान्सेली, जापानी, पुर्तुगाली, कोरियाली
संस्थापितनोभेम्बर २००४; १५ वर्ष अघि (२००४-११)
मुख्यालयहरू
न्यू योर्क सहर
,
अमेरिका
सेवा क्षेत्रविश्वव्यापी
संस्थापक (हरू)जेच केलिन, जेक लोडविक
मुख्य व्यक्तिहरूअञ्जली सुद (कार्यकारी)
अभिभावकआइएसी
सहायक कम्पनी(हरू)लाइभस्ट्रिम
युआरएलvimeo.com
अलेक्सा क्रमDecrease १८४ (अप्रिल २०२०)[१]
विज्ञापन
दर्ताबैकल्पिक
चालु भएको मितिनोभेम्बर २००४; १५ वर्ष अघि (२००४-११)[२]
वर्तमान स्थितिचालू[३]

भिमियो एक अमेरिकी विज्ञापन मुक्त श्रव्य दृश्य साझेदारी मञ्च वा सेवा हो जसको प्रधान कार्यालय न्यू योर्क सहरमा रहेको छ।[४] यसले आफ्नो प्रतिस्पर्धीको युट्युबको समान नि: शुल्क श्रव्य दृश्य अवलोकन तथा साझेदारी सेवाहरू प्रदान गर्दछ।[५] सन् २००७ मा, श्रव्य दृश्य उच्च परिभाषा श्रव्य दृश्य समर्थन गर्ने पहिलो श्रव्य दृश्य साझेदारी वेबसाइट बनेको थियो।[६] यसले विभिन्न उत्पादनहरू सुरु गरेको थियो जसले स्तरीय श्रव्य दृश्य सृजना गर्न प्रयोगकर्ताहरूलाई सक्षम पार्दछ। भिमियोले सफ्टवेयरको रूपमा सेवा प्रदान गर्दछ र यसले विभिन्न प्रकारका ग्राहकहरूको क्षेत्रमा सदस्यता योजनाहरू पनि प्रदान गर्दछ।[७] भिमियोको स्थापना नोभेम्बर २००४ मा जेक लोडविक र जेक केलिन संयुक्त रूपमा गरेका थिए। अञ्जली सुद जुलाई २०१७ देखि भिमियोकी प्रमुख कार्यकारी अधिकृत हुन्। [८]

इतिहास[सम्पादन गर्ने]

भिमियोलाई जेक लोडविक र जाच क्लेनले सन् २००४ मा कलेजह्युमरबाट छुट्याएर सहकर्मीहरू बीच हास्य श्रव्य दृश्य साझा गर्न बनाएको थियो यद्यपि यसलाई कलेजह्युमरको बढ्दो लोकप्रियतालाई समर्थन गर्ने पक्षमा राखिएको थियो। आइएसीले सन् २००६ मा कलेजह्युमर र भिमेयोको अधिग्रहण गरेको थियो र गुगलले युट्युबलाई १.६५ अर्ब अमेरिकी डलर प्राप्त गरिसकेपछि, आइएसीले युट्युबको विरूद्ध प्रतिस्पर्धा गर्न थप प्रयासको गरेको थियो। यसले सामग्रीहरूलाई उच्च गुणस्तरमा प्रदान गर्नेमा ध्यान केन्द्रित गर्दै, अन्य श्रव्य दृश्य साझेदारी वेबसाइटहरूबाट आफूलाई छुट्याउन सफल भएको थियो। लोडविक र क्लेन अन्ततः सन् २००९ मा, सेवालाई छोडेका थिए र आइएसीले भिमियोका सेवाहरू निर्माण गर्न थप संयुक्त केन्द्रित संरचना कार्यान्वयन गरेको थियो। सन् २०१७ मा, आइएसीले तत्कालीन महाप्रबन्धक अञ्जली सुदलाई कार्यकारी अधिकृतको रूपमा पदोन्नती गरेको थियो।[९]

जेक लोडविक र जेच केलिन, भिमियोका संस्थापकहरू

कलेजह्युमरबाट प्रारम्भिक वृद्धि (सन् २००४–२००९)[सम्पादन गर्ने]

