"कुँवर इन्द्रजीत सिंह" का संशोधनहरू बिचको अन्तर
पङ्क्ति ५४: | पङ्क्ति ५४: | ||
* ११. [[लक्ष्मीप्रसाद देवकोटा]] - शिक्षा, स्वायत्तशासन मन्त्री |
* ११. [[लक्ष्मीप्रसाद देवकोटा]] - शिक्षा, स्वायत्तशासन मन्त्री |
||
<ref>[http://rajpatra.dop.gov.np/welcome/book/?ref=1104०१४ साल श्रावण |
<ref>[http://rajpatra.dop.gov.np/welcome/book/?ref=1104०१४ साल श्रावण ११ गतेको नेपाल गजेट]</ref> |
||
=== बहिर्गमन === |
=== बहिर्गमन === |
२२:३५, १७ डिसेम्बर २०१८ जस्तै गरी पुनरावलोकन
कुँवर इन्द्रजीत सिंह (के आई सिंह) | |
---|---|
२० औं प्रधानमन्त्री (नेपाल) | |
कार्यकाल २०१४ श्रावण ११[१] – २०१४ कार्तिक २९[२][३] | |
एकाधिपति | राजा महेन्द्र |
पूर्वाधिकारी | टंकप्रसाद आचार्य |
उतराधिकारी | सुवर्ण सम्शेर राणा |
व्यक्तिगत विवरण | |
जन्म | विसं. १९६३ डोटी |
मृत्यु | थाइल्याण्डको बैंकक |
राजनीतिक दल | युनाइटेड डेमोक्रेटिक पार्टी |
के.आई. सिंह अर्थात् कुँवर इन्द्रजीत सिंह विद्रोही नेता तथा नेपालका पूर्व प्रधानमन्त्री थिए। यिनी होमियोप्याथी सम्बन्धी डाक्टर थिए।
कलेज जीवन
डोटीमा विसं. १९६३ मा जन्मिएका कुँवर इन्द्रजित सिंह सानै छँदा परिवारसँगै बर्मा पुगेका थिए । उनले त्यहीँ विद्यालय शिक्षा हासिल गरे । बर्मामै उनले आयुर्वेदसम्बन्धी अध्ययन गरेका थिए ।
चिकित्सक वा विद्यावारिधि नगरेको भए पनि औषधिमूलो गर्ने भएकाले डाक्टर भनिएको थियो । उनले त्यही आधारमा आफ्नो नाम डा.के.आई. सिंह लेख्न थाले ।
२००७ सालको क्रान्ति
२००७ सालको क्रान्तिमा पश्चिम तराईबाट सक्रिय रहेका यिनी दिल्ली सम्झौता धोका हो भनी आन्दोलन रोक्न तयार थिएनन्
पछि त्यही निहूँमा आन्दोलन गरेपछि यिनी पक्राऊ गरेर काठमाडौंं ल्याइएका थिए। प्रखर स्वभावका यिनलाई त्यसबेला सिंहदरवार भित्र रहेको बिजुली गारतको नियन्त्रणमा कैद गरिएको थियो।। प्रजातान्त्रिक सरकारमा पनि मोहन शमशेर नै प्रधानमन्त्री हुने भएपछि असन्तुष्ट बनेका कमान्डर केआई सिंह नै सिंहदरबार विद्रोहमा जोडिए।[४] पछि त्यहाँ कार्यरत सिपाहीहरूलाई नै प्रभावमा लिई सिंहदरवार नै नियन्त्रण गरेर बिद्रोह गरे। सिंहदरवार बाहिर रहेको सेना र भित्र रहेको विद्रोही सेनाबीच गोली हानाहान भयो। अन्त्यमा दूत मार्फत यिनले आफूलाई सुरक्षित काठमाडौंं उपत्यका बाहिर जान दिने भए विद्रोह छोड्ने बताएपछि सोही अनुसार यिनलाई छोडियो।
त्यसपछि यिनी झण्डै १ वर्ष चीन सरकारको शरणमा गै बसे।
प्रधानमन्त्री
पछि नेपाल फर्केपछि २०१४ सालमा यिनी राजाद्वारा प्रधानमन्त्री बनाइए।[५][६] यिनको मन्त्रिपरिषद्मा शिक्षा मन्त्री महाकवि लक्ष्मीप्रसाद देवकोटा थिए ।
