महिला फुटबल

महिला फुटबल

फ्रान्सको लियोँमा भएको २०१९ फिफा महिला विश्वकपको फाइनलमा बलका लागि प्रतिस्पर्धा गर्दै एलेक्स मोर्गन र स्टेफानी भान डेर ग्राग्ट
उच्चतम अन्तराष्ट्रिय  संस्था	फिफा
उपनामहरू	द वुमेन्स गेम,
पहिलो खेल	सन् १८८० को दशक, बेलायत
अभिलक्षण
सम्पर्क	छ
टिम सदस्य	प्रति टोली ११ जना (गोलरक्षक सहित)
लैङ्गिक विभाजन	होइन, छुट्टाछुट्टै प्रतियोगिताहरू
श्रेणीकरण	सामूहिक खेल, बल खेल
खेल सामाग्री	भकुण्डो, फुटबल जुत्ता, सिन गार्ड, खेल पोसाक (किट), र पञ्जा (गोलरक्षकका लागि)
आयोजना स्थान	फुटबल मैदान
उपस्थिति
राष्ट्र वा क्षेत्र	विश्वभर
ओलम्पिक	१९९६ देखि
प्यारालम्पिक	होइन

महिला फुटबल महिलाहरूद्वारा खेलिने एक सामूहिक खेल हो। यो विभिन्न देशहरूमा व्यावसायिक स्तरमा खेलिन्छ र करिब २०० राष्ट्रिय टोलीहरूले अन्तर्राष्ट्रिय रूपमा सहभागिता जनाउँछन्। पुरुष र महिला दुवैको फुटबलका लागि फुटबलका उही नियमहरू प्रयोग गरिन्छ। अमेरिका महिला फुटबलमा सबैभन्दा सफल राष्ट्र हो, जसले ४ पटक फिफा महिला विश्वकप र ५ पटक ओलम्पिक स्वर्ण पदक जितेको छ। दोस्रो सबैभन्दा सफल राष्ट्र जर्मनी हो, जसले २ पटक महिला विश्वकप र १ पटक ओलम्पिक स्वर्ण पदक जितेको छ।

१९२० को दशकमा संयुक्त अधिराज्यमा महिला फुटबलको "पहिलो स्वर्ण युग" चलिरहेको बेला एकै खेल हेर्न ५०,००० भन्दा बढी दर्शकहरू उपस्थित भएका थिए। त्यसपछि द फुटबल एसोसिएसनले इङ्गल्यान्डमा सन् १९२१ देखि १९७० सम्म आफ्ना सदस्य क्लबहरूका मैदानमा महिला फुटबल खेल्न प्रतिबन्ध लगाएको थियो। अन्य धेरै राष्ट्रहरूमा पनि महिला फुटबल खेलाडीहरूले पुरुष-प्रधान संस्थाहरूबाट यस्तै प्रकारको दुर्व्यवहार र प्रतिबन्धको सामना गर्नुपरेको थियो।

सन् १९७० को दशकमा, अन्तर्राष्ट्रिय महिला फुटबल प्रतियोगिताहरू अत्यधिक लोकप्रिय बनेका थिए, र एसियाको सबैभन्दा पुरानो महाद्विपीय प्रतियोगिता एफसी महिला एसिया कप स्थापना भएको थियो। तथापि, सन् १९८६ भन्दा अघि फिफा काङ्ग्रेसमा कुनै पनि महिलाले सम्बोधन वा मन्तव्य राख्न पाएका थिएनन्। फिफा महिला विश्वकप पहिलो पटक सन् १९९१ मा चीनमा आयोजना गरिएको थियो र त्यसयता यो धेरै देशहरूमा टेलिभिजनमा व्यापक रूपमा हेरिने प्रमुख खेलकुद कार्यक्रम बनेको छ।