धौलागिरि हिमाल

धौलागिरी
सर्वोच्च बिन्दु
उचाइ	८,१६७ मी (२६,७९५ फिट) सातौं स्थान
प्रमुखता	३,३५७ मी (११,०१४ फिट)
अभिभावक शिखर	[के२]]
भिन्नता	३१८ किमी (१९८ माइल)
सूची	आठ-हजारी Ultra
निर्देशाङ्क	२८°४१′४७″उ॰ ८३°२९′४३″पू॰
भूगोल
क्षेत्र	NP
हिमशृङ्खला	धौलागिरी हिमाल
आरोहण
पहिलो आरोहण	मे १३, १९६० मा स्विस/अस्ट्रियाका दलद्वारा
सबैभन्दा सजिलो मार्ग	उत्तर-पूर्वी चट्टानी बाटो

धौलागिरी (वा धवलागिरी) संसारकै सातौँ अग्लो हिमाल हो। यो धौलागिरी हिमश्रृङ्खलाको पुर्वी छेउमा रहेको छ, जुन नेपाली हिमालयको मध्य भागतिर पर्छ। यो पोखराको उत्तरपश्चिममा अवस्थित छ। यसको पुर्वमा काली गण्डकीको गहिरो गल्छिको अर्कोपट्टि अन्नपुर्ण हिमाल पर्छ, ती मध्ये अन्नपुर्ण प्रथम ८००० मिटरभन्दा अग्लो छ। धौलागिरीको शाब्दिक अर्थ "सेतो पहाड" हुन्छ।

उल्लेखनीय आकृति

सन् १८०८मा पश्चिमाहरूले पत्ता लगाएपछि धौलागिरीलाई ३० वर्षसम्म संसारकै अग्लो पर्वतका रूपमा लिइन्थ्यो तर कञ्चनजङ्घा पत्ता लागेपछि त्यो नै सर्वोच्च शिखर मान्न थालियो। स्थानिय भुधरातलमा भएको अग्लाईको आधारमा धौलागिरी जस्तो अर्को हिमाल संसारमा कुनै छैन। उदाहरणको लागि, यो दक्षिणपुर्वमा ३० किमिको तेर्सो दुरीमा कालीगण्डकीको गल्छिदेखि ७०००मिटरमाथि उठेको छ। धौलागिरी र अन्नपुर्ण जस्ता दुई आठ-हजारी हिमाल नदी नजीकै गल्छि वारिपारि रहेकोले कालीगण्डकी गल्छिलाई अनौठो गल्छिको रूपमा लिइन्छ।

चित्रदीर्घा

• 
  धौलागिरी हिमाल
• 
  धौलागिरी हिमालको एक दृश्य।

यो पनि हेर्नुहोस

• बृहत हिमालय पदमार्ग