१२ गाउँ

१२ गाउँ
चलचित्र पर्चापत्र
निर्देशक	विराज भट्ट
लेखक	सन्तोष सरकार
निर्माता	सरस्वती भट्ट
मुख्य कलाकार	बिराज भट्ट समीर भट्ट सोनु चन्द्रपाल दिया मास्के मुरली धर सनिषा भट्टराई न्यान्सी खड्का
सम्पादन	भूपेन्द्र अधिकारी कुचिपुडी लथा प्रवीण
वितरक कम्पनी	बिराज भट्ट फिल्म प्रोडक्सन
प्रदर्शन मिति	१० अक्टोबर २०२४ (2024-10-10)
अवधि	१४७ मिनेट
देश	नेपाल
भाषा	नेपाली

१२ गाँउ २०२४ मा विराज भट्ट द्वारा निर्देशित नेपाली एक्सन ड्रामा चलचित्र हो। बिराज भट्ट चलचित्र प्रोडक्सनको ब्यानरमा सरस्वती भट्टले निर्माण गरेको चलचित्रलाई सन्तोष सरकारले लेखेका हुन्। यो चलचित्र दशैंको पर्वमा १० अक्टोबर २०२४ मा रिलिज भएको थियो। यसमा विराज भट्ट, समिर भट्ट, सोनु चन्द्रपाल, दीया मास्के, मुरली धर, सनिशा भट्टराई, नरेन खड्का, न्यान्सी खड्का लगायतका कलाकारको अभिनय रहेको छ। यो विराज भट्टका छोरा समिर भट्ट, सनिशा भट्टराई र न्यान्सी खड्काको डेब्यु चलचित्र हो भने भारतीय अभिनेत्री सोनु चन्द्रपालको नेपाली डेब्यु चलचित्र हो।

१२ गाउँ, ज्वाई साब र छक्का पन्जा ५ सँगसँगै रिलिज भएको थियो। फिल्मले समीक्षकहरूबाट मिश्रित प्रतिक्रिया पायो भने समीर भट्टको अभिनय र पृष्ठभूमि स्कोरको अत्यधिक प्रशंसा गरियो र दर्शकहरूको सकारात्मक प्रतिक्रिया पनि प्राप्त भयो। फिल्मले बक्स अफिसमा धेरै रेकर्ड तोड्यो र देशभर पहिलो हप्तामा १०.५ करोड कमाई गर्‍यो, जसले गर्दा यो २०२४ को नेपालमा सबैभन्दा ठुलो ओपनिङ मध्ये एक बन्यो र बक्स अफिसमा लगभग २० करोड कमाई गर्‍यो जसले गर्दा यो अहिलेसम्मकै सबैभन्दा धेरै कमाई गर्ने नेपाली चलचित्र बन्यो जबसम्म यसको रेकर्ड पूर्ण बहादुरको सारंगीले तोडेन। फिल्मले समीर भट्टलाई स्टारडम प्रदान गर्‍यो र नेपाली चलचित्र उद्योगमा बिराज भट्टको लागि ठुलो पुनरागमन भयो।