वुड्रो विल्सन
| वुड्रो विल्सन | |
|---|---|
.jpg) | |
| अमेरिकाको २८ औँ राष्ट्रपति | |
| कार्यकाल ४ मार्च १९१३ – ४ मार्च १९२१ | |
| उपराष्ट्रपति | थामस आर. मार्शल |
| पूर्वाधिकारी | विलियम होवार्ड टाफ्ट |
| उतराधिकारी | व्यारेन गामलियल हार्डिङ |
| न्यू जर्सीको ३४ औँ गवर्नर | |
| कार्यकाल १७ जनवरी १९११ – १ मार्च १९१३ | |
| पूर्वाधिकारी | जोन फ्रॉक्लिन फोर्ट |
| उतराधिकारी | जेम्स फील्डर कार्यकारी गवर्नरको रूपमा |
| प्रिंस्टन विश्वविद्यालयको १३ औँ अध्यक्ष | |
| कार्यकाल १९0२ – १९१0 | |
| पूर्वाधिकारी | फ्रांसिस प्याटन |
| उतराधिकारी | जॉन स्टीवर्ट (कार्यकारी) |
| व्यक्तिगत विवरण | |
| जन्म | डिसेम्बर २८, १८५६ स्टन्टन, भर्जीनिया, अमेरिका |
| मृत्यु | फेब्रुअरी ३, १९२४ (६७ वर्ष) वाशिङटन, डी. सी., संयुक्त राज्य अमेरिका |
| राजनीतिक पार्टी | डेमोक्रेटिक पार्टी (अमेरिका) |
| जीवन साथी(हरू) | एलेन एक्सन विल्सन (१८८५-१९१४) एडिथ बोलिंग (१९१५-१९२४) |
| सन्तान(हरू) | मार्गरेट वुडरो विल्सन जेसी वुडरो विल्सन एलीनर विल्सन मैकाडू |
| मातृ शिक्षाप्रतिष्ठान | डेविडसन कॉलेज प्रिंसटन विश्वविद्यालय भर्जीनिया विश्वविद्यालय जॉन्स हॉपकिन्स विश्वविद्यालय |
| पेशा | अकादमिक इतिहासकार राजनीति विज्ञान |
| हस्ताक्षर |  |
वुड्रो विल्सन ( अंग्रेजी : वुड्रो विल्सन ) (१८५६-१९२४) संयुक्त राज्य अमेरिकाका २८ औँ राष्ट्रपति थिए। विल्सन सार्वजनिक प्रशासनका कार्यहरूको व्याख्या गर्ने एक शैक्षिक विद्वान, प्रशासक, इतिहासकार, विधायक र राजनीतिज्ञको रूपमा चिनिन्छन् । विद्वानहरूले सामान्यतया अमेरिकी राष्ट्रपतिहरूमा विल्सनलाई माथिल्लो तह दर्जा दिएका छन्, यद्यपि उनीमाथि जातीय विभाजन र श्वेत सर्वोच्चता / वर्चस्वलाई समर्थन गर्ने आलोचना गरिएको छ।
सन् १९१४ मा पहिलो विश्वयुद्धको सुरुतिर विल्सनले मित्र शक्ति र केन्द्रीय शक्तिहरू बीच तटस्थताको नीति बनाए। उनले सन् १९१६ को संयुक्त राज्यको राष्ट्रपति चुनावमा रिपब्लिकन पार्टीका उम्मेदवार चार्ल्स इभान्स ह्युजेसलाई साँघुरो मत अन्तरले पराजित गर्दै पुनः चुनाव जितेका थिए। अप्रिल १९१७ मा, विल्सनले सीमित पनडुब्बी युद्धको नीति स्वरूप कँग्रेसलाई जर्मन साम्राज्यको बिरूद्ध युद्धको घोषणा गर्न अपिल गरे । नोभेम्बर १९१९ मा मित्र शक्तिको विजयपछि विल्सन र अन्य सहयोगी नेताहरूले पेरिस शान्ति सम्मेलनमा भाग लिए जहाँ विल्सनले एउटा बहुराष्ट्रिय संगठनको स्थापना गर्न वकालत गरे। परिणामस्वरूप लिग अफ नेशन्सलाई भर्सेल्सको सन्धिमा समाहित गरियो। यद्यपि, विल्सनले संयुक्त राज्यलाई लिग अफ नेशन्समा सम्मिलित हुन र सन्धि अनुमोदन गर्न अमेरिकी सेनेटलाई सहमत गराउन सफल भएनन्। विल्सनले तेस्रो राष्ट्रपति पदको कार्यकालको लागि प्रयास गरेका थिए तर अक्टोबर १९१९ मा उनको एउटा ठूलो हृदयघात लाग्यो जसले गर्दा उनी आफ्नो राष्ट्रपति पदका धेरैजसो पक्षमा असक्षम भए।
उनी १९२१ मा सार्वजनिक जीवनबाट सेवानिवृत्त भए र १९२४ मा ६७ वर्षको उमेरमा उनको मृत्यु भयो।
सन्दर्भ सामग्रीहरू[सम्पादन गर्ने]