कडा स्वभावका यिनले त्यसबेला सचिव लगायत विभिन्न कर्मचारीहरूलाई हातपात सम्म गरेका थिए। अत्यन्तै उद्दण्ड स्वभावका देखिएकाले यिनको सरकार ३ महिना सम्म पनि टिक्न सकेन। पछि यिनलाई हटाएर सुवर्ण सम्शेर राणाको नेतृत्त्वमा सरकार गठन भयो।
मन्त्रिमण्डल
- १. के.आई. सिंह - प्रधानमन्त्री, गृह र परराष्ट्र
- २. पुरेन्द्रविक्रम शाह - रक्षा मन्त्री
- ३. परशुरामभक्त माथेमा - उद्योग वाणिज्य मन्त्री
- ४. सी.बी. सिंह - अर्थ, मालपोत मन्त्री
- ५. डम्बर बहादुर सिंह - कानुन तथा संसदीय प्रबन्ध मन्त्री
- ६. रामाधीन महतो - वन मन्त्री
- ७. जीवराज शर्मा - योजना विकास मन्त्री
- ८. कुलबहादुर लिम्बू - स्वास्थ्य मन्त्री
- ९. भुपालमान सिंह कार्की - खाद्य कृषि मन्त्री
- १०. पद्यनरसिंह राणा - पब्लिक वर्कस तथा सञ्चार मन्त्री
- ११. लक्ष्मीप्रसाद देवकोटा - शिक्षा, स्वायत्तशासन मन्त्री
बहिर्गमन
यिनको राजा महेन्द्रलाई २००७ साल अघि बाबु-बाजेजस्तै थपनाका राजा बनाई प्राइममिनिस्टर भएर सर्वेसर्वा हुने योजना थियो तर जनरल नर शमशेरले भोलिपल्टै नारायणहिटी गए र राजालाई बेलिबिस्तार लगाए । सबै कुरा सुनिसकेपछि राजा महेन्द्रले भने, 'बदमास पो रहेछ, तिमी धन्दा नमान, म ओखती गर्छु (हेमन्तशमशेर राणा, जनरल नरशमशेर जंगबहादुर राणाको जीवनी, पृ ८८–९२) ।'[८]
त्यत्तिकैमा कार्तिक २९ को दिन प्रधानमन्त्री सिंहलाई दरबारमा बोलाइयो । कुनै अप्रिय अवस्था सिर्जना होला भनेर दरबारभित्रका सेनालाई सतर्क राखियो । दरबारभित्रका कर्मचारीलाई कार्यलयबाहिर ननिस्किन आदेश दिइयो । त्यत्तिकैमा सिंह नारायणहिटी राजदरबार पुगे र राजा महेन्द्रसँग केही बेर 'वान-टु-वान टक' गरेर फर्किए । लगत्तै राजाले केआई सिंह नेतृत्वको मन्त्रिमण्डल विघटन गरेको समाचार सार्वजनिक भयो (माथेमा, पृ. २६९) ।[८][६]
पञ्चायती राजनीति
पछि यिनी पञ्चायती राजनीतिमा पनि सांसद सम्म भए।
यिनको सन् १९८२ मा घाँटीको क्यान्सरको उपचार गर्दा गर्दै थाइल्याण्डको बैंककमा निधन भयो। [९]
सन्दर्भ सामग्रीहरू
- ↑ http://rajpatra.dop.gov.np/welcome/book/?ref=1104
- ↑ http://rajpatra.dop.gov.np/welcome/book/?ref=1111
- ↑ नेपाल परिचय प्रकाशक सूचना विभाग २०७४ बैशाख
- ↑ http://annapurnapost.com/news/88759 किन असफल भयो सिंहदरबार विद्रोह ?
- ↑ http://rajpatra.dop.gov.np/welcome/book/?ref=1104
- ↑ ६.० ६.१ http://rajpatra.dop.gov.np/welcome/book/?ref=1111
- ↑ साल श्रावण ११ गतेको नेपाल गजेट
- ↑ ८.० ८.१ http://annapurnapost.com/news/60847 महेन्द्रविरुद्ध असफल ‘कु’
- ↑ Obituaries New York Times