तपाईं "इन्द्रजात्रा"को स्रोत हेर्दै हुनुहुन्छ

{{विशेष लेख|पर्व तथा दिवस}}
{{Infobox Holiday 
|holiday_name=<center>इन्द्रजात्रा</center> <!-- It does NOT render centered without the HTML tags, in IE, anyway. --><!-- This should render centered without html tags -->
|image=Pulukisi.jpg|caption= इन्द्रजात्रा
|nickname= येँया:
|observedby= [[नेवार जाति|नेवार]]
|date= भाद्र शुक्लचतुर्दशी
|observances= इन्द्रध्वजोत्थान, [[इन्द्रजात्रा|कुमारी जात्रा]], [[पुलुकिसी नाच]], [[आकाशभैरव]]को मूर्ति
|celebrations= 
|type=हिन्दू
|longtype= सांस्कृतिक 
|significance=
|begins= भाद्र शुक्लपक्ष द्वादशी (यँलाथ्व द्वादशी)<ref name=GP/>
|ends= आश्विन कृष्णपक्ष चौथी(यँलागाः चौथी)<ref name=GP/>
|date2010=
|date2011= सेप्टेम्बर ११ 
|date2012=
|startedby= गुणकामदेव
}}

'''इन्द्रजात्रा''' [[काठमाडौँ]] लगायत [[ललितपुर जिल्ला|ललितपुर]], [[भक्तपुर जिल्ला|भक्तपुर]], [[धुलिखेल नगरपालिका|धुलिखेल]], [[दोलखा जिल्ला|दोलखा]] लगायतका स्थानमा [[वर्षा]] र सहकालका देवता [[इन्द्र]]को पूजा-आराधना गरी परम्परागत रूपमा [[नेवार जाति|नेवार]]हरूले मनाउने जात्रा हो। यसलाई येँया पुन्हि पनि भनिन्छ। इन्द्रजात्रा काठमाडौँमा मनाइने विविध जात्रामध्येको एउटा रमाइलो महत्त्वपूर्ण जात्रा हो। इन्त्रजात्राको प्रमुख कार्य नै लिंगो (ध्वजा) स्थापना हो। १२औँदेखि १८औँ शताब्दीमा निर्मित थुप्रै मठ मन्दिरले सजिएको हनुमानढोका दरबार क्षेत्र यो जात्राको उद्गम स्थल हो। भाद्र शुक्लपक्ष यँलाथ्व द्वादशीका दिन इन्द्रध्वजोत्थानबाट सुरू भई यँलागाः चौथी अर्थात् इन्द्रध्वज पतनसम्म आठ दिन विभिन्न नाच, गान, रथयात्रा गरी यो जात्रा सम्पन्न गरिन्छ।<ref name=GP>{{cite web|url= http://www.gorkhapatra.org.np/rising.detail.php?article_id=23799&cat_id=4|title= प्रकाशमय सांस्कृतिक पर्व-इन्द्रजात्रा 
राजभाइ मानन्धर|publisher= '''गोरखापत्र'''}}{{Dead link|date=September 2023 |bot=InternetArchiveBot |fix-attempted=yes }}</ref>
सनातन धर्मावलम्बीहरूका प्रमुख र प्रचलित चाड दशैं, तिहार र फागुभन्दा पनि इन्द्रजात्रालाई संस्कृतिविदहरूले पुरानो चाड मानेका छन्। इन्द्रजात्रा र लिंगो -ध्वजा) ठड्याउने प्रचलनको सम्बन्धमा वाल्मीकि रामायण, महाभारत, हरिवंश पुराण, कालिका पुराण, देवीपुराण, विष्णु धर्मोत्तर पुराण, बृहत्संहिता र भविष्य पुराणमा विस्तृत वर्णन पाइन्छ । <ref name="कान्तिपुर दैनिक">http://www.ekantipur.com/np/2071/5/23/full-story/395370.html {{Webarchive|url=https://web.archive.org/web/20150113062600/http://www.ekantipur.com/np/2071/5/23/full-story/395370.html |date=2015-01-13 }}</ref>

