वर्नर भोन सिमेन्स
वर्नर भोन सिमेन्स | |
|---|---|
 1885 portrait | |
| जन्म | अर्न्स्ट वर्नर सिमेन्स १३ डिसेम्बर १८१६ लेन्थे, हनोभर राज्य, जर्मन महासङ्घ |
| मृत्यु | ६ डिसेम्बर १८९२ (उमेर ७५) बर्लिन, Province of Brandenburg, प्रशा अधिराज्य, जर्मन साम्राज्य |
| चिनारीको कारण | Founder of Siemens AG |
| पुरस्कार | Pour le Mérite for Sciences and Arts (1886) |
| वैज्ञानिक करियर | |
| क्षेत्र | इलेक्ट्रिकल इन्जिनियर, आविष्कारक |
अर्न्स्ट वर्नर सिमेन्स (सन् १८८८ देखि भोन सिमेन्स) (अङ्ग्रेजी: /ˈsiːm.ənz/[१]; जर्मन: [ˈziːməns, -mɛns]; सन् १८१६ डिसेम्बर १३- सन् १८९२ डिसेम्बर ६) एक जर्मन इलेक्ट्रिकल इन्जिनियर, आविष्कारक र उद्योगपति थिए। सिमेन्सको नाममा विद्युतीय चालकताको एसआई एकाइ, सिमेन्सको रूपमा अपनाइएको छ। उनले विद्युतीय र दूरसञ्चार समूह सिमेन्सको स्थापना गर्नुका साथै विद्युतीय ट्राम, ट्रली बस, विद्युतीय लोकोमोटिभ र विद्युतीय लिफ्टको आविष्कार गरेका थिए।
जीवनी
[सम्पादन गर्नुहोस्]प्रारम्भिक वर्षहरू
[सम्पादन गर्नुहोस्]अर्न्स्ट वर्नर सिमेन्स जर्मन महासङ्घको हनोभर राज्यको लेन्थेमा जन्मेका थिए।[२] उनी क्रिश्चियन फर्डिनान्ड सिमेन्स र पत्नी एलोनोर डाइचमनको चौधौँ सन्तानहरूमध्ये चौथो थिए।
मध्य वर्षहरू
[सम्पादन गर्नुहोस्]विद्यालय शिक्षा समाप्त गरेपछि सिमेन्सले बाउकाडेमी बर्लिनमा अध्ययन गर्ने इच्छा राखेका थिए।[३] यद्यपि, उनको परिवार अत्यधिक ऋणमा डुबेकाले र प्रशिक्षण शुल्क तिर्न नसक्ने भएकोले, उनले सन् १८३५-१८३८ को बीचमा प्रसियन मिलिटरी एकेडेमीको आर्टिलरी र इन्जिनियरिङ् स्कूलमा भर्ना हुन रोजे, जहाँ उनले प्रशिक्षण प्राप्त गरेका थिए।[४]
सिपाहीको रूपमा सिमेन्सले विद्युतीय रूपमा चार्ज गरिने समुद्री बारुदको आविष्कारमा योगदान पुर्याए, जुन पहिलो स्लेस्विग युद्धको समयमा कीलको डेनिस नाकाबन्दीसँग लड्न प्रयोग गरिएको थियो।[५][६]
युद्धबाट घर फर्किएपछि, उनले पहिले नै स्थापित भइसकेका प्रविधिहरू अझ उत्तम बनाउने गर्ने काम गर्न रोजे र अन्ततः विभिन्न प्रविधिहरूमा आफ्नो प्रगतिका लागि विश्वव्यापी रूपमा परिचित भए। सन् १८४३ मा उनले आफ्नो पहिलो आविष्कारको अधिकार बर्मिंघमको एल्किङ्टनलाई बेचे।[७] सिमेन्सले एउटा टेलिग्राफ आविष्कार गरे जसले मोर्स कोड प्रयोग गर्नुको सट्टा सही अक्षरमाऔँल्याउन सुई प्रयोग गर्थ्यो।[८] यस आविष्कारको आधारमा, उनले १ अक्टोबर १८४७ मा टेलिग्राफ-बाउन्स्टाल्ट भोन सिमेन्स एन्ड हल्स्के कम्पनीको स्थापना गरे, कम्पनीले १२ अक्टोबरमा कार्यशाला खोल्यो।[९]
कम्पनीको स्थापना भए लगत्तै अन्तर्राष्ट्रियकरण भयो। वर्नरका एक भाइले इङ्गल्यान्डमा (सर विलियम सिमेन्स र अर्को सेन्ट पिटर्सबर्ग, रसियामा (कार्ल भोन सिमेन्स) उनको प्रतिनिधित्व गरे। आफ्नो औद्योगिक जीवनपछि, उनी १८८८ मा वर्नर भोन सिमेन्स बने। उनी सन् १८९० मा आफ्नो कम्पनीबाट अवकाश लिए र सन् १८९२ मा बर्लिनमा उनको मृत्यु भयो।
कम्पनी, सिमेन्स एन्ड हल्स्के एजी, सिमेन्स-सकर्टवेर्क र-१९६६ देखि -सिमेन्स एजी को रूपमा पुनर्गठित भयो, पछि उनका भाइ कार्ल, उनका छोराहरू अर्नोल्ड, विल्हेल्म, र कार्ल फ्रेडरिक, उनका नातिहरू हर्मन र अर्न्स्ट र उनका प्रपौत्र पिटर भोन सिमेन्सको नेतृत्वमा थिए। सिमेन्स एजी विश्वको सबैभन्दा ठुलो इलेक्ट्रोटेक्नोलोजिकल कम्पनीहरू मध्ये एक हो। भोन सिमेन्स परिवारको स्वामित्वमा अझै पनि (२०१३ को अनुसार ) कम्पनीको ६% सेयर छ र सुपरभाइजरी बोर्डमा एक सीट छ, सिमेन्स परिवार सबैभन्दा ठुलो शेयरधनी हो।।