भिमियोलाई नोभेम्बर २००४ मा कनेक्टेड कोषले स्थापना गरेको थियो जसले हास्यमा आधारित वेबसाइट कलेजह्युमरको नियन्त्रक कम्पनी हो।[१०] वेब विकासकर्ता जेक लोडविक र जाच क्लेनको एक परियोजनाको रूपमा आफ्ना साथीहरूसँग छोटो श्रव्य दृश्यहरू यस मार्फत साझा गर्ने गरेका थिए।[११] श्रव्य दृश्य साझेदारी सेवा लागि विचार एश्ली सिम्पसनको कुख्यात ओठ समक्रमण समावेश श्रव्य दृश्य कलेजह्युमरमा उर्ध्वभरण भएपश्चात् आएको थियो जसले मञ्चमा व्यापक अवलोकन प्राप्त गरेको थियो। सोही श्रव्य दृश्यको व्यापक हेराई प्राप्त गरे पछि भिमियोको निर्माणमा प्रेरणा मिलेको थियो।[१२] भिमियो शब्दलाई लोडविकले निर्माण गरेका थिए जुन अङ्ग्रेजी शब्द मुभी र मीको वर्णविपर्यय पनि हो।[१३] कलेजह्युमरको लोकप्रियता बढ्दो क्रममा रहेको थियो जहाँ लोकविक र क्लेन भिमियोलाई केही समयको लागि छोड्दै कलेजह्युमरलाई समर्थन गर्ने कुरामा केन्द्रित रहेका थिए।[१०][१४] मुख्य भिमियोका प्रयोगकर्ताहरू केही वर्षको अवधिमा मुख्यतया थोरै मात्र वृद्धि भएको थियो।

ब्यारी डिलरको स्वामित्वमा रहेको आइएसीले अगस्ट २००६ मा कनेक्टेड कोषमा बहुमत स्वामित्व प्राप्त गरेको थियो।[१०] उनी कलेजह्युमरको सफलताबाट आकर्षित भएका थिए जसले त्यतिखेर एक महिनामा ६० लाख प्रयोगकर्ताहरूलाई आकर्षित गर्न सफल भएको थियो।[१०][५] कनेक्टेड कोषको सम्पत्ति समीक्षा गर्दा, आइएसीले भिमियो सम्पत्ती पत्ता लगाएको थियो। गुगलले अक्टोबर २००६ मा युट्युबलाई १.६५ अर्ब अमेरिकी डलरमा खरिद गरेको समयमा उक्त कुराको खुलासा भएको थियो। सन् २००७ को सुरुवात सम्म, आइएसीले लोडविक, क्लेन र एन्ड्र्यू पाइललाई भिमियोमा पूर्ण समय काम गर्ने र यसको क्षमता विस्तार गर्न निर्देशन दिएको थियो।[१२] आफूलाई युट्युब र अन्य श्रव्य दृश्य साझेदारी सेवाहरू देखि अलग गर्नका लागि भिमियोले यस सम्बन्धमा ध्यानाकर्षण गरेको थियो जहाँ यसले राम्रो उर्ध्वभरण उपकरणको साथ सामग्री, र सेवामा राम्रो सामग्रीको लोकप्रियतामा जोड दिएको थियो। [१५]अक्टोबर २००७ सम्ममा, फ्ल्यासमा आधारित उच्च-परिभाषा श्रव्य दृश्य प्रवाहक मार्फत प्रयोगकर्ताहरूलाई उच्च परिभाषा सामग्री प्रस्ताव गर्ने यो पहिलो वेबसाइट थियो। आइएसीले कनेक्टेड कोषको अधिग्रहणले भिमियोको दिशालाई लक्षित गर्न मद्दत पुर्‍याएको थियो भने आइएसीको संयुक्त प्रकृतिले कलेजह्युमर र भिमियोको धेरै मौलिक कर्मचारीहरूका साथ मुद्दा खडा गरेको थियो।

लोडविकले सन् २००७ को अन्त्यतिर आइएसीको व्यवसाय प्रक्रियामा समावेशीकरणले उनीहरूको सृजनात्मकतामा बाधा पुर्‍याएका कारण कम्पनी छोड्ने योजना बनाएका थिए भने अर्का संस्थापक जाच क्लेनले सन् २००८ को सुरुवात तिर, कम्पनी छोडेका थिए। [१६]

उच्च परिभाषा सामग्रीको पहुँचमा विकास (सन् २००९–२०१७)[सम्पादन गर्ने]

