विसौं पर्व

स्वतन्त्र विश्वकोश, नेपाली विकिपिडियाबाट
Jump to navigation Jump to search

परापूर्व कालदेखि सूदुरपश्चिमवासीले 'विसु पर्व' नयाँ वर्षको १ देखि २ गतेसम्म मनाउँछन्। नयाँ वर्षको १ गते राति स्थानीयवासीहरू आफ्नो गाउँको कुनै एक घरमा रातभर जाग्राम बसी डेउडा खेल्ने र त्यसको भोलिपल्ट दिउँसो १ बजेदेखि गाउँघरबाट हातहातमा सिस्नो बोकी एकले अर्कोलाई लगाई रमाइलो गर्ने चलन छ।

पर्वका दिन सिस्नु लगाएपछि वर्षभरिमा रोगव्याधी र गाउँमा अनिष्ट, अनिकाल सबै नष्ट हुने किम्वदन्ती छ। जसले बढीलाई सिस्नुलगाउन सक्यो, उसलाई त्यति नै फाइदा हुने बताइन्छ। पर्वको दिनमा सिस्नु लगाउने चलन सालीले भिनाजुलाई बढी लगाउने चलन छ र भनिन्छ 'सालीलाई खोजीखोजी, भिनाजुलाई रोजीरोजी।'

यसरी दिउँसो सिस्नु लगाएर विर्सौपर्व खेली बेलुकी गाउँका मुख्यको घरमा सबै जना जम्मा भई देउता, धामी कमाउँदै आ-आफ्नो घरमा पाकेको नयाँ नौलो रोटी, सेल, पुरी तथा अन्य प्रकारका रोटी खाएर रमाइलो गर्दै आगामी सालको विसौंपर्वका लागि विश्राम गर्छन्।