स्पेनी भाषा

स्पेनी भाषा (अङ्ग्रेजी: Spanish स्पेनिश, स्पेनी: español एस्पाञोल ) स्पेनमा उत्तपत्ती भएर संसारका धेरै देशहरूमा बोलिने भाषा हो । स्पेनमा उत्पन्न तथा विकास भएर यो भाषा हाल स्पेन लगायत अफ्रिका, अमेरिका लगायत पूर्वी एशियामा समेत प्रयोग गरिन्छ । यो भाषा भारोपेली भाषा परिवार अन्तरगत पर्दछ । यो स्पेन र धेरै जसो दक्षिण अमेरिकी देशहरू सहित २१ देशहरूको राष्ट्रिय भाषा हो । यो संयुक्त राष्ट्रसंघका ६ वटा आधिकारीक भाषाहरू मध्येको एक हो ।

यो भाषा ३२ देखि ४० करोड मानिसहरूले आफ्नो प्रथम भाषाको रूपमा बोल्ने गर्दछन् । यो भाषा बोल्ने सबैभन्दा धेरै मानिसहरू मेक्सिकोमा बस्दछन् । संयुक्त राज्य अमेरिकामा अङ्ग्रेजी पछिको दोश्रो सबैभन्दा व्यापक भाषा हो । अंग्रेजी र फ्रान्सीसी भाषा पछिको संसारको सबैभन्दा तेश्रो प्रभावशाली भाषा हो ।

स्पेनी भाषा निम्न लिखित देशहरूको आधिकारीक भाषा हो :

• आर्जेन्टिना
• उरुग्वाइ
• एक्वादोर
• एल साल्भादोर
• क्युबा
• कोलोम्बिया
• कोस्ता रिका
• ग्वातेमाला
• चिले
• डोमिनिकन गणतन्त्र
• निकाराग्वा
• पानामा
• पाराग्वाइ
• पेरु
• प्वेर्तो रिको
• बोलिभिया
• भूमाध्यरेखीय गिनी
• भेनेस्वेला
• मेक्सिको
• स्पेन
• होन्दुरास