माधवी

स्वतन्त्र विश्वकोश, नेपाली विकिपिडियाबाट
Jump to navigation Jump to search

पं. मातृकाप्रसाद अधिकारीको छद्म नाउँमा राममणि आदिको सम्पादनमा विंसं. १९६५ देखि बनारसबाट प्रकाशित यस माधवी पत्रिकाले नेपाली गद्यको विकासमा विशेष योगदान पुर्‍याएको छ । प्रस्तुत पत्रिकामार्फत हलन्तबहिष्कार आन्दोलन चलाउने यसका सम्पादक राममणि आदिले कविताको साहित्यिक गुण र कलात्मक अभिव्यञ्जनाको शास्त्रीय चर्चा गरी लेखेको कवितारीति महत्त्वपूर्ण मानिन्छ । यसमा रामप्रसाद सत्यालका कुराको विचार, श्रम, माया, धर्मदत्तको शिक्षा लगायतका धर्म, नीति, उपदेश आदि विषयका हलन्त बहिष्कृत विषयका वस्तुपरक लेख निबन्धहरू छापिएका छन् । मासिक रूपमा प्रकाशित यो पत्रिका आठ अङ्कसम्म छापिएर बन्द भयो ।