ढोल

ढोल

अन्य नामहरू	ਢੋਲ, ڈھول, ઢોલ, ढोल
वर्गीकरण	Membranophone
सम्बन्धित वाद्ययन्त्रहरू
ढोलक, नगरा
थप लेखहरू वा जानकारी
भाङ्डा, पञ्जावी संगीत, बिहू नृत्य

ढोल मृदङ्गका छाँटको ठूलो तालबाजा हो । देख्नमा यो मादलजस्तो हुन्छ । दुवैतिरको व्यास बराबर आकारको हुन्छ । यसको एकातर्फ गजोले र अर्कातर्फ हातले हिर्काएर बजाइन्छ । ढोल साना-ठूला विभिन्न आकारका हुन्छन् । यसलाई विभिन्न जातजातिले आफ्नै नाम, ताल र बोलहरूमा प्रयोग गर्ने गरेको पाइन्छ। ढोल किराती संस्कृतिमा उच्च महत्व राख्ने तालबाजा हो । किरातीहरूले मानव उत्पत्ति, कृषिको उत्पत्ति, कपडाको उत्पत्ति, चराचुरुङ्गी, जनावार र प्रकृतिसँग मानवको सम्बन्ध दर्शाउने सुन्दर र श्रृंखलाबद्ध नाच साकेला/साख्खेवा सिली यही ढोल र झ्याम्टाको तालमा प्रस्तुत गर्छन् ।

ढोल (अर्मेनियाली: Դհոլ; उच्चारण "डुह्-होल") आर्मेनियाबाट विकसित भएको विश्वास गरिन्छ। बेलनाकार काठको ढुंग्रोमा गाईको छालाले टालेर एकतिर तिखो ध्वनी र अर्को तिर भद्दा ध्वनी निस्कने गरी बनाइने यो बाजा पञ्जाबी संस्कृतिमा निकै प्रख्यात छ।