सुव्रत आचार्य

सुव्रत आचार्य
राष्ट्रियता	नेपाली
अन्य नाम	सुव्रत राज आचार्य
पेशा	सञ्चारकर्मी, चलचित्र निर्देशक

सुव्रत आचार्य नेपालका एक बहुचर्चित सञ्चारकर्मी तथा चलचित्र निर्देशक हुन् ।उनले विगत २० वर्ष देखी नेपाली सूचना तथा सञ्चार क्षेत्रमा निरन्तर आफ्नो पेशागत सहभागीता जनाउदै आइरहेका छन् । कान्तिपुर मिडिया ग्रुप अन्तरगतको कान्तिपुर साप्ताहिकमा विगत २० वर्ष देखी आवद्ध उनका प्राय लेख मनोरञ्जन तथा फिल्मी बिषयमा आधारित हुन्छन् । उनी हाल कान्तिपुर साप्ताहिकमा बरिष्ठ उप-सम्पादक पदमा कार्यरत छन् ।फिल्म जर्नलिष्ट एसोशिएसन अफ नेपालको संस्थापक कोषाध्यक्ष समेत रहिसकेका आचार्य हाल पनि उक्त संस्थामा सदस्य छन् .

बाल्यकाल र शिक्षा

त्रिभुवन विश्वविद्यालयबाट मास कम्युनिकेसनमा स्नातक हासिल गरेका उनले चलचित्र, संगीत, फेसन तथा लाइफस्टाइल बिटमा कलम चलाइरहेका छन् । उनले अनलाइन पत्रकारितामा साइबरसंसार डटकममा लेखक तथा पब्लिक रिलेसन अफिसर एवं मेरोसिनेमा डटकमको संस्थापक सम्पादक समेत भै कार्य गरेको अनुभव संगालेका छन् ।

चलचित्र

चलचित्र ‘अधकट्टी’बाट निर्देशनमा डेब्यु गरेका आचार्यले पत्रकारितामा लाग्नु अगाडि तीनवटा चलचित्रहरूमा सहायक तथा सहनिर्देशकका रूपमा कार्य गरेका छन् । सुव्रत आचार्यले पाँच दर्जन जति म्युजिक भिडियोहरु पनि निर्देशन गरेका छन् । नेपाली चलचित्रहरु ‘आचार्य’, ‘कलिउड’, ‘नसिब आफ्नो’ का अभिनेता समेत रहेका आचार्यले नृत्य निर्देशक राजु शाहबाट विधिवत नृत्यको प्रशिक्षण समेत लिएका छन् । उनले चलचित्र तथा मनोरञ्जन पत्रकारिता तथा चलचित्र कर्ममा दुई दशकभन्दा बढि समय व्यतित गरिसकेका छन् ।

योगदान

उनले नेपाली पत्रकारिता क्षेत्रमा २० वर्ष अनवरत सेवा गरेका छन् ।

बाह्य कडीहरू

• सञ्चारकर्मी सुव्रत आचार्य वेब्याक मेसिन अभिलेखिकरण २०१६-०९-०६ मिति