छविलाल उपाध्याय

छबिलाल उपाध्याय
जन्म	(१८८२-०५-१२)१२ मे १८८२ बुधिगाङ (अविभाजित डाराङ) अहिले विश्वनाथ जिल्ला, असम
मृत्यु	२४ जनवरी १९८०(1980-01-24) (उमेर ९७) मजगाउँ (गंगमाउथन)
राष्ट्रियता	भारतीय
अन्य नाम	छबिलाल उपाध्याय, छबिलाल बाबु
पेशा	असमका राजनीतिक नेता
राजनीतिक दल	असम प्रदेश कांग्रेस कमेटी

छविलाल उपाध्याय (१२ मे १८८२ - २४ जनवरी १९८०), असम प्रदेश कांग्रेस कमिटीको पहिलो (निर्वाचित) अध्यक्ष थिए। सन् १९१९ मा उपाध्यायको परिवार आजको असमको विश्वनाथ जिल्लाको बेहाली तहसीलको मजगाउँ (गंगमाउथन) मा बसोबास गरे।

राजनीतिक योगदान

छबिलाल उपाध्याय, छबिलाल बाबु भनेर चिनिने आसामका भारतीय स्वतन्त्रता आन्दोलनका एक प्रमुख नेता थिए। उपाध्याय स्वतन्त्रता संग्राममा सामेल भए । १८ अप्रेल, १९२१ मा, जोरहटमा उपाध्यायको अध्यक्षतामा एक बैठक सम्पन्न भयो जहाँ असम एसोसिएशनलाई भारतीय राष्ट्रिय कांग्रेसमा विलय गरी असम प्रदेश कांग्रेस समिति गठन गरियो। उनी असम प्रदेश कांग्रेस कमिटीको पहिलो (चयनित) अध्यक्ष बने।उनी कांग्रेसमा सामेल भएको कारण अंग्रेजहरूले गिरफ्तार गरे र गान्धीजीको नेतृत्वमा असहयोग आन्दोलनमा सामेल भएर छ महिनाको जेल सजाय भोगे।

उपाध्यायले गोहपुर उप-डिभिजनमा विभिन्न स्थानीय विद्यालयहरू स्थापना गर्न महत्त्वपूर्ण भूमिका खेलेका थिए। उनको नेतृत्वमा अखिल भारतीय गोर्खा लीगको आह्वानमा तीस हजार नेपाली भाषीहरूले जिन्नाको प्रस्तावको विरोध गरे।^{[स्रोत नखुलेको]}

अब, असम सरकारले बेहाली, असममा एउटा इन्जिनियरिङ कलेज स्थापना गर्ने घोषणा गरेको छ जसको नाम छबिलाल उपाध्यायको नाममा राखिनेछ।