लवण

सामान्यतया लवण एउटा तटस्थ यौगिक हो । यसमा अम्लमा भएको हाइड्रोजनलाई धातुले पूर्ण या आंशिक रूपमा विस्थापित गरेको हुन्छ
NaOH + HCl → NaCl + H₂O
CuO + H₂SO₄ → CuSO₄ + H₂O
यहाँ माथिको समीकरणमा Nacl र CuSO₄ लवण हुन् ।

लवणका गुणहरु

1. धेरैजसो लवणहरुको स्वाद तीतो हुन्छ भने केहि लवणहरु नुनिलो हुन्छन् ।
   
2. सूचक पदार्थहरुप्रती कुनै लवण (जस्तै NaCl) तटस्थ हुन्छ्न् भने कुनै अम्लिय (जस्तै CuSO₄) र कुनै क्षारिय (जस्तै Na₂CO₃) हुन्छन् ।
   
3. धेरैजसो लवणहरु पानीमा घुलनसिल हुन्छ्न् ।
   
4. लवणहरुको पग्लने र उम्लने बिन्दु प्रायः उच्च हुन्छ ।
   

लवण बन्ने प्रक्रिया

1. तत्वहरुको प्रत्यक्ष मिलनद्वारा :
   

2Fe + 3Cl₂ → 2 FeCl₃
2Na + Cl₂ → 2NaCl

1. केहि धातुहरु (जस्तै: जस्ता/जिङ्क, म्याग्नेसियम, सोडियम) जस्ता धातुहरुले अम्लसँग प्रतिक्रिया गरि लवण बनाउँदछ्न् ।
   
2. धातुका अक्साइडहरुले( जस्तै: MgO, FeO) अम्लसँग प्रतिक्रिया गरि लवण बनाउँदछ्न् ।
   
3. अम्ल र क्षार बिच रासायनिक प्रतिक्रिया हुँदा लवण बन्छ ।
   
4. अम्ललाई कार्बोनेट र बाइकार्बोनेटसँग प्रतिक्रिया गराएर पनि लवण बनाउन सकिन्छ ।

लवणको प्रयोग

1. खाने नुन लवण हो जुन खान प्रयोग गरिन्छ ।
2. साबुन, ग्लास तथा डिटरजेन्ट बनाउन ।
3. चक तथा Plaster of Paris बनाउन ।
4. रासायनिक मल बनाउन ।
5. सेल ब्याट्रीहरुमा इलेक्ट्रोलाइटका रुपमा ।