मन्जुम्मेल ब्वाइज
| मन्जुम्मेल ब्वाइज | |
|---|---|
 रङ्गमञ्च प्रदर्शित पोस्टर | |
| निर्देशक | चिदम्बरम |
| लेखक | चिदम्बरम |
| निर्माता | सौबिन शाहिर बाबु शाहिर शान एन्टोनी |
| मुख्य कलाकार | सौबिन शाहिर श्रीनाथ भासी दीपक परम्बोल बालु वर्गिस गणपति एस. पोडुवल लाल जुनियर अभिराम राधाकृष्णन अरुण कुरियन खालिद रहमान चन्दु सलिम कुमार शेबिन बेन्सन विष्णु रेघु |
| छायाङ्कन | शैजु खालिद |
| सम्पादन | विवेक हर्षन |
| सङ्गीत | सुशिन श्याम |
वितरक कम्पनी | परवा फिल्म्स |
| वितरक | श्री गोकुलम मुभिज |
प्रदर्शन मिति |
|
अवधि | १३५ मिनेट |
| देश | भारत |
| भाषा | मलयालम |
| लागत | ₹२० करोड[१] |
| बक्स अफिस | ₹२४२.३ करोड[२][३] |
मन्जुम्मेल ब्वाइज सन् २०२४ को भारतीय मलयालम भाषाको सर्भाइभल थ्रिलर चलचित्र हो, जसको लेखन तथा निर्देशन चिदम्बरमले गरेका हुन्। यो चलचित्र परवा फिल्म्सको ब्यानरमा सौबिन शाहिर, बाबु शाहिर र शान एन्टोनीद्वारा निर्मित हो।[४] यस चलचित्रमा सौबिन शाहिर, श्रीनाथ भासी, दीपक परम्बोल, बालु वर्गिस, गणपति एस. पोडुवल, लाल जुनियर, अभिराम राधाकृष्णन, अरुण कुरियन, खालिद रहमान, चन्दु सलिम कुमार, शेबिन बेन्सन र विष्णु रेघुले अभिनय गरेका छन्। सन् २००६ मा गुना गुफामा भएको वास्तविक घटनामा आधारित,[५][४] यस चलचित्रले कोच्चि नजिकको मन्जुम्मेल नामक सानो बस्तीका साथीहरूको एक समूहको कथा प्रस्तुत गर्छ। उनीहरू कोडैकानल घुम्न जाने निर्णय गर्छन्, तर उनीहरूमध्ये एक जना गुना गुफामा फसेपछि उनीहरूको यात्रा अप्रत्याशित मोडमा पुग्छ।
चलचित्रको औपचारिक घोषणा सन् २०२३ जनवरीमा गरिएको थियो। त्यसै महिनादेखि मुख्य छायाङ्कन सुरु भई जुलाईको मध्यसम्ममा सम्पन्न भएको थियो। चलचित्रको छायाङ्कन कोडैकानल, पलनी, एर्नाकुलम, कोच्चि र पेरुम्बावूरमा गरिएको थियो भने केही दृश्यहरू गुना गुफामै पनि छायाङ्कन गरिएको थियो। चलचित्रमा सुशिन श्यामको सङ्गीत, शैजु खालिदको छायाङ्कन र विवेक हर्षनको सम्पादन रहेको छ।
मन्जुम्मेल ब्वाइज २२ फेब्रुअरी २०२४ मा विश्वव्यापी रूपमा सिनेमाघरहरूमा प्रदर्शन भएको थियो र समीक्षकहरूबाट व्यापक प्रशंसा प्राप्त गरेको थियो। यो ₹२०० करोडभन्दा बढी कमाउने पहिलो मलयालम चलचित्र बनेको थियो। साथै, यसले २०१८ (२०२३) लाई उछिन्दै सर्वाधिक कमाइ गर्ने मलयालम चलचित्रको कीर्तिमान बनाएको थियो, जुन पछि एल२: एम्पुरान (२०२५) ले तोडेको थियो।[६][७][३] हाल यो भारतमा तेस्रो सर्वाधिक कमाइ गर्ने मलयालम चलचित्र तथा विश्वव्यापी रूपमा पनि तेस्रो सर्वाधिक कमाइ गर्ने मलयालम चलचित्र हो।[८][९] यस चलचित्रले ५५औँ केरल राज्य चलचित्र पुरस्कारमा उत्कृष्ट चलचित्र, उत्कृष्ट निर्देशक र उत्कृष्ट पटकथासहित कुल १० पुरस्कार जितेको थियो।[१०][११] यो केरल राज्य चलचित्र पुरस्कारमा कुनै पनि चलचित्रले जितेको सबैभन्दा धेरै पुरस्कारको कीर्तिमान हो।
