रि सोल जु

आदरणीय प्रथम महिला रि सोल जु
सन् २०१८ मा सोल जु
उत्तर कोरियाको प्रथम महिला
बहालवाला
पदभार ग्रहण १५ अप्रिल २०१८
सर्वोच्च नेता	किम जोङ उन
पूर्वाधिकारी	किम सोङ ए
व्यक्तिगत विवरण
जन्म	अन्दाजी १९८५–१९८९ (उमेर ३६–४१) चोङजिन, उत्तर हामग्योङ प्रान्त, उत्तर कोरिया
जीवनसाथी	किम जोङ उन ( वि २००९)
सन्तान	२ सुनिश्चित, १ सुनिश्चित: किम जु ए
मातृ शिक्षाप्रतिष्ठान	किम इल सुङ विश्वविद्यालय
Korean name
Hangul	리설주
Hanja	李雪主
RR	Ri Seolju
MR	Ri Sŏlchu

रि सोल जु (चोसङ्गुल: 리설주; जन्म अन्दाजी सन् १९८५ वा १९८९) सर्वोच्च नेता किम जोङ उनकी पत्नीको रूपमा उत्तर कोरियाकी वर्तमान प्रथम महिला हुन्।

आधिकारिक उत्तर कोरियाली स्रोतहरूबाट उनको बारेमा थोरै जानकारी मात्र उपलब्ध छ, तर बाह्य स्रोतहरूले उनको पृष्ठभूमिका बारेमा धेरै अनुमानहरू गरेका छन्। उनले आफ्ना पतिसँग धेरै सार्वजनिक उपस्थितिहरू जनाएतापनि, उनी लामो समयसम्म सार्वजनिक नजरबाट टाढा पनि रहने गरेकी छिन्। अप्रिल २०१८ मा, राज्य सञ्चारमाध्यमले उनको नयाँ उपाधि केवल "कमरेड" (동무) बाट बढाएर "आदरणीय प्रथम महिला" (존경하는 녀사) बनाइएको घोषणा गरेको थियो। यो एक महत्त्वपूर्ण सम्मान मानिन्छ र सन् १९७४ पछि पहिलोपटक यो उपाधि प्रयोग गरिएको हो। सोही समयदेखि उनले कूटनीतिक भूमिका पनि निर्वाह गर्न थालेकी छिन्।

प्रथम महिलाको रूपमा

सन् २०१२ मा, रि किम जोङ उनसँगै धेरै पटक सार्वजनिक रूपमा देखा परेकी थिइन् जसकाकारण उनी को हुन् भन्नेबारे विभिन्न अनुमानहरू गरिएका थिए। दक्षिण कोरियाली गुप्तचर अधिकारीहरूले उनलाई उत्तर कोरियामा लोकप्रिय साङ्गीतिक समूह पोचोनबो इलेक्ट्रोनिक एन्सेम्बलकी पूर्व गायिका ह्योन सोङ-वोलको रूपमा गलत पहिचान गरेका थिए। यद्यपि, २५ जुलाई २०१२ मा, उत्तर कोरियाली राज्य सञ्चारमाध्यमले उनलाई किमकी पत्नी भएको घोषणा गर्दै "उनकी पत्नी, कमरेड रि सोल-जु" भनी सम्बोधन गरेको थियो। यो घोषणा किमका बुबा किम जोङ इलको तुलनामा एक परिवर्तन थियो, जसले आफ्ना पत्नीहरूलाई कहिल्यै सार्वजनिक रूपमा चिनाएका थिएनन्।

जुलाई २०१२ मा उत्तर कोरियाको एक उच्चस्तरीय साङ्गीतिक समारोहमा सोल जुले च्यानल परम्पराको आकर्षक कालो सुट लगाएकी थिइन्, जुन उत्तर कोरियाली महिलाहरूका लागि असामान्य मानिन्थ्यो। हालैका अन्य परिवर्तनहरू, जस्तै एक कट्टरपन्थी शीर्ष जनरलको बर्खास्तगीसँगै, किम जोङ उनकै यो विवाहलाई विश्लेषकहरूले "नीतिगत परिवर्तन वा प्रचार प्रसारको आक्रामक रणनीति, वा दुवैको निरन्तरता" को रूपमा हेरेका छन्।

सेप्टेम्बर २०१२ मा, किम जोङ इलका पूर्व व्यक्तिगत |सुसी भान्से केन्जी फुजिमोतोले उत्तर कोरिया भ्रमणमा रिलाई भेटेको बताएका थिए। उनले रिको वर्णन गर्दै भने, "उनी धेरै आकर्षक छिन्... म उनको आवाजको वर्णन गर्न सक्दिन, यो निकै मधुर छ..." बिदाइको उपहारको रूपमा रिले फुजिमोतोलाई एउटा क्रस्टियोँ डायोरको ह्यान्डब्याग उपहार दिएकी थिइन् जुन रिले पहिले बोकेको समाचार आएको थियो।

सन् २०१२ देखि २०१४ सम्म, रि कहिलेकाहीँ उत्तर कोरियाली सञ्चारमाध्यममा आफ्ना पतिसँग विभिन्न कार्यक्रमहरूमा देखा परेतापनि त्यसपछि उनी विरलै मात्र देखिएकी थिइन्। उनी सन् २०१५, २०१६, र सन् २०१७ मा लामो समयसम्म सार्वजनिक दृश्यबाट टाढा रहेकी थिइन्।

सन् २०१८ मा, रिले कूटनीतिक भूमिका निर्वाह गर्न सुरु गरेकी थिइन्। मार्च २०१८ मा, उनले आफ्ना पतिसँगै चीनको भ्रमण गरेर र चीनका राष्ट्रपति सि जिनपिङ र उनकी पत्नी पेङ लियुआनलाई भेटेकी थिइन्। सन् २०१८ को अप्रिलमा अन्तर-कोरियाली शिखर सम्मेलन अगाडि, रिको उपाधि "कमरेड" बाट बढाएर "आदरणीय प्रथम महिला" बनाइएको थियो। उत्तर कोरियामा सन् १९७४ पछि पहिलोपटक यो उपाधि प्रयोग गरिएको थियो भने यसअघि यो उपाधि किम इल सुङकी दोस्रो पत्नी किम सोङ एले प्राप्त गरेकी थिइन्। यो परिवर्तनको घोषणा प्रख्यात समाचार प्रस्तोता रि चुन हीद्वारा गरिएको समाचार रिपोर्ट मार्फत सार्वजनिक गरिएको थियो। रिले शिखर सम्मेलनमा भाग लिएर उत्तर कोरियाली नेताको पत्नीको रूपमा भेट गर्ने उनी पहिलो व्यक्ति बनेकी थिइन्। सो अवसरमा उनले पहिलोपटक दक्षिण कोरियाकी प्रथम महिला किम जङ सुकसँग भेट गरेकी थिइन्। त्यस वर्षका भेटघाटहरूमा यी दुई प्रथम महिलाहरू एक-अर्कासँग नजिक देखिएका थिए। मे महिनामा, उनले अमेरिकी कूटनीतिज्ञहरूसँग भेट गरेर तनाव कम गर्न सहयोग गरेकी थिइन्। उनले जुन २०१९ मा चीनका सर्वोच्च नेता सि जिनपिङ र उनकी पत्नी पेङ लियुआनको भ्रमणको आतिथ्यतामा पनि सहयोग गरेकी थिइन्।