नेपाल रेडक्रस सोसाइटी
विश्व रेडक्रस अभियानमा सहभागी हुने उद्देश्यका साथ नेपाल रेडक्रस सोसाइटी वि.स.२०२० भाद्र १९ गते स्थापना भएको थियो । तत्कालीन स्वास्थ मन्त्री डा.नागेश्वोरप्रसाद सिंहको अध्यक्षतामा तदर्थ समितिले नेपालमा रेडक्रसको स्थापना गरेको थियो । यसरी नेपालमा रेडक्रस स्थापना गर्न पहल गर्ने ब्यक्तिमा डा. जयनारायण गिरीको प्रयास पनि उल्लेखनीय थियो । [१]
नेपाल रेडक्रस सोसाइटी | |
| चित्र:Logo of Nepal Red Cross Society.png नेपाल रेडक्रस सोसाइटीको लोगो | |
| सङ्क्षिप्त नाम | नेरेसो |
|---|---|
| गठन | सन् १९६३ |
| प्रकार | गैर-नाफामुखी संगठन र मानवीय क्षेत्रमा सरकारलाई सहयोगी |
| कानुनी वैद्यता | गैर-नाफामुखी संगठन |
| प्रधान कार्यालय | रेडक्रस मार्ग, कालिमाटी, काठमाडौँ |
| स्थान |
|
सेवा | नेपाल अधिराज्य भर |
अध्यक्ष | डा. नेत्रप्रसाद तिम्सिना |
महा मन्त्रि | पिताम्बर अर्याल |
कोषाध्यक्ष | सिताराम कोइराला |
कार्यकारी निर्देशक | उमेश ढकाल |
मुख्य अङ्ग | केन्द्रीय कार्यसमिति |
| सम्बद्धता | अन्तर्राष्ट्रिय रेडक्रस तथा रेडक्रिसेण्ट सोसाइटीहरुको महासंघ |
स्वयंसेवकहरू (सन् २०१३/२०१४) | १,२३,००० |
| वेबसाइट | www.nrcs.org |
रेडक्रसका सात आधारभूत सिद्धान्तहरू[सम्पादन गर्नुहोस्]
मानवता :[सम्पादन गर्नुहोस्]
रणक्षेत्रमा घाइते भएका व्यक्तिहरूलाई भेदभावविना सहयोग पुर्याउने उद्देश्य लिएर स्थापना गरिएको अन्तर्राष्ट्रिय रेडक्रस तथा रेडक्रिसेण्ट अभियान अन्तर्राष्ट्रिय र राष्ट्रिय दुवै हैसियतमा जहाँसुकै मानवीय विपत्तिलाई हटाउन वा कमगर्न प्रयत्नशील रहन्छ । यसको उद्देश्य जीवन तथा स्वास्थ्यको सुरक्षा तथा मानवको सम्मानलाई सुनिश्चित गर्नु हो । यसले सम्पूर्ण मानवबीचमा पारस्परिक समझदारी, मित्रता, सहयोग र चिरस्थायी शान्तिको अभिवृद्धि गर्दछ ।
निष्पछ्यता :[सम्पादन गर्नुहोस्]
रेडक्रसले राष्ट्रियता, जाति, धार्मिक विश्वास, वर्ग र राजनीतिक विचारधाराको आधारमा कुनै भेदभाव गर्दैन । यसले विपत्तिको अवस्थामा मानवलाई सहयोग पुर्याउँदा उनिहरूको आवश्यकतालाई मात्र ध्यानमा राख्दछ र सबभन्दा बढी विपत्तिमा परेकालाई प्राथमिकता दिन्छ ।
तटस्थता :[सम्पादन गर्नुहोस्]
सबैको विश्वास प्राप्त गरिरहनका निम्ति शत्रुतापूर्ण व्यवहारमा र कुनै पनि क्षण राजनीतिक, जातिय, धार्मिक अथवा बैचारिक स्वभावका विवादहरूमा रेडक्रस अभियानले कसैको पक्ष लिँदैन ।
स्वाधिनता :[सम्पादन गर्नुहोस्]
रेडक्रस अभियानका स्वाधिन छ । राष्ट्रिय सोसाइटीहरूले सम्बन्धित सरकारको मानवीय सेवा कार्यमा सहयोग र सम्बन्धित राष्ट्रको ऐन (कानून पालना गर्दा आफ्नो स्वायत्तता सदा काम गर्नै पर्छ जसबाट रेडक्रस अभियानका आधारभूत सिद्धान्तअनुरुप काम गर्न ती निकायहरु सदैव सक्षम हुन सकुन् ।
स्वयम् सेवा :[सम्पादन गर्नुहोस्]
रेडक्रस स्वेच्छाले अरुको भलाई गर्ने अभियान भएकाले कुनै पनि किसिमको लाभको इच्छाबाट प्रेरित हुँदैन ।
एकता :[सम्पादन गर्नुहोस्]
एउटा मुलुकमा एउटै मात्र रेडक्रस अथवा रेडक्रिसेण्ट सोसाइटी हुन सक्दछ । यो सबैका लागि खुला हुनै पर्छ । यसले आफ्ना मानवीय कार्यहरु देशभरि सञ्चालन गर्नै पर्छ ।
विश्वव्यापकता :[सम्पादन गर्नुहोस्]
अन्तर्राष्ट्रिय रेडक्रस तथा रेडक्रिसेण्ट अभियान विश्वव्यापी छ जसमा सबै सोसाइटीहरूको समान सम्मान हुन्छ र सबैले एक(आपसमा सहयोग गर्ने समान दायित्व र कर्तव्य पालना गर्दछन् ।
सन्दर्भ सामग्रीहरू[सम्पादन गर्नुहोस्]