भिमियोले सन् २००९ मा यसको वेबसाइटको एक प्रमुख पुनः बनोट जारी गर्न थालेको थियो जसको उद्देश्य श्रव्य दृश्यमा प्रयोगकर्ताको ध्यान केन्द्रित गर्ने थियो,[१७] जुन अन्ततः जनवरी २०१२ सम्ममा सम्पन्न भएको थियो। नयाँ संस्करणको उद्देश्य युट्युबको विपरीत श्रव्य दृश्य प्रवाहलाई बनोटको केन्द्रिय रूपमा प्रस्तुत गर्नु थियो। [१८]डिसेम्बर २०१४ मा, भिमियोले ४ के सङ्कल्पको समर्थन प्रस्तुत गरेको थियो, यद्यपि यसले त्यसतिबेला ४ के प्रदर्शनको कम बजार प्रवेशको कारण अभिभारण गर्न अनुमति दिएको थियो।[१९] ४ के सामग्रीको प्रवाह अर्को वर्षमा सुरु भएको थियो जसले अनुकूलित अंशदर प्रवाहको समर्थन गरेको थियो। मार्च २०१७ मा, भिमियोले आभाषी ३६० डिग्री श्रव्य दृश्य समर्थन प्रस्तुत गरेको थियो।[२०] उच्च गतिशील दायरा समर्थन जुन २०१९ मा, लागू गरिएको थियो।[२१][२२]

सफ्टवेयर प्रदायकमा फेरबदल (सन् २०१६– हाल)[सम्पादन गर्ने]

भिमियोले मे २०१८ मा, आधारित प्रत्यक्ष इन्टरनेट प्रवाह श्रव्य दृश्यमा आधारित च्यानलहरूका लागि एक मञ्च भिएचएक्सको अधिग्रहण गरेको थियो जसले यसलाई यसका ग्राहकहरूलाई सेवाको रूपमा प्रस्तुत गरेको थियो।[२३] भिमियो सेप्टेम्बर २०१७ मा अवस्थित सेवा लाइभस्ट्रिमको अधिग्रहण गर्दै यसको सम्बन्धित कर्मचारी र प्रविधिलाई बढावा दिएको थियो। अन्ततः यसले यसको प्रवाह प्रविधिलाई भिमियो प्रत्यक्षको रूपमा एकीकृत गरेको थियो। [२४] सन् २०१६ को आसपासमा, भिमियोले नेटफ्लिक्स जस्ता सेवाहरूसँग प्रतिस्पर्धा गर्न र यसलाई लोकप्रिय सेवा बनाउनका लागि १० लाख भन्दा बढी खर्च गर्ने उद्देश्य सहित आफ्नै मौलिक प्रोग्रामिङको साथ सदस्यता मागमा श्रव्य दृश्य बजारमा प्रवेश गर्ने आफ्नो अभिप्राय व्यक्त गरेको थियो। [२५]आइएसीका प्रमुख कार्यकारी अधिकृत जोए लेभिनका अनुसार केही मूल प्रोग्रामिङ सामग्री निर्माणकर्ताहरूले भिमियो पहिले नै रहेको बताएका थिए।[२६] कम्पनीले उनीहरूको सामग्री सेवामा प्रयोग गर्नका लागि भुक्तान गरेका थिए जसले गर्दा नेटफ्लिक्सको तुलनामा सामग्री उत्पादन गर्न उनीहरूको आफ्नै लागत कम भएको उनले जनाएका थिए।[२७] तथापि, जुन २०१७ सम्ममा, भिमियोले तिनीहरू यस क्षेत्रमा नेटफ्लिक्स र अन्य सेवाहरू भन्दा धेरै पछाडि रहेको अनुभुती गरेका थिए। उनीहरूसँग कम सम्भावित दर्शकहरू थिए र ती दर्शकहरूलाई ग्राहकहरूमा रूपान्तरण गर्न गाह्रो भएका कारण यसले विभिन्न योजनाहरू खारेज गरेको थियो।[२८]

