शारीरिक व्यायाम

घरभित्र शारीरिक व्यायाम गर्दै

शरीरलाई तन्दुरुस्ती र समग्र स्वास्थ्य सुधार वा कायम राख्ने शारीरिक क्रियाकलाप हो। यसलाई कसरत वा वर्कआउट पनि भन्ने गरिन्छ। शारीरिक व्यायाम तौल घटाउने वा नियन्त्रण गर्ने, वृद्धि र बल बढाउने, मांसपेशी तथा हृदय–रक्तनली प्रणाली विकास गर्ने, खेलकुद सीप परिष्कृत गर्ने, स्वास्थ्य सुधार गर्ने वा केवल आनन्दको लागि आदि कारणहरूको लागि गर्ने गरिन्छ। स्वास्थ्य लाभको दृष्टिले, सामान्यतया हरेक हप्ता १५० मिनेट (२ घण्टा र ३० मिनेट) मध्यम स्तरको व्यायाम गर्दा स्वास्थ्यसम्बन्धी समस्याहरूको जोखिम घटाउँछ। त्यस्तै, सानो मात्रामा गरिएको व्यायाम पनि व्यायाम नगरेको भन्दा बढी लाभदायक हुन्छ। प्रतिदिन करिब ११ मिनेट (एक घण्टा र पौने दुई घण्टा प्रति हप्ता) व्यायाम गर्नाले समेत समयपूर्व मृत्यु, मुटुरोग, स्ट्रोक, र क्यान्सरको जोखिम घटाउन सक्छ।

व्यायामले ब्यक्तिको शारिरीक स्वस्थताको साथ साथै मानसिक स्वस्थता कायम राख्न तथा विकास गर्न मद्दत गर्छ।