वाङसिङ देउराली

वाङसिङ देउराली
पूर्व गाविस
नेपालको नक्सामा वाङसिङ देउरालीको अवस्थिति वाङसिङ देउराली (नेपाल)
निर्देशाङ्क: २७.९५३७२८°N ८३.५१२३५१°E / 27.953728; 83.512351
देश	नेपाल
प्रदेश	गण्डकी प्रदेश
जिल्ला	स्याङ्जा जिल्ला
जनसङ्ख्या  (वि.सं २०६८)
• जम्मा	२,३७४
समय क्षेत्र	युटिसी+५:४५ (नेपाली समय)

वाङसिङ देउराली नेपालको पूर्व प्रशासनिक विभाजन अनुसार, पश्चिमाञ्चल विकास क्षेत्रको गण्डकी अञ्चल, स्याङ्जा जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या २३७४ रहेको थियो जसमध्ये ९९६ पुरुष र १३७८ महिला रहेका थिए भने यहाँ ६२४ घरधुरी रहेको थियो। यो आधिँखोला गाउँपालीका वडा नं ४ मा अवस्थित छ। यहाँ श्रवणकुमारको मन्दिर रहेको छ श्रबणकुमार अन्धा वाआमालाई पानी खुवाउन पुगेको पोखरी रहेको छ, जहाँ श्रवणकुमारलाई बाण लागेको थियो। बाहुन, क्षेत्री, दमाई, कामी र सार्की जातिको बसोबास रहेको यो गाउँ दुईतिरबाट सामुदायिक वनले घेरिएको छ । पर्यटकीय क्षेत्र पञ्चासे र डहरे देउरालीको काखमा अवस्थित यस गाविसको छिमेकमा बाँगेफड्के , कास्कीको भदौरे तामागी, पर्वतको आर्थर का साथै विचारी चौतारा, चिलाउनेवास र सेतीदोभान गाविस रहेका छन ।

यातायात

वाङसिङ देउराली गाविस पुग्नका लागि सिद्दार्थ राजमार्गको फेदीखोला गाविस अन्तर्गत खड्केटारीबाट भाटखोला,बाँगेफड्के गाविस पार गरेर एक पर्यटकीय सडक प्रयोग गर्न सकिन्छ । यसका साथै सिद्दार्थ राजमार्गको पुतलीबजार नगरपालिका अन्तर्गत नौडाँडाबाट नौडाँडा कार्कीनेटा सडकखण्डबाट सेतीदोभान गाविसलाई पार गरेर पनि उक्त स्थान पुग्न सकिन्छ ।