अञ्जली सुद, सन् २०१७ देखि भिमियोकी कार्यकारी

यस कदममा, भिमियोले यसको सामग्री सृजनकर्ता र ग्राहकहरूलाई समर्थन गर्नेमा बढी ध्यान केन्द्रित गर्ने निर्णय गरेको थियो। यसले आफैलाई सामग्री आयोजक वा श्रव्य दृश्य साझेदारी गर्ने वेबसाइटबाट हटाएर सेवालाई सफ्टवेयरको रूपमा स्थानान्तरण गर्ने निर्णय गरेको थियो।[२९] कम्पनीले उनीहरूको अवस्थित सेवाहरूमा व्यापार प्रयोगका लागि लक्षित धेरै स्तर र सेवाहरू प्रस्तुत गरेको छ। यसबाहेक, भिमियोले आफूलाई आफूलाई युट्युब वा अन्य श्रव्य दृश्य साझेदारी सेवाहरूको प्रतिस्पर्धी नठान्ने कार्यकारी अञ्जली सुदले जनाएकी थिइन्।[३०] प्रयोगकर्ताले आफ्ना सृजनाहरू भिमियोको श्रव्य दृश्य सम्पादन उपकरणहरूको प्रयोग गर्न जारी राखेको खण्डमा यसले सृजनाकर्ताहरूलाई उनीहरूको श्रव्य दृश्यहरू कुनै पनि अन्य श्रव्य दृश्य साझेदारी वेबसाइटमा प्रतिलिपि गर्न र साझेदारी गर्न अनुमति दिन्छ। सन् २०१७ को प्रारम्भमा, भिमियोले आफ्ना प्रयोगकर्ताहरूको लागि सहयोगी समीक्षा उपकरणहरू जारी गरेको थियो, जसले सामग्री अन्य प्रयोगकर्ताहरूलाई साझेदारी गर्न अनुमति दिएको थियो।[३१]

भिमियोले अप्रिल २०१९ मा एक मिलियन भन्दा बढी प्रयोगकर्ताहरूसँग एक कृत्रिम बुद्धिमत्ताद्वारा समर्थित श्रव्य दृश्य निर्माण सेवा मजिस्टोको अधिग्रहण गरेको थियो।सम्झौताका सर्तहरू भने खुलासा गरिएको थिएन, जबकि खरीद कथित रूपमा $२० करोडमा भएको थियो। अधिग्रहणको माध्यमबाट, मजिस्टोका कर्मचारीहरू भिमियोमा सरेका थिए र तिनीहरूको अवस्थित प्रयोगकर्ता आधारले भिमियोको उपकरण समूहमा पहुँच प्राप्त गरेको थियो।[३२][२९] भिमियोका लागि, तिनीहरूले माजिस्टोको प्रविधि साना व्यवसायहरूको लागि उपयोगी पाएको थियो। फेब्रुअरी २०२० सम्म, भिमियोले भिमियो सृजनाको सुरुवात गर्दै भिमियो र मा मजिस्टो उपकरणको एकीकरण गरेको थियो। [३३]

अन्य देशहरूमा प्रभाव[सम्पादन गर्ने]

सन् २००९ देखि, चीनमा भिमियो प्रतिबन्धित अवस्थामा रहेको छ।[३४] ४ मे २०१२ देखि, केही इन्टरनेट सेवा प्रदायकहरूले भारतमा दूरसञ्चार विभागको आदेश अन्तर्गत भिमियोलाई कुनै कारण बिना, प्रतिबन्धित गरिएको थियो।[३५][३६][३७] प्रयोगकर्ताले बनाएका केही श्रव्य दृश्यहरू मार्फत आइएसआइएसको प्रचार प्रसार हुने डरका कारण, भिमियोलाई भारतमा डिसेम्बर २०१४ मा प्रतिबन्ध गरिएको थियो।[३८] तथापि, ३१ डिसेम्बरमा सेवा माथि लगाइएको प्रतिबन्ध हटाइएको थियो।[३९]

मे २०१४ मा, इन्डोनेसियाका सञ्चार मन्त्री तिफातुल सेम्मिरीङले आफ्नो निजी ट्विटर खातामा, श्रव्य दृश्य साझेदारी साइट भिमियो प्रतिबन्धित हुनेछ बताएका थिए।[४०] सन् २००८ मा पारित भएको इन्डोनेसियाको विवादास्पद अश्लीलता विरोधी कानूनलाई उद्धृत गर्दै मन्त्रीले वेबसाइटले "नग्नता वा नग्नता जस्ता सुविधाहरू" प्रदर्शन गरेको बताएका थिए।

कानूनी समस्या[सम्पादन गर्ने]

