लरेन हाउरेगी

लरेन हाउरेगी
सन् २०१७ मा २० वर्षको छँदा हाउरेगी
जन्म	लरेन मिसेल हाउरेगी मोर्गादो (1996-06-27) २७ जुन १९९६ मियामी, फ्लोरिडा, संयुक्त राज्य
पेशा	गायिका गीतकार
कार्यकाल	सन् २०१२–हाल
साङ्गीतिक जीवन
विधा	पप रेगेतोन आर र बी
लेबल	एपिक साइको कोलम्बिया अट्युनमेन्ट रेकर्ड्स
हस्ताक्षर
वेबसाइट	laurenjauregui.com

लरेन मिसेल हाउरेगी मोर्गादो (अङ्ग्रेजी: Lauren Jauregui, /ˈhaʊrɛɡi/; जन्म; सन् १९९६ जुन २७) एक अमेरिकी गायिका तथा गीतकार हुन्। उनी फिफ्थ हार्मोनी नामक एक महिला साङ्गीतिक समूहको सदस्यको रूपमा चर्चित भएकी थिइन् भने उक्त समूह सर्वकालीन समयको धेरै गीत बिक्री गर्न सफल भएको साङ्गितिक समूह मध्ये एक मानिन्छ।

हाउरेगीले एकल गीत लेखन गर्नु सुरु गरेपछि उनले मरिया हिल्स, स्टिभ ओकी र हल्जी जस्ता कलाकारहरूसँग सहकार्य गर्न गरेकी थिइन्। उनले सन् २०१८ अक्टोबरमा आफ्नो पहिलो एकल गीत "एक्सपेक्टेसन्स" सार्वजनिक गर्न कोलम्बिया रेकर्ड्ससँग सम्झौता गरेकी थिइन्। सन् २०१९ मा हाउरेगीले "मोर देन दयाट" नामक गीत सार्वजनिक गरिन्। हाउरेगीले स्वतन्त्र रूपमा आफ्नो पहिलो एकल साङ्गीतिक सङ्गालो प्रिल्युड (सन् २०२१) र त्यसपछि सन् २०२३ मा इन बिट्विन सार्वजनिक गरेकी थिइन्।

प्रारम्भिक जीवन

हाउरेगीको जन्म सन् १९९६ जुन २७ का दिन मा फ्लोरिडाको मियामी सहरमा क्युबाली अभिभावक माइकल हाउरेगी र क्लारा मार्गादोको सन्तानको रूपमा भएको थियो। उनका बुबा प्लान्ट मेनेजर थिए भने आमा एक शिक्षिका थिइन्। उनीहरूले क्युबामा फिडेल क्यास्ट्रो सत्तामा आएपछि संयुक्त राज्य अमेरिका बसाइँसराइ गरेका थिए। हाउरेगी मुख्यतया क्युबाली र स्पेनी वंशजकी हुन्। तीन दाजुभाइ दिदीबहिनीमध्ये जेठी हाउरेगीले प्रारम्भिक कक्षादेखि छैठौँ कक्षासम्म सह-शिक्षा हुने क्याथोलिक विद्यालयमा अध्ययन गरेकी थिइन्। त्यसपछि उनले मियामीको छात्राहरू मात्र पढ्ने क्याथोलिक कलेज पूर्व तयारी विद्यालयमा शैक्षिक छात्रवृत्तिमा अध्ययन गरेकी थिइन्। उनले प्रतिभा प्रदर्शन र सफ्टबल टोलीमा पनि भाग लिएकी थिइन्। विद्यालयको समयमा, हाउरेगीले कला मार्फत आफूलाई अभिव्यक्त गर्ने गर्दथिन् भने उनले निरन्तर सिर्जना, गायन, लेखन, नृत्य, पियानो बजाउने र चित्रकलामा रुचि राख्थिन्।

साङ्गीतिक प्रभावहरू

हाउरेगीले सन् १९९० को दशकको समकालीन आर र बी, अल्टरनेटिभ रक, पप, ल्याटिन सङ्गीत, र सोल सङ्गीत सुनेर हुर्किएकी थिइन्। हाउरेगीले उनको सङ्गीत सोल, आर र बी, रक, अल्टरनेटिभ, पप र ल्याटिन सङ्गीतबाट धेरै प्रभावित रहेको बताएकी थिइन्। उनी विभिन्न कलाकारहरू र सत्यता र आधिकारिकताबाट प्रेरित छिन्। उनलाई प्रभावित गर्ने केही कलाकारहरूमा लाना डेल रे, जोन मेयर, लरेन हिल, पारामोर, एलिसिया किज, जनेल मोने, सकिरा, क्रिस्टिना आगिलेरा, एमी वाइनहाउस र फ्र्याङ्क ओसन पर्दछन्।

बाह्य कडीहरू

विकिमिडिया कमन्समा लरेन हाउरेगी सम्बन्धी अन्य सामग्रीहरू रहेका छन्।

• आधिकारिक वेबसाइट
• इन्टरनेट चलचित्र डेटाबेसमा लरेन हाउरेगी