ससेक्सकी राजकुमारी लिलिबेट
| राजकुमारी लिलिबेट | |
|---|---|
| जन्म | लिलिबेट डायना माउन्टब्याटन-विन्डसर ४ जुन २०२१ सान्ता बारबरा कटेज अस्पताल, सान्ता बारबरा, क्यालिफोर्निया, संयुक्त राज्य अमेरिका |
| घराना | विन्डसर |
| बाबु | राजकुमार ह्यारी, ससेक्सका ड्युक |
| आमा | मेगन मार्कल |
| संयुक्त अधिराज्य र अन्य राष्ट्रमण्डल क्षेत्रहरूको राजपरिवार |
|---|
 |
|
|
ससेक्सकी राजकुमारी लिलिबेट (लिलिबेट डायना माउन्टब्याटन-विन्डसर, जन्म: ४ जुन २०२१) बेलायती शाही परिवारकी अमेरिकी मूलकी सदस्य हुन्। उनी राजकुमार ह्यारी, ससेक्सका ड्युक र ससेक्सकी डचेस मेगनकी छोरी हुन्। उनी राजा चार्ल्स तृतीयकी नातिनी हुन् भने उनी बेलायती राजगद्दीको उत्तराधिकार क्रममा सातौँ स्थानमा छिन्।[१]
जन्म र परिवार
[सम्पादन गर्नुहोस्]लिलिबेट डायना माउन्टब्याटन-विन्डसरको जन्म ४ जुन २०२१ का दिन बिहान ११:४० प्रशान्त समय क्षेत्र (१८:४० अप्रस) मा क्यालिफोर्नियाको सान्ता बारबरास्थित सान्ता बारबरा कटेज अस्पतालमा भएको थियो। उनी ससेक्सका ड्युक र डचेसकी दोस्रो सन्तान हुन् र उनका एक दाजु राजकुमार आर्ची छन्।[२] उनको जन्म र नामको घोषणा उनको जन्म भएको दुई दिनपछि गरिएको थियो। उनको नाम उनकी बुढी हजुरआमा रानी एलिजाबेथ द्वितीयको सम्मानमा राखिएको हो, जसलाई परिवारमा "लिलिबेट" भनेर बोलाइन्थ्यो,[१][३] र उनको नामको दोस्रो भाग उनकी हजुरआमा वेल्सकी राजकुमारी डायनाको सम्झनामा राखिएको हो।[२] उनको उपनाम "लिली" हो।[४] उनको पुर्ख्यौली मिश्रित नश्लको छ, जसमा आमाको तर्फबाट अफ्रिकी र युरोपेली वंशजहरू रहेका छन्।[५] साथै, उनीसँग संयुक्त राज्य अमेरिका र संयुक्त अधिराज्य दुवै देशको बाल प्रमाणपत्र रहेको छ।[६] सन् २०२१ डिसेम्बरमा, लिलिबेटको पहिलो तस्वीर उनका आमाबुवाको क्रिसमस कार्ड मार्फत सार्वजनिक गरिएको थियो।[७][८]
सन् २०२२ को जुन महिनामा महारानीको एलिजाबेथ द्वितीयको ७० वर्षको शासनकालको उपलक्ष्यमा मनाइएको एक ऐतिहासिक उत्सवको अवसरमा परिवारले लन्डन भ्रमण गर्दा लिलिबेटले आफ्नी बुढी हजुरआमा इलिजावेथ द्वितीय र हजुरबुवा चार्ल्ससँग पहिलोपटक व्यक्तिगत रूपमा भेट भएको थियो।[८][९] उनको बप्तिस्मा ३ मार्च २०२३ मा एङ्ग्लिकन कम्युनियनको एक प्रान्त, एपिस्कोपल चर्चको विधि अनुसार लस एन्जलसका विसप जोन एच टेलरद्वारा उनका आमाबुवाको घरमा एक निजी समारोहबीच गरिएको थियो।[१०] उनका धर्मपिता अमेरिकी अभिनेता तथा हास्य कलाकार टायलर पेरी हुन्।[११]
लिलिबेट र उनको परिवार मुख्यतया मोन्टेसिटो, क्यालिफोर्नियामा बसोबास गर्छन्।[१२]
पदवी र सम्बोधन
[सम्पादन गर्नुहोस्]८ सेप्टेम्बर २०२२ मा एलिजाबेथ द्वितीयको मृत्यु र चार्ल्स तृतीयको राज्यारोहणपछि, सन् १९१७ मा राजा जर्ज पाँचौँद्वारा जारी गरिएको राजआज्ञा अनुसार, राजाको छोराको सन्तान भएको नाताले लिलिबेट "राजकुमारी" पदवी र "रोयल हाइनेस" सम्बोधन प्रयोग गर्न योग्य भएकी थिइन्।[१३] ८ मार्च २०२३ मा लिलिबेटका आमाबुवाका प्रवक्ताले उनको बप्तिस्माको पुष्टि गर्दै जारी गरेको विज्ञप्तिमा पहिलो पटक सार्वजनिक रूपमा उनलाई "राजकुमारी" पदवीले सम्बोधन गरिएको थियो जहाँ उनलाई "राजकुमारी लिलिबेट डायना" भनिएको थियो।[१४] शाही परिवारको आधिकारिक वेबसाइटलाई ९ मार्चमा अद्यावधिक गरी उनलाई "ससेक्सकी राजकुमारी लिलिबेट"को रूपमा उल्लेख गरिएको थियो।[१५][१६] लिलिबेटले औपचारिक कार्यक्रमहरूमा यी पदवीहरू प्रयोग गर्नेछिन् तर दैनिक कुराकानीमा भने प्रयोग गर्ने छैनन्।[१७]
सन्दर्भ सामग्रीहरू
[सम्पादन गर्नुहोस्]- 1 2 "Prince Harry and Meghan announce birth of baby girl", BBC News, ६ जुन २०२१, अन्तिम पहुँच ६ जुन २०२१।
- 1 2 "Harry and Meghan announce birth of baby daughter, saying: 'She is more than we could have ever imagined'", Sky News, ६ जुन २०२१, अन्तिम पहुँच २८ सेप्टेम्बर २०२१।
- ↑ Shearing, Hazel (७ जुन २०२१), "Queen 'delighted' after Harry and Meghan announce birth of baby girl", BBC News, अन्तिम पहुँच २८ सेप्टेम्बर २०२१।
- ↑ Said-Moorhouse, Lauren (७ जुन २०२१), "The meaning behind Lilibet 'Lili' Diana Mountbatten-Windsor", CNN, अन्तिम पहुँच ८ जुन २०२१।
- ↑ Landler, Mark (६ जुन २०२१), "Harry and Meghan Announce Birth of Second Baby, Lilibet Diana", The New York Times, अन्तिम पहुँच ६ जुन २०२१, "...after a sensational interview with Oprah Winfrey in which Meghan, a 'biracial' American former actress, accused the royal family..."