जनवरी २०१९ मा, रोमको वाणिज्यिक अदालत श्रव्य दृश्य साझेदारी सेवा भिमियोले भिदियासेतको स्वामित्वमा रहेको इटालेली टेलिभिजन कार्यक्रमहरू सिधा उर्ध्वभरण गर्नमा "सक्रिय भूमिका" खेलेको र प्रतिलिपी अधिकार उल्लङघन गरेको निर्धारण गरेको थियो। भिमियो मिदियासेतको अनुरोधमा २,००० भन्दा बढी प्रतिलिपी अधिकार उल्लङ्घन श्रव्य दृश्य हटाउन अस्वीकार गरेपछि कम्पनीलाई $९७,००,००० जरिवाना तिर्न बाध्य पारिएको थियो।[४१][४२][४३]

जुन २०१९ मा, "पूर्व-समलिङ्गी आन्दोलन"का संस्थापक, जेम्स डोमेनले भिमियोका सामग्रीहरूले दिशानिर्देशको उल्लङ्घन गरेको आरोप लगाउँदै यसको विरुद्ध मुद्दा दर्ता गरेका थिए।[४४][४५] भिमियोले उनको ८९ वटा श्रव्य दृश्यहरूलाई हटाएका थियो। उनका अनुसमर, श्रव्य दृश्यहरूले समलैङ्गिकताको विरोध जनाउँदछ र तथाकथित "रूपान्तरण चिकित्सा" को वकालत गर्दछ।[४५][४६] सङ्घीय अदालतले सन् २०२० मा डोमेनको मुद्दा खारेज गरेको थियो।[४७]

म्याजिस्टोको अधिग्रहण पछि, भिमियोको विरुद्ध जीवमितीय सूचना गोपनीयता ऐनको उल्लङ्घनको लागि सेप्टेम्बर २०१९ मा इलिनोइसमा मुद्दा दायर गरिएको थियो।[४८] भिमियो माथि म्याजिस्टोको सफ्टवेयरको माध्यमबाट उर्ध्वभरणकर्ताको व्यक्तिगत जानकारी स्वचालित रूपमा भण्डारण गरेको र तिनिहरूलाई पछ्याएको आरोप लगाएको थियो जसमा उनीहरूको लिङ्ग, उमेर, र जातिगत पहिचान समावेश छ जुन जीवमितीय सूचना गोपनीयता ऐनको विरुद्ध रहेको छ। जुन २०२० सम्ममा यो मुद्दा सङ्घीय जिल्ला अदालतमा विचाराधिन रहेको छ। [४९]

सन्दर्भ सामग्रीहरू[सम्पादन गर्ने]

