सिन्धुलीमाढी

कृपया ऐतिहासिक किल्ला सिन्धुलीगढीसँग भ्रमित नहुनुहोस्।

सिन्धुलीमाढी सिन्धुली, सिन्धुली बजार
जिल्ला सदरमुकाम
सिन्धुलीमाढीको दृश्य
सिन्धुलीमाढी नक्सामा सिन्धुलीमाढी सिन्धुलीमाढी सिन्धुलीमाढी (नेपाल)
निर्देशाङ्क: २७°१२′३७″उ ८५°५४′४५″पू
देश	नेपाल
प्रदेश	बागमती
जिल्ला	सिन्धुली
नगरपालिका	कमलामाई
वडाहरू	४,५,६ र ७
जिल्ला सदरमुकाम घोषित	वि.सं. २०२३ पुष २
कमलामाई नगरपालिकाको भाग	वि.सं. २०५३ चैत १४
क्षेत्रफल
• जम्मा	८८.६८ किमी२ (३४.२४ वर्ग माइल)
उन्नतांश	५१० मिटर (१६७० फिट)
जनसङ्ख्या  (वि.सं. २०७८)
• जम्मा	३६४३६
• घनत्व	४१०/किमी२ (११००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
हुलाक कोड	४५९००
क्षेत्रीय सङ्केत	०४७

सिन्धुलीमाढी, जसलाई सामान्यतया सिन्धुली वा सिन्धुली बजार पनि भनिन्छ, नेपालको बागमती प्रदेश अन्तर्गत पर्ने सिन्धुली जिल्लाको सदरमुकाम तथा कमलामाई नगरपालिकाको प्रशासनिक केन्द्र हो। यसको कुल क्षेत्रफल ८८.६८ वर्ग किलोमिटर रहेको छ। वि.सं २०७८ सालको जनगणना अनुसार यहाँको जनसंख्या ३६,४३६ रहेको छ।

सिन्धुलीमाढी सिन्धुली उपत्यकामा अवस्थित छ र यसमा कमलामाई नगरपालिकाका चार वटा वडाहरू पर्दछन्। यो राष्ट्रिय राजधानी काठमाडौँबाट करिब १५० किलोमिटर तथा प्रदेश राजधानी हेटौँडाबाट करिब १२० किलोमिटरको दूरीमा रहेको छ।

पृष्ठभूमि

तत्कालिन श्री ५ को सरकारद्वारा नेपाल अधिराज्यलाई १४ अञ्चल र ७५ जिल्लामा विभाजन गर्ने वि.सं. २०१९ मङ्सिर ५ गतेको निर्णय र वि.सं. २०१९ पुष २ गते नेपाल गजेटमा प्रकाशित सूचना अनुसार सिन्धुली जिल्ला गठन गरि सिन्धुलीगढीलाई सदरमुकाम तोकिएको थियो। वि.सं. २०२३ कार्तिक ३ गते तत्कालिन श्री ५ को सरकार गृह पञ्चायत मन्त्रालयद्वारा गरिएको निर्णय र वि.सं. २०२३ पुष १८ गते नेपाल राजपत्रमा प्रकाशित सूचना अनुसार सदरमुकाम सिन्धुलीमाढी कायम गरिएको थियो। वि.सं. २०५३ चैत १३ गतेसम्म सिद्धेश्वर गाउँ विकास समितिको भाग रहेको सिन्धुलीमाढी नेपाल सरकारको निर्णय बमोजिम वि.सं. २०५३ चैत १४ गते सिद्धेश्वर र भिमान गाउँ विकास समिति गाभिएर बनेको कमलामाई नगरपालिकाको भाग भएको थियो।

विभाजन

कमलामाई नगरपालिका

हालको वडा	साविक वडाहरू	क्षेत्रफल (किमी२)	जनसंख्या (२०७८)	केन्द्र
४	१,२,५ र ९	२७.१२	८,८१८	ढुङ्ग्रेबास
५	४	२६.८४	८,२९२	मधुटार
६	६	५.९३	१२,४९८	माढीबजार
७	७ र ८	२८.७९	६,८२८	माझीटार