सिना भाषा

सिना
गिलगिती
ݜݨیاٗ
अरबी लिपि (नास्तालिक) मा लेखिएको 'सिना'
उच्चारण	[ʂiɳjá]
मूलभाषी	पाकिस्तान, भारत
क्षेत्र	गिलगित बल्तिस्तान, कोहिस्तान, द्रास, गुरेज
रैथाने(हरू)	सिना
मातृभाषी वक्ता	११ लाख
भाषा परिवार	हिन्द-युरोपेली इन्डो-इरानी इन्डो-आर्य दार्द पूर्वी दार्द सिना सिना
प्रारम्भिक रूप	आदिम आर्य वैदिक संस्कृत
लिपि	अरबी लिपि (नास्तालिक)
भाषा सङ्केतहरू
आइएसओ ६३९-३	कुनै: scl – मानक सिना plk – कोहिस्तानी सिना
ग्लोटोलग	shin1264  सिना kohi1248  कोहिस्तानी सिना
सुन्तला रङ्गमा सिना भाषाको फैलावट

दार्द सिन समुदाय: काक्सारले सिना भाषा, परम्परा र सांस्कृतिक सम्पदालाई संरक्षण गरेका छन्।

सिना (ݜݨیاٗ, [ʂiɳjá]), वा गिलगिती नामले पनि चिनिन्छ, भारोपेली भाषा परिवार अन्तर्गत दार्द शाखाको एक हिन्द-आर्य भाषा हो। यो मुख्यतया उत्तरी पाकिस्तानका गिलगित-बल्तिस्तान र कोहिस्तान क्षेत्रका सिना जातिद्वारा बोलिन्छ। भारतको जम्मू र कश्मीरको गुरेज उपत्यका र लद्दाखको द्रास उपत्यकामा पनि सिना भाषा बोल्ने सानो समुदाय बसोबास गर्दछ। लद्दाखमा ब्रक्सकत, आजाद कश्मीरमा कुन्दल शाही, चित्राल र कुनारमा पालुला र सावी, स्वात उपत्यकामा उशोजी र दिरमा कालकोटी जस्ता शिना भाषाका अन्य शाखाहरू पनि पाइन्छन्।

हालसम्म यस भाषाको लागि कुनै एक निश्चित लेखन प्रणाली विकसित गरिएको थिएन। यसका लागि विभिन्न लिपिहरू प्रस्ताव गरिए तापनि, सिना वक्ताहरूले प्रयोग गर्ने कुनै एक साझा लेखन प्रणाली हाल प्रचलनमा छैन। सिना मुख्यतया बोलिने भाषा हो, लिखित भाषा होइन।

पाकिस्तानी सञ्चारमाध्यमहरूमा उर्दु र अङ्ग्रेजी जस्ता प्रभावकारी भाषाका साथै अरबी र फारसीको धार्मिक महत्त्वका कारण, शिना भाषाले निरन्तर रूपमा नयाँ आगन्तुक शब्दहरू सापटी लिँदै आफ्नो शब्दावली भण्डार विस्तार गरिरहेको छ। यो प्रक्रिया पाकिस्तानका अन्य धेरै भाषाहरूमा पनि निरन्तर भइरहेको छ।