  1. "अलेक्सा - भिमियो प्रतिस्पर्धाी विश्लेषण, ट्राफिक र जनशाङ्खिकि"अलेक्सा। सङ्ग्रह मिति २०२०-०१-१४ 
  2. "इन्टरनेट अभिलेखमा भिमियो" 
  3. "भिमियो डटकमको जानकारी"अलेक्सा इन्टरनेट। सङ्ग्रह मिति जुलाई १, २०१९ 
  4. "How to pronounce Vimeo?"। भिमियो। सङ्ग्रह मिति जनवरी १७, २०१९ 
  5. ५.० ५.१ लुरिया, पिटर (अक्टोबर १६, २००७)। "Web stranica za dijeljenje videozapisa postaje visoka"। न्युयोर्क पोस्ट 
  6. "Vimeo Launches Stock Footage Marketplace"द हलिउड रिपोर्टर। सङ्ग्रह मिति २०१९-०१-०८ 
  7. माजाकारिस, रिचर्ड फेलोनी, एना। "Vimeo's 34-year-old CEO on why she's not worried about YouTube or Netflix, and how she plans to bring in $100 million this year"बिजनेस इन्साइडर। सङ्ग्रह मिति २०१९-०१-०८ 
  8. स्पाङ्लर, टोड (जुलाई २०, २०१७)। "IAC's Vimeo Appoints Anjali Sud CEO After Yearlong Search"भेराइटी। सङ्ग्रह मिति २०१९-०१-०८ 
  9. "IAC replaces Vimeo CEO with former AOL exec Kerry Trainor"भेन्चरबिट। सङ्ग्रह मिति २ जुन २०२० 
  10. १०.० १०.१ १०.२ १०.३ पुलेन, जोन पात्रिक (फेब्रुअरी २३, २०११)। "How Vimeo became hipster YouTube"फर्च्युन। सङ्ग्रह मिति मे ८, २०२० 
  11. मोरिसे, ब्रायन (अगस्त १५, २००६)। "IAC Buys CollegeHumor.com"एड विक। सङ्ग्रह मिति मे ८, २०२० 
  12. १२.० १२.१ क्निबिस, काते (जनवरी २८, २०२०)। "CollegeHumor Helped Shape Online Comedy. What Went Wrong?"वियर्ड। सङ्ग्रह मिति मे ८, २०२० 
  13. लोडविक, जेक (५ फेब्रुअरी २००५)। "सहयोग केन्द्र"प्राय सोधिने प्रश्नहरू 
  14. लन मोनिका, पल (अक्टोबर ९, २००६)। "Google to buy YouTube for $1.65 billion"। सिएनएन। सङ्ग्रह मिति मार्च २६, २०१७ 
  15. लापोवस्की, इसी (अगस्त २०१३)। "'An Acquisition Is the End of a Dream'"इङ्क पत्रिका। सङ्ग्रह मिति मे ८, २०२० 
  16. रेगन, जिलियन (सेप्टेम्बर १८, २००९)। "Boxee Nabs IAC Star Zach Klein"द न्यु योर्क अब्जर्भर। सङ्ग्रह मिति मे ८, २०२० 
  17. "Vimeo now offers 4K video downloads, but streaming isn't available yet"द भर्ज। सङ्ग्रह मिति सेप्टेम्बर २६, २०१७ 
  18. मिलियन, मार्क (जनवरी २४, २०१२)। "Vimeo to emphasize videos in redesign"। सिएनएन। सङ्ग्रह मिति मे ८, २०२० 
  19. रोटेगर, जानको (डिसेम्बर ३, २०१५)। "Vimeo Starts Adaptive Streaming on the Web, iOS and Apple TV, Rolls Out 4K"भेराइटी। सङ्ग्रह मिति सेप्टेम्बर २६, २०१७ 
  20. "Vimeo introduces support for 360-degree videos"द भर्ज। सङ्ग्रह मिति सेप्टेम्बर २६, २०१७ 
  21. सिङ्गलटन, मिकाह (नोभेम्बर १६, २०१७)। "Vimeo now supports HDR videos"द भर्ज। सङ्ग्रह मिति मे १२, २०२० 
  22. ड्रियर, ट्रय (जुन १३, २०१९)। "Vimeo Announces Support for AV1 Codec, Starts With Staff Picks"स्ट्रिमिङ मिडिया। सङ्ग्रह मिति मे १२, २०२० 
  23. "Vimeo acquires VHX to boost its video-on-demand business"टेकक्रन्च। मे २, २०१६। सङ्ग्रह मिति जुन ९, २०१६ 
  24. पेरेज, सराह। "Vimeo acquires Livestream, launches its own live video product"टेकक्रन्च। सङ्ग्रह मिति सेप्टेम्बर २६, २०१७ 
  25. स्पाङ्लर, तोद (नोभेम्बर २, २०१६)। "Vimeo Plans to Spend 'Tens of Millions' of Dollars on Content for New Subscription VOD Services"भेराइटी। सङ्ग्रह मिति मे ८, २०२० 
  26. विनफ्रे, Graham (जुन २६, २०१७)। "Vimeo Surrenders to Netflix: Why the Subscription Video Plan Was Never Going to कार्य"इन्डेइ वायर]। सङ्ग्रह मिति मे ८, २०२० 