पछिका वर्षहरू
[सम्पादन गर्नुहोस्]पोइन्टर टेलिग्राफ बाहेक, सिमेन्सले विद्युतीय इन्जिनियरिङको विकासमा पर्याप्त योगदान दिए। उनलाई जर्मनीमा विद्युतीय इन्जिनियरिङको संस्थापक जनकको रुपमा चिनिन्छ। उनले सन् १८७९ मा विश्वको पहिलो विद्युतीय यात्रु रेल,[१०] र सन् १८८० मा पहिलो विद्युतीय लिफ्ट निर्माण गरे।[११] उनको कम्पनीले ती ट्युबहरू उत्पादन गर्यो जसबाट विल्हेल्म कोनराड रोन्ट्जेन ले एक्स-रेको अनुसन्धान गरेका थिए। उनले डाइनामो को आविष्कार गरेको दाबी गरे तर अरूले यसलाई पहिले नै आविष्कार गरेका थिए।
१४ डिसेम्बर १८७७ मा उनले इलेक्ट्रोमेकानिकल "डायनामिक" वा मुभिङ-कोइल ट्रान्सड्यूसरका लागि जर्मन पेटेन्ट नम्बर २३५५ प्राप्त गरे, जसलाई ए. एल. थुरास र ई. सी. वेन्टेले १९२० को दशकको उत्तरार्धमा लाउडस्पीकर रूपमा प्रयोगका लागि बेल सिस्टमका लागि अनुकूलित गरेका थिए।[१२] वेन्टेको रूपान्तरण १९२९ मा U.S. Patent १,७०७,५४५ जारी गरिएको थियो।
मे १८८१ मा, सिमेन्स र हाल्सकले बर्लिनको उपनगर ग्रोब्स-लिचटरफेल्डमा विश्वको पहिलो विद्युतीय ट्राम सेवाको उद्घाटन गरे।[१३] सिमेन्स ट्रलीबसका पनि पिता हुन्। उनले सुरुमा २९ अप्रिल १८८२ मा आफ्नो "इलेक्ट्रोमोट" प्रयोग गरेर परीक्षण गरेका थिए।
सन्दर्भ सामग्रीहरू
[सम्पादन गर्नुहोस्]- ↑ Wells, John (३ अप्रिल २००८), Longman Pronunciation Dictionary (3rd संस्करण), Pearson Longman, आइएसबिएन 978-1-4058-8118-0।
- ↑ "Werner von Siemens: A dynamic, visionary entrepreneur", siemens.com Global Website (अङ्ग्रेजीमा), अन्तिम पहुँच २०२४-०१-०५।
- ↑ Werner von Siemens. "Inventor and entrepreneur : recollections of Werner von Siemens". London, England, 1966.
- ↑ "HNF - Werner von Siemens (1816-1892)", www.hnf.de। वेब्याक मेसिन अभिलेखिकरण २०१९-०४-०८ मिति
- ↑ "L I F E L I N E S - Werner von Siemens", siemens.com, Siemens Historical Institute, L I F E L I N E S – Volume 5, अन्तिम पहुँच २५ जनवरी २०२३।
- ↑ "Werner Siemens' battle for Friedrichsort Fortress in 1848", Burgerbe.de, २ नोभेम्बर २०१४, अन्तिम पहुँच २५ जनवरी २०२३।
- ↑ Schwartz & McGuinness Einstein for Beginners Icon Books 1992
- ↑ "Courage and ingenuity – Siemens' success story begins with the pointer telegraph", Siemens Historical Institute (अङ्ग्रेजीमा), अन्तिम पहुँच ५ जुन २०१९। वेब्याक मेसिन अभिलेखिकरण ५ जुन २०१९ मिति
- ↑ "The year is 1847", Siemens Historical Institute (अङ्ग्रेजीमा), अन्तिम पहुँच ५ जुन २०१९।
- ↑ E. Hoffmann: Telegraphy and Electrical Engineering at the Berlin Trade Exhibition in 1879. Reprint from: Archiv für Post und Telegraphie 1879, No. 14. Berlin 1879. (Quote p. 17–19 at technik-in-bayern.de)
- ↑ "The History of Elevators From Top to Bottom", ThoughtCo।
- ↑ Ed. M. D. Fagen, "A History of Engineering and Science in the Bell System: The Early Years", Bell Laboratories, 1975, p. 183.
- ↑ "Werner von Siemens", siemens.com Global Website, अन्तिम पहुँच २०२१-०८-१४।