सागर लम्साल

सागर लम्साल
जन्म	(1992-02-21) २१ फेब्रुअरी १९९२ ज्याग्दीखोला स्याङ्जा, नेपाल
राष्ट्रियता	नेपाली
अन्य नाम	बले ब्रो
पेशा	अभिनेता नृत्यकार हास्य कलाकार
जीवनसाथी	स्नेहा दंगाल ( वि २०२४)
मातापिता	राजेन्द्र लम्साल , ससी लम्साल क्षेत्री

सागर लम्साल क्षेत्री (नेपाली: सागर लम्साल क्षेत्री; जन्म फेब्रुअरी २१, १९९२), जसलाई पर्दामा बले ब्रो नामले चिनिन्छन, उनी एक नेपाली अभिनेता तथा हास्य कलाकार हुन्। उनी टेलिभिजन, चलचित्र तथा संगीत भिडियोहरू मा अभिनयका लागि परिचित छन्।

बाल्यकाल

लम्सालको जन्म स्याङ्जा जिल्लाको बिरुवा गाउँपालिका, ज्याग्दीखोलामा भएको हो। उनले सानो उमेरमै शिक्षा र अभिनयको लागि काठमाडौं प्रस्थान गरेका थिए। उनले शंकर देव क्याम्पसमा अध्ययन गरे र वरिष्ठ अभिनेता बिरेन्द्र हमालबाट अभिनय तालिम प्राप्त गरे।

व्यक्तिगत जीवन

सन् २०२४ मा सागरले भक्तपुरकी नर्स स्नेहा डंगोलसँग विवाह गरेका थिए।

जीवनयात्रा

सागरले आफ्नो करियर २०१३ मा लोफर चलचित्रबाट सुरु गरेका थिए। त्यसपछि उनले लज्जा (२०१४), हैरान (२०१८) र लाज शरणम् (२०२५) मा अभिनय गरेका छन्।

उनी टेलिभिजन श्रृंखला भद्रगोल मा "बले ब्रो" नामक हास्य भूमिकाबाट चर्चित भए र सोही चरित्रलाई सक्किगोनी हास्य धारावाहिकमा निरन्तरता दिए, जुन हिमालय टेलिभिजन र OSR Digital मा प्रशारण भयो।

सागरले ४०० भन्दा बढी संगीत भिडियोमा अभिनय गरेका छन्, जसमा तिम्रो मन बद्लिएछ, हिजो अर्कैसँग देखे, र यादमा जस्ता हिट गीतहरू छन्। उनले नेपालका ६० भन्दा बढी जिल्लामा प्रस्तुति दिएका छन् र दक्षिण कोरिया, हङकङ, बेलायत, संयुक्त राज्य अमेरिका लगायतका देशहरूमा नेपाली मनोरञ्जनको प्रतिनिधित्व गरेका छन्।

चलचित्र सूची

वर्ष	चलचित्र	भूमिका
२०१३	लोफर	- सहायक
२०१४	लज्जा	- सहायक
२०१८	हैरान	- सहायक
२०२५	लाज शरणम्	- सहायक