बराङ्दी

बराङ्दी
पूर्व गाविस
नेपालको नक्सामा बराङ्दीको अवस्थिति बराङ्दी (नेपाल)
निर्देशाङ्क: २७.७७°N ८३.८५°E / 27.77; 83.85
देश	नेपाल
प्रदेश	लुम्बिनी प्रदेश
जिल्ला	पाल्पा जिल्ला
जनसङ्ख्या  (वि.सं २०६८)
• जम्मा	२,३५१
समय क्षेत्र	युटिसी+५:४५ (नेपाली समय)

बराङ्दी नेपालको पूर्व प्रशासनिक विभाजन अनुसार, पश्चिमाञ्चल विकास क्षेत्रको लुम्बिनी अञ्चल, पाल्पा जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या २३५१ रहेको थियो जसमध्ये १०४९ पुरुष र १३०२ महिला रहेका थिए भने यहाँ ५६६ घरधुरी रहेको थियो। बराङ्दीको सिमाना पूर्बमा चापपानी, उत्तरमा खानिगाउँ र दक्षिणमा बौघापोखराथोक र बौघागुम्बा सम्म पुगेको छ । यस गाविस मा प्राय बस्याल थर भएका मानिसहरूको बसोबास बाक्लो छ । यस ठाँउको औसत ताप्क्रम ३० डिग्री सेल्सियस र न्युनतम तापक्रम ३ डिग्री सेल्सियस हुने गर्दछ ।

रहनसहन

चापपानी उदगमस्तल बनाउने मरेखोला यसै ठाउँमा अबस्थित छ । नारायणडाँडा, घिमिरेडाँडा, झिरभंज्याङ, सातानखोला, साफाखुम, फालाले, ढाबखोला आदि यस ठाँउका मुख्य गाउँहरु हुन । जनसङ्ख्या २,३५१ रहेको यस्तो ठाउँमा कफी, अदुवा, मौरी पालन तरकारीखेती आदि निकै राम्रोसँग फस्टाएको छ । सदरमुकाम: तानसेनसँग सिमाना जोडिएको यो गाविस को विकास राम्रोसँग भएको पाहिन्छ । टेलीफोन आदि उपलब्ध हुने यस्तो ठाउँमा साक्षरता प्रतिशत निकै कम छ । प्राय मकै, गहुँ, धान यस ठाउँबाट उत्पादन हुने गर्दछन । गिनिज बुक अफ वर्ल्ड रेकर्डस हातमा धेरै बल अटाउने नारायण र दुनियाँ भरी सबैभन्दा ठुलो धातुको महाम्युर्तुन्जय शिव मुर्ति यस ठाँउमा आवस्थित छ । बराङ्दिखोलाको माछा निकै पोशिलो हुने गर्दछ र निकै स्वादिलो पनि छ । बराङ्दी खोलाकै भरमा बराङ्दीका अधिकांस मानिसहरूको जीवन चलीरहेको छ । साधारण तय कच्चा बाटो भए पनि बस, जिप आदि चल्ने गर्दछ ।

बसोवास

यो गाविस मा बस्याल, घिमिरे, न्यौपाने, थापा, राना, विश्वकर्मा, भुशाल, सोमै आदि थर भएका मानिसहरु यस ठाउँमा छन ।

वन सम्पदा

यस गाविस मा मुख्यतय चिलाउने, साल, खल्लुक, आँप, बरेख, आदि काठ यस ठाउँमा पाइन्छ ।

आर्थिक विकास

सरकारी लगानिको कारण तानसेन देखि रानीमहल सम्मको बाटो निर्माण भएको छ । करिब १० किलोमिटर भएको सो बाटो नारायणडाँडा, अहल, हात्तीढुङा, बैगुन्ठे हुँदै रानीमहल पुगेको छ । यस गाविस मा श्री बेद उच्च मा.वि, श्री जन नि.मा.वि. लगायत अन्य विद्यालयहरु छन्।

धार्मिक सम्पदा

यस ठाउँमा मालारानी देविथान, श्री शिवालय मन्दिर, कालिका मन्दिर, आदि छन ।

जीव जनावर

स्याल, गोहोरो, चितुवा, कालिज, मृग, भार्से, सर्प आदि जनावर पाइन्छन ।