- ↑ Foster, Max; Said-Moorhouse, Lauren (६ जुन २०२१), "Meghan and Harry welcome baby girl, Lilibet Diana", CNN, अन्तिम पहुँच ६ जुन २०२१, "Her birth in the United States makes her the most senior royal in the line of succession to have been born overseas. It also makes her a dual US-UK citizen, meaning that the youngest Sussex could potentially go on to become US President when she grows up."
- ↑ Ledbetter, Carly (२३ डिसेम्बर २०२१), "Prince Harry, Meghan Markle Release First Photo Of Baby Lili In Holiday Card", HuffPost, अन्तिम पहुँच २३ डिसेम्बर २०२१।
- 1 2 Lee, Joseph (३० जुन २०२२), "Prince Charles had 'very emotional' first meeting with Lilibet, says royal source", BBC News (अङ्ग्रेजीमा), अन्तिम पहुँच ४ जुलाई २०२२।
- ↑ Petter, Olivia (४ जुन २०२२), "Queen 'Meets Lilibet for the First Time' As Harry and Meghan Reunite with Monarch", The Independent, अन्तिम पहुँच ४ जुलाई २०२२।
- ↑ Perry, Simon; Hill, Erin (८ मार्च २०२३), "Meghan and Harry's Daughter Princess Lilibet Christened in Intimate California Ceremony", People, अन्तिम पहुँच ८ मार्च २०२३।
- ↑ Clark, Meredith (१५ डिसेम्बर २०२२), "Prince Harry and Meghan Markle reveal Tyler Perry is daughter Lilibet's godfather", The Independent, अन्तिम पहुँच १५ डिसेम्बर २०२२।
- ↑ Furness, Hannah (१९ फेब्रुअरी २०२२), "Prince Harry will renew Frogmore Cottage lease to keep serving Queen", The Telegraph (en-GBमा), आइएसएसएन 0307-1235, अन्तिम पहुँच १३ सेप्टेम्बर २०२२।
- ↑ Multiple sources: "Prince Harry and Meghan's children in line to get new royal titles after Queen Elizabeth II's death", ABC News। "Prince Harry and Meghan's children Archie and Lillibet now a prince and princess, as a number of royal titles change", CBS News, ११ सेप्टेम्बर २०२२। "How the Queen's death changes royal titles including Archie and Lilibet", ९ सेप्टेम्बर २०२२। "Harry and Meghan's children become Prince Archie and Princess Lilibet", ९ सेप्टेम्बर २०२२। Quinn, Ben (८ सेप्टेम्बर २०२२), "Harry and Meghan's children become Prince Archie and Princess Lilibet", The Guardian (अङ्ग्रेजीमा), अन्तिम पहुँच ९ सेप्टेम्बर २०२२। Hughes, David (८ सेप्टेम्बर २०२२), "Why Prince William isn't automatically the Prince of Wales after Charles became King", inews.co.uk (अङ्ग्रेजीमा), अन्तिम पहुँच ९ सेप्टेम्बर २०२२।
- ↑ Foster, Max (८ मार्च २०२३), "Harry and Meghan's daughter, Lilibet, christened in Los Angeles", CNN (अङ्ग्रेजीमा), अन्तिम पहुँच ८ मार्च २०२३।
- ↑ "Harry and Meghan's children will use royal titles, Buckingham Palace confirms after Princess Lilibet christening", The Evening Standard, ८ मार्च २०२३, अन्तिम पहुँच ८ मार्च २०२३।
- ↑ "Succession", The Royal Family, n.d., अन्तिम पहुँच २५ सेप्टेम्बर २०२२।
- ↑ Elston, Laura (८ मार्च २०२३), "Harry and Meghan call daughter Princess Lilibet as they begin using titles", PA Media, अन्तिम पहुँच ८ मार्च २०२३ – Yahoo! Newsद्वारा।