मोदनाथ प्रश्रित

स्वतन्त्र विश्वकोश, नेपाली विकिपिडियाबाट
Jump to navigation Jump to search
मोदनाथ प्रश्रित

मोदनाथ प्रश्रित (वि.सं. १९९९ - ) नेपाली साहित्यकार र राजनीतिक व्यक्ति हुन्। नेकपा(एमाले) सँग संबद्ध प्रश्रित वि.सं. २०५५मा शिक्षा मन्त्री भएका थिए।

जीवनी[सम्पादन गर्ने]

मोदनाथको जन्म वि.सं. १९९९ असार ६ गते हर्राबोट, खिदिम, अर्घाखाँचीमा बाबु पं. घनश्याम पौडेल र आमा बालिकादेवीका सुपुत्रका रूपमा भएको हो। उनको खास नाम मोदनाथ पौडेल हो। लुम्बिनी अञ्चलको अर्घाखाँची खिदिम हर्राबोटेमा १९९९ सालमा जन्मिएका मोदनाथ प्रश्रित प्रगतिवादी साहित्य कार हुन् । संस्कृतका विद्वान् प्रश्रितले अायुर्वेदमा अाचार्य (अायुर्वेदिक डाक्टर) र नेपालीमा स्नातकोत्तर गरेका छन् । उनको थर पौडेल हो भने प्रश्रित चाहिँ उनको उपनाम हो । मानव महाकाव्य लेखेबापत उनलार्इ २०२३ सालको मदन पुरस्कार प्रदान गरिएको थियो । राजनीति, पत्रकारिता, साहित्य जस्ता क्षेत्रमा सफलता प्राप्त गरेका प्रश्रितका प्रकाशित पुस्तकहरू यसप्रकार छन्। [१]

कृतिहरू[सम्पादन गर्ने]

उनी कविता, निबन्ध, नाटक, उपन्यास तथा कथाका साथै समालोचनामा कलम चलाउँछन्। उनको काव्य सिर्जन वि.सं. २००८ सालबाटै थालिएको तथा वि.सं. २०१५ सालबाट सार्वजनिक प्रकाशनमा देखिएर अघि बढेको हो। उनका कविता कृतिहरू:
१. आमाका आँसु (वि.सं. २०१९, कविता सङ्ग्रह)
२. बुबा खै? (वि.सं. २०२०, खण्डकाव्य)
३. मानव (वि.सं. २०२३, मदन पुरस्कार प्राप्त महाकाव्य)
४. देवासुर सङ्ग्राम (वि.सं. २०३०, महाकाव्य)
५. गोलघरको सन्देश (वि.सं. २०३९, खण्डकाव्य)
६. शहिदको रगत (वि.सं. २०३९, कविता सङ्ग्रह)
७. जब चल्छ हुरी(वि.सं. २०४९, गीत सङ्ग्रह)
८. सङ्कलित रचना भाग (१) (वि.सं. २०५८, कविता एवं गीतहरूको सङ्ग्रह)
प्रश्रितका जम्माजम्मी कविता रचनाहरूको परिमाण फुटकर कविता र गीततर्फ २३५, खण्डकाव्य २ र महाकाव्य २ छन्।

पुरस्कार[सम्पादन गर्ने]

मानव महाकाव्य ग्रन्थको लागि उनले पद्य विधामा मदन पुरस्कार २०२३ प्राप्त गरेका हुन्।

सन्दर्भ सामग्रीहरू[सम्पादन गर्ने]

  1. भट्टरार्इ, घटराज (२०५६), नेपाली लेखक कोश, कामाडौं : लक्ष्मीप्रसाद देवकोटा प्रतिष्ठान

बाहिरी लिङ्कहरू[सम्पादन गर्ने]