यौन हिंसा तथ्याङ्क

यौन हिंसा र पीडितकरण
विशिष्ट अपराधहरू
बलात्कार · कानूनी बलात्कार · अन्तरसम्बन्ध (Incest)
यौन आक्रमण · घरेलु हिंसा
यौन दुर्व्यवहार · बाल यौन दुरुपयोग
यौन उत्पीडन · वेश्यावृत्तिमा लगाउने (Pimping)
बलात्कार प्रयास · जननाङ्ग विकृति
विकृत यौन सम्पर्क
हिंसा र पीडितकरणका स्वरूपहरू
बलात्कारका प्रकार · युद्धकालीन बलात्कार · यौन दासत्व
पति–पत्नीबीचको बलात्कार · कारागार भित्रको बलात्कार
डेटमा भएको बलात्कार · बलात्कारकारी औषधि
मानव बेचबिखन · वेश्यावृत्ति
बालबालिकाको पीडितकरण
बाल अश्लील सामग्री · बाल बेचबिखन
बाल वेश्यावृति
बालबालिकाको वाणिज्यिक यौन शोषण
समाजशास्त्रीय सिद्धान्तहरू
बलात्कारका समाज–जीववैज्ञानिक सिद्धान्तहरू
बलात्कारको प्रेरणा · पीडितलाई दोष दिने प्रवृत्ति
स्त्रीद्वेष · पुरुषद्वेष · आक्रामकता
बालप्रेम (Pedophilia) · बलात्कारको प्रभाव र परिणाम
बलात्कार आघात लक्षणसमूह
सामाजिक र सांस्कृतिक पक्षहरू
बलात्कार संस्कृति · बलात्कारको इतिहास
raptio · कम्फर्ट वुमन ·
नीति
बलात्कारसम्बन्धी कानून · पीडितको सुरक्षा गर्ने कानून
बाल यौन दुरुपयोगसम्बन्धी कानून
बलात्कार संकट केन्द्र · इज्जतका नाममा हत्या
बलात्कारविरुद्ध प्रयोग हुने महिला कन्डम · बलात्कार तथ्याङ्क
पोर्टलहरू: पोर्टल:कानून

यौन हिंसाका पीडितहरूसँग त्यस्तो हिंसाको अनुभव सम्बन्धमा सर्वेक्षण गरी यो कति सामान्य हो भनेर अनुमान लगाउनु नै यौन हिंसाको अनुमान हो। यससम्बन्धी धेरै घटनाहरूको उजुरी नगरिने भएकाले यस्तो सर्वेक्षणबाट प्राप्त तथ्याङ्क आधिकारिक तथ्याङ्क भन्दा भिन्न हुन्छ।

संयुक्त राष्ट्र संघले विभिन्न स्थानहरूमा यौन हिंसाको मापन गर्न ठूला ठूला सर्वेक्षण गरेको छ। उक्त सर्वेक्षणबाट आफूमाथि यौन हिंसा भएको भन्ने महिलाहरूको प्रतिशत लापाज, बोलिभिया (१.४%), गबोरोन, बोत्सवाना (०.८%), बेइजिङ, चीन (१.६%) र मनिला, फिलिपिन्स (०.३%) जस्ता शहरहरूमा २% भन्दा कम छ, जबकि इस्तानबुल, टर्कीए (६.०%), ब्युनस आयर्स, अर्जेन्टिना (५.८%), रियो दि जेनेरियो, ब्राजील (८.०%) र बोगोटा, कोलम्बिया (५.०%) मा ५% वा सोभन्दा अधिक छ।

सन् १९९८ मा अमेरिकाले राष्ट्रियस्तरका ८००० नागरिकहरूमा गरेको महिला विरूद्धको हिंसा सम्बन्धी सर्वेक्षणले हरेक ६ जना महिलामा १ महिला र हरेक ३३ जना पुरूषमा १ पुरूषले जीवनको कुनै न कुनै समयमा आफूमाथि यौन हिंसा वा यौन हिंसाको उद्योग भएको बताएका थिए। यो तथ्याङ्कमा कुनै अपरिचितद्वारा गरिएको बलात्कार र चिनेजानेको मान्छेबाट भएको बलात्कारलाई छुट्टाछुट्टै प्रस्तुत गरिएको छैन। जुन सर्वेक्षणमा बलात्कार गर्ने व्यक्तिको आधारमा छुट्टाछुट्टै आँकडा प्रस्तुत गरिँदैन अथवा जुन सर्वेक्षण अपरिचितद्वारा गरिएको बलात्कारमा नै केन्द्रित रहन्छ, त्यस्तो तथ्याङ्कले यौन हिंसाको वास्तविक सङ्ख्यालाई प्रतिविम्बित गर्न सक्दैन।

सन् २०११ मा, अमेरिकाको रोग नियन्त्रण तथा रोकथाम केन्द्र (सीडीसी)ले सार्वजनिक गरेको प्रतिवेदनअनुसार अमेरिकामा लगभग २०% महिलाहरूको जीवनमा आफूमाथि बलात्कारको प्रयास भएको वा बलात्कार नै भएको कुरा उल्लेख गरिएको थियो, जसमध्ये एक तिहाइभन्दा बढी पीडितहरू १८ वर्ष उमेर नपुग्दै बलात्कृत भएका थिए।

अन्य सर्वेक्षणहरूले महिलाहरूलाई यौन हिंसाको बारेमा प्रश्न गरेका थिए। अमेरिकामा गरिएको अर्को एउटा सर्वेक्षणले १७ वर्ष उमेर पूरा गरेका १४.८% महिलाले जीवनको कुनै न कुनै मोडमा आफ्नो बलात्कार भएको कुरा सार्वजनिक गरेको थियो जसमध्ये २.८% माथी बलात्कारको उद्योग गरेको र ०.३ % महिलाको गत एक बर्षभित्र बलात्कार भएको थियो। १८ बर्ष देखि ४९ बर्षको उमेरसमूहका दक्षिण अफ्रिकाका ३ राज्यका महिलाहरूको सर्वेक्षणमा १.३ % महिलाहरूलाई उनीहरूको सहमति बिना नै यौनसम्पर्क गर्न बाध्य पारिएको थियो। चेक गणराज्यमा १५ वर्षभन्दा अधिक उमेरका व्यक्तिहरूमाझ गरिएको एक सर्वेक्षणबाट यो पत्ता लाग्यो कि ११.६% महिलाहरूले आफ्नो जीवनकालमा जबरजस्ती यौन सम्पर्कको सामना गर्नु परेको थियो जसमा ३.४% ले आफूमाथि एकभन्दा बढी पटक यस्तो हर्कत देखाएको जनाएका थिए।