त्रिफला पुस्तकालय

फलाहारी

त्रिफला पुस्तकालय झापाको धुलाबारी बि. स. २०५३ वैषाख १ गते स्थापना भएको हो। पुस्तकालयको स्थापनामा पुस्तकालयका संस्थापक एवं सक्रिय योगदान कर्ता प्रेमप्रकाश फलाहारीको महत्तपूर्ण योगदान रहेको छ । फलाहारिकै सत्प्रयासबाट यो पुस्तकालय पूर्वाञ्चलकै एक प्रमुख पुस्तकालयका रूपमा परिचित छ । पुस्तकालय भवनको परिसरमा मोतीराम भट्ट र जग्गा दाता एवं पाँच लाखको मोती पुरस्कारका निमित्त अक्षयकोषका संस्थापक छत्रबहादुर बस्नेतको सालिक निर्माण गरिएको छ । त्रिफला पुस्तकालयको विकास र मोती पुरस्कार स्थापना गर्ने कार्यमा साहित्यकार एवं समालोचक गणेशबहादुर प्रसाईंको अविस्मरणीय योगदान रहेको देखिन्छ ।