सन्दर्भ सामग्रीहरू
[सम्पादन गर्नुहोस्]- ↑ "This film made in Rs 20 crore with no superstars, heroine, all new actors, is fastest to earn Rs 100 crore in industry", DNA India (अङ्ग्रेजीमा), ७ मार्च २०२४, मूलबाट २७ मार्च २०२४-मा सङ्ग्रहित, अन्तिम पहुँच २७ मार्च २०२४।
- ↑ "സൂപ്പർ താരങ്ങളില്ല, ഓടിയത് 73 ദിവസം, നേടിയത് 240 കോടി ! 'മഞ്ഞുമ്മൽ' പിള്ളേർ നാളെ ഒടിടിയിൽ, ആകെ നേടിയത്?", AsianetNews (मलयालममा), ४ मे २०२४, मूलबाट ४ मे २०२४-मा सङ्ग्रहित, अन्तिम पहुँच ४ मे २०२४।
- 1 2 "Top 10 Highest Grossing Indian Films Of 1st Half Of 2024 Worldwide Box Office Collections: Kalki 2898 AD leads by a huge margin; Fighter, Hanuman follow", PINKVILLA (अङ्ग्रेजीमा), ३० जुलाई २०२४, मूलबाट २७ अगस्ट २०२४-मा सङ्ग्रहित, अन्तिम पहुँच २ सेप्टेम्बर २०२४।
- 1 2 Umak, Lokesh, "Manjummel Boys Real Story: The 2006 Kodaikanal Rescue Incident", lekh Magazine, मूलबाट २१ सेप्टेम्बर २०२४-मा सङ्ग्रहित, अन्तिम पहुँच २१ जनवरी २०२४।
- ↑ "Soubin Shahir's Manjummel Boys, based on true events, has this thrilling connection to Kamal Haasan's Gunaa", OTT Play, मूलबाट २४ फेब्रुअरी २०२४-मा सङ्ग्रहित, अन्तिम पहुँच २४ फेब्रुअरी २०२४।
- ↑ "It's official! 'Manjummel Boys' crosses the Rs 200 crore milestone in 26 days", The Times of India, १९ मार्च २०२४, आइएसएसएन 0971-8257, मूलबाट १७ जुलाई २०२४-मा सङ्ग्रहित, अन्तिम पहुँच १७ जुलाई २०२४।
- ↑ "'Manjummel Boys' completes 100 days in theatre, emulating Jan E Man's success", English.Mathrubhumi (अङ्ग्रेजीमा), २ जुन २०२४, मूलबाट १८ सेप्टेम्बर २०२४-मा सङ्ग्रहित, अन्तिम पहुँच १८ सेप्टेम्बर २०२४।
- ↑ Rosser, Michael (२०२५-०१-१३), "Indian box office falls 3% to $1.36bn in 2024 topped by 'Pushpa 2'", Screen, मूलबाट २० जुन २०२५-मा सङ्ग्रहित, अन्तिम पहुँच २३ जुन २०२५।
- ↑ Shackleton, Liz (११ जनवरी २०२५), "India Box Office Down 3% In 2024; South Indian Films Remain Steady While Bollywood Declines", Deadline (en-USमा), अन्तिम पहुँच २३ जुन २०२५।
- ↑ "മികച്ച നടൻ മമ്മൂട്ടി, നടി ഷംല ഹംസ; അവാർഡുകൾ വാരിക്കൂട്ടി മഞ്ഞുമ്മൽ ബോയ്സ്, വേടനും പുരസ്കാരം", മികച്ച നടൻ മമ്മൂട്ടി, നടി ഷംല ഹംസ; അവാർഡുകൾ വാരിക്കൂട്ടി മഞ്ഞുമ്മൽ ബോയ്സ്, വേടനും പുരസ്കാരം (मलयालममा), अन्तिम पहुँच २०२५-११-०३।
- ↑ उद्दरण त्रुटी: अवैध
<ref>चिनो; "55kerala" नामको सन्दर्भका लागि कुनै पाठ प्रदान गरिएको छैन