  27. काओ, सिस्सी (अगस्त १७, २०१९)। "Vimeo COO: How an Ad-Free Strategy Won the Video Streaming War"द न्युयोर्क अब्जर्भर। सङ्ग्रह मिति मे ८, २०२० 
  28. ला मोनिका, पउल R. (जुन २६, २०१९)। "Vimeo is thriving as the anti-YouTube. Here's the CEO's plan for the future"सिएनएन। सङ्ग्रह मिति मे ८, २०२० 
  29. २९.० २९.१ बारी, एमिली। "How Vimeo dropped its fight with YouTube and turned ad-free videos into a real business"मार्केट वाच (अङ्ग्रेजी भाषा)। सङ्ग्रह मिति २०१९-०९-११ 
  30. सावर्स, पउल (जनवरी १८, २०१७)। "Vimeo rolls out tools that let reviewers provide time-coded feedback and notes on individual frames"भेन्चरबिट। सङ्ग्रह मिति मे १९, २०२० 
  31. स्पाङ्लर, तोद (अप्रिल १९, २०१९)। "Vimeo Acquires Magisto, a Video-Creation Automation Company"भेराइटी। सङ्ग्रह मिति मे १९, २०२० 
  32. "Vimeo has acquired short-form video-creation platform Magisto, reportedly for $200M"टेकक्रन्च (अङ्ग्रेजी भाषा)। सङ्ग्रह मिति २०१९-०९-११ 
  33. सावर्स, पउल (फेब्रुअरी २५, २०२०)। "Vimeo launches AI-powered social video editing platform out of beta"भेन्चरबिट। सङ्ग्रह मिति मे १९, २०२० 
  34. "2020 被中国封锁的网站、软件、应用程序 Apps 列表"软件 (जापानी भाषा)। २०१३-०२-१५। सङ्ग्रह मिति २०२०-०३-१६ 
  35. अर्नेस्टो (२ मे २०१२)। "India Orders Blackout of Vimeo, The Pirate Bay and More"टोरेन्ट फ्रिक। सङ्ग्रह मिति ३ मे २०१२ 
  36. विकास (४ मे २०१२)। "Reliance Communications Blocks The Pirate Bay & Vimeo"मिडियानामा। सङ्ग्रह मिति १० मे २०१२ 
  37. "भारतमा साइट ब्लक गरिँदा, नेपालमा पनि साइट ब्लक"। अर्को पोस्ट। 
  38. स्टोन, जेफ (३१ डिसेम्बर २०१४)। "Vimeo, DailyMotion, Pastebin Among Sites Blocked In India For 'Anti-India' Content From ISIS"इन्टरनेसनल बिजनेस टाइम्स 
  39. रवी, शर्माई (२ जनवरी २०१५)। "Indian government unblocks Vimeo, Dailymotion, 2 other websites"द टाइम्स अफ इन्डिया 
  40. Kementerian Komunikasi dan Informatika (१२ मे २०१४)। "Siaran Pers Tentang PENANGANAN VIMEO.COM"। सङ्ग्रह मिति १९ जुन २०१४ 
  41. "Vimeo legal blunder leads to $10 million fine in Italy" (अङ्ग्रेजी भाषा)। २०१९-०१-३०। सङ्ग्रह मिति २०१९-०१-११ 
  42. भेन्देलभिच, योसी (२९ जनवरी २०१९)। "Vimeo Pays $9,700,000 Penalty to Mediaset for Copyright Infringement"वाइएम सिनेमन (अङ्ग्रेजी भाषा)। सङ्ग्रह मिति २०१९-०९-११ 
  43. "Vimeo 'Fined' €8.5m For Failure to Remove Copyrighted TV Content"टोरेन्ट फ्रिक (अङ्ग्रेजी भाषा)। २०१९-०१-१६। सङ्ग्रह मिति २०१९-०९-११ 
  44. मोक्षली, आर स्कोट (जुन २७, २०१९), "Pastor Sues Vimeo For Deleting Pro-Gay Conversion Videos", ओसी साप्ताहिक (अङ्ग्रेजीमा), अन्तिम पहुँच २०१९-१०-१६ 
  45. ४५.० ४५.१ James Domen said Vimeo discriminated against him when it deleted his conversion therapy videos A federal court disagreed, मेट्रो साप्ताहिक (१७ जनवरी २०२०)
  46. Domen v. भिमियो, निगम (S.D.N.Y. Jan. 14, 2020)
  47. गुडिन, डान (२६ सेप्टेम्बर २०१९), "Vimeo collected detailed facial scans without consent, lawsuit alleges", अर्स टेकनिका, अन्तिम पहुँच १० जुन २०२० 
  48. अस्बुर्न, चार्ली (सेप्टेम्बर २७, २०१९), "Vimeo embroiled in biometric 'face map' lawsuit over user privacy, consent", जेडिनेट, अन्तिम पहुँच जुन १०, २०२० 
  49. "Vimeo Loses Bid to Arbitrate Illinois Biometric Privacy Claims", ब्लुमबर्ग पुस्तकालय, २ जुन २०२०, अन्तिम पहुँच १० जुन २०२० 

बाह्य सूत्रहरू[सम्पादन गर्ने]