युइयफए युरो २०१६ फाइनल

युइयफए युरो २०१६ फाइनल

प्रतियोगिता	युरोकप २०१६
पोर्चुगल फ्रान्स १ ०
अतिरिक्त समयमा
मिति	१० जुलाई २०१६ (2016-07-10)
स्थान	स्टेड डे फ्रान्स, सेन्ट डेनिस
म्यान अफ द म्याच	पेपे (पोर्चुगल)
रेफ्री	मार्क क्लेटनबर्ग (इङ्ल्यान्ड)
उपस्थिति	७५,८६८
मौसम	उज्यालो २८ °से (८२ °फे) ३८% आद्रता

युइयफए युरो २०१६ फाइनल फुटबल खेल सन् २०१६ जुलाई १० मा फ्रान्सको स्टेड डे फ्रान्समा युरोकप २०१६को विजेतालाई टुङ्गो लगाउन भएको थियो । पोर्चुगल टिम युरोपेली च्याम्पियनसिपको दोस्रो पटक फाइनलमा स्थान बनाएको थियो भने प्रतिद्वन्द्वी तथा आयोजक राष्ट्र फ्रान्स दुई पटक उपाधि जितेको थियो । पोर्चुगलले अतिरिक्त समयमा प्रतिस्थापित खेलाडी इडरको एक गोलको मद्दतले युरो कप २०१६ पहिलो पटक जितेको थियो ।

खेल

म्यान अफ द म्याच

• पेपे

गोल कर्ता

• इदर(१०९ मिनेट)

खेल मैदानको तापक्रम

• २७°C (८२°F)

रंगशालामा दर्शकको संख्या

• ७५,८६८

युरोकप २०१६ को फाइनल भिडन्तका बारेमा अन्य थप केही मुख्य जानकारीहरू

-

पोर्तगाल	नतिजा	फ्रान्स
१	गोल	०
९	सुत	१८
३	टार्गेत सुट	७
७	बचाउ	३
४७%	बल पोजिसन	५३%
५	कर्नर	९
१२	फल	१३
०	पेनाल्टी	०
१	अफ साइड	२
६	पहेंलो कार्ड	४
०	रातो कार्ड	०

पूर्व खेल

प्रयोग भएको भकुण्डो

निष्कासन चरण र फाइनल प्रतियोगिताको लागि खेलाइएको भकुण्डो आडिडास फ्राकास थियो जसलाई जर्मनेली कम्पनी आडिडासले निर्माण गरेको थियो। यसलाई प्रतियोगितामा प्रयोग हुने बताइएको थियो जसलाई २० जुन मा पहिलोपटक प्रयोग गरिएको थियो। समूह चरण र दोस्रो चरणमा प्रयोग भएका भकुण्डोलाई फाइनलमा प्रयोग गरिएको थिएन भने प्रतियोगिताहरूमा विभिन्न भकुण्डोहरू प्रयोग भएको थियो (फाइनल बाहेक) जुन पहिलोपटक हो। बनोटले मुख्यतय निलो र रातो रङ समावेश गर्दछ भने रेसाहरूमा निलो सेतो रङ प्रयोग भएको छ। भकुण्डोमा "युरो" र "२०१६" लेखिएको थियो।

रङ्गशाला

फाइनल खेल, स्तद द फ्रँस रङ्गशालामा, खेलाइएको थियो। खेल सुरु हुनु भन्दा अगाडि, रङ्गशालाई एक विशेष प्रकारको मैनपुतलीले आक्रमण गरेको थियो जसले खेलाडी, कर्मचारी र प्रशिक्षकहरूलाई केही जलन उत्पन्न गराएको थियो। रङ्गशालामा काम गर्ने कर्मचारीहरूले खेलको अघिल्लो दिन, रातभरि बत्ती निभाउन बिर्सेका हुनाले मैनपुतली र किराहरूलालाई आकर्षित गरेको हुनसक्ने बताइएको थियो।

निर्णायक

फाइनल प्रतियोगिताका निर्णायक, मार्क क्लाटनबर्ग

मार्क क्लेटनबर्ग फाइनलका निर्णायक थिए। ८ जुलाई २०१६ मा, युरोपेली फुटबल सङ्घको निर्णायक समितिले आधिकारिक टोलीको घोषणा गरेको थियो जसलाई इङ्ल्यान्ड फुटबल सङ्घका ४१ वर्षिया निर्णायक मार्क क्लेटनबर्गले नेतृत्व गरेका थिए। उनका सहयोगीहरूमा साइमन बेक र जेक कोलिन सहायक निर्णायकको रूपमा छनोट गरिएको थियो, र उनका साथी एन्थोनी टेलर र आन्द्रे मरिनरलाई पनि सहायकको रूपमा थपिएको थियो। हङ्गेरियाली भिक्टर कासईलाई चौथो अधिकारिका रूपमा चुनिएको थियो र देशवासी ग्योर्ज रिङलाई अतिरिक्त सहायकको रूपमा छनोट गरिएको थियो। सन् २०१२ मा पेद्रो प्रोएन्सा पछि क्लेटेनबर्ग सोही वर्षको युइएफए च्याम्पियन लिग र युरोपेली प्रतियोगिताको फाइनलमा जिम्मेवारी सम्हाल्ने दोस्रो निर्णायक बनेका थिए। सन् २०१६ को, एफए कपको फाइनल पछि क्लोटेनबर्ग लगातारको प्रतियोगिताहरूमा ३ पटक निर्णायकको भूमिका निर्वाह गरेका थिए जुन सबै सात हप्ताको अवधिमा भएको थियो। घरेलु हिसाबले, उनी सन् २०१२ फुटबल लिग कप फाइनल र सन् २०१३ एफए कम्युनिटी सिल्डको पनि निर्णायकको रूपमा रहेका थिए।

हिंसा

फाइनल भन्दा केही घण्टा अगाडि, इफेल टावरको समर्थक क्षेत्र पुग्न चाहने समर्थकहरू र भीडभाडलाई रोक्न खोज्ने प्रहरी बीच झडप भएको थियो। यसका अतिरिक्त, प्रहरीले रङ्गशाला परिसर नजिकै रहेको क्षेत्रमा बिस्फोट नियन्त्रण गरेको थियो दोस्रो हाफमा अवरोधहरूलाई नियन्त्रण गरिएको थियो तथापि, खेल पश्चात् रङ्गशाला बाहिर समर्थकहरू बीच द्वन्द उत्पन्न भएको थियो। इलाका सुरक्षित नभएको भन्दै प्रहरीले इफेल टावर वा सँ-एलिजे यात्रा नगर्न सल्लाह दिएको थियो।

समापन समारोह

समापन समारोहमा नृत्य तथा गायक प्रस्तुत गरिएको थियो। ६०० नर्तक, सात राष्ट्रिय सेना, पेरिस अग्निसमन दल र साङ्गितीक समूहहरूले प्रस्तुति दिएका थिए। समापन समारोहमा, डेभिड गेता र सरा लारसनले प्रतियोगिताको आधिकारिक गीत "दिस वान्स फर यु" प्रत्यक्ष रूपमा गायका थिए।