==किम्बदन्ती==
आफ्नी आमालाई वसुन्धराको व्रत निम्ति पूजा सजाउन स्वर्गलोकका राजा [[इन्द्र]] काठमाडौँ आएर [[पारिजात फूल|पारिजात]]को फूल टिप्न लाग्दा तिनलाई [[चोरी|चोर]] भनी नियन्त्रणमा लिएर [[डोरी]]ले पाता कसी बीच सडकमै [[जात्रा (नेपाल)|जात्रा]] गरेको दिनमा हामी इन्द्रजात्रा मनाउँदछौँ। त्यस बन्धनबाट मुक्त गराउन इन्द्रकी आमा स्वयं काठमाडौँ आएर छोराको बदलामा कुहिरो दिने वाचा गरी इन्द्रलाई फर्काएर लग्छिन। त्यही [[कुहिरो]]ले गर्दा [[धान]]बाली समयमा पाक्ने भयो भन्ने कथन अझै पनि जनजिब्रोमा जीवितै छ।
इन्त्रजात्रा को प्रमुख कार्य नै लिंगो -ध्वजा) स्थापना हो । पुराण अनुसार प्राचीन कालमा [[देवता]] र [[राक्षस|असुरहरू]] ठूलो युद्धको तयारीमा लागे । त्रिदेव र सम्पूर्ण देवगणले देवराज इन्द्रलाई विजयी गराउन ध्वजा बनाएर त्यसलाई पूजा गरेर इन्द्रलाई हस्तान्तरण गरे । इन्द्रले समातेकाले त्यस ध्वजालाई इन्द्रध्वजा भनियो । देवासुर संग्राममा देवताहरूको विजय भएपछि इन्द्रध्वज पूजा र समारोहले निरन्तरता पायो । स्वर्गलोग र पृथ्वीमा समेत विजयको कामनाले राजाहरूले इन्द्रध्वज स्थापना गर्न थाले । पृथ्वीको राजा उपरिचर वसुलाई देवराज इन्द्रले इन्द्रध्वजा दिएपछि उनले युद्धमा सजिलै विजय हासिल गरेको चर्चाले सबैमा यो पर्व मनाउने हौसला जाग्यो । आफ्नो राज्यमा सुख, समृद्धि वृद्धि गर्न इन्द्रध्वजा स्थापना गर्ने परम्परा बस्न थाल्यो। <ref name="कान्तिपुर दैनिक"/>

==जात्रा विधि==
''''जात्रा आरम्भ''''
[[चित्र:Lingo.jpg|thumb|right|200px|इन्द्रध्वजासहितको लिङ्गो]]
भाद्र शुक्ल द्वादशीका दिन [[हनुमान ढोका]]अगाडि धार्मिक विधिपूर्वक इन्द्रध्वजा सहितको लिङ्गो ठडयाइएपछि प्रारम्भ हुने यो जात्रा विभिन्न प्रकारका नाचगान, [[रथयात्रा]] र देवदेवताको पूजाआजा गरी आठ दिनसम्म मनाइन्छ। तान्त्रिक विधिद्वारा पूजा गरी [[काभ्रेपलान्चोक जिल्ला|काभ्रेपलाञ्चोक जिल्ला]]को [[उग्रचण्डी नाला]]स्थित जङ्गलमा छोडिएको बोकाले छोएको रूख काटी एकादशीका दिन विधिपूर्वक इन्द्रध्वजाको लिङ्गो तयार पार्ने गरिन्छ। [[वसन्तपुर दरबार क्षेत्र|हनुमानढोका दरवारक्षेत्र]]मा [[कालभैरव]]को विशाल मूर्ति अगाडि धार्मिक विधि अनुसार उक्त लिंगो ठड्याएपछि इन्द्रजात्राको चहल पहल सुरू हुन्छ। यसरी ठडयाइएको लिङ्गोलाइ 'इन्द्रध्वजोत्थान' पनि भनिन्छ। नेपाल भाषामा 'योसीं' भनिने उक्त लिंgगोमा मङ्गल सूचकका विभिन्न चिह्न अङ्कित पताका झुन्ड्याएको हुन्छ। उक्त लिंगो ठड्याएपछि फेंदमा [[हात्ती]] चढेको सुनको जलप लगाइएको इन्द्रको प्रतिमा राखेर पूजा गरिन्छ र लिंगो ठड्याउँदा [[नेपाली सेना]]को ब्यान्ड, गुरुजुको पल्टन र पञ्चेबाजा समूहले मंगलधुन बजाउँछन। इन्द्रजात्रामा इन्द्रध्वजा उत्थान गर्ने परम्परा राजा [[प्रतापसिंह शाह]]ले चलाएको [[इतिहास]]मा उल्लेख छ। यस अवसरमा हनुमानढोका दरवारक्षेत्रमा रहेको श्वेतभैरवको विशाल सरभमुख सर्वसाधारणलाई दर्शन र पूजाका लागि खुला गरिन्छ।

यस पर्वमा हनुमानढोका लगायतका क्षेत्रमा जीवितदेवीका रूपमा रहेकी कुमारी, गणेश र भैरवको रथयात्रा गर्ने परम्परा छ। इन्द्रध्वजाको लिङ्गो ठडयाएपछि सुरू भएको जात्राभरि। आठ दिनसम्म राजधानीका विभिन्न ठाउँमा भक्कुनाचहलचोकको (सवभकु ), भक्तपुरको महाकाली नाच, मजिपातको मजिपमत [[  लाखे नाच|लाखे]] नाच, [[दशावतार|दसअवतार]] तथा इन्द्रको वाहन ऐरावतहात्तीको प्रतिकका रूपमा (किलागलका पुलुकिसी) [[पुलुकिसी नाच]] नचाउने गरिन्छ। यस उपलक्ष्यमा काठमाडौबाट करिब चार कोस पश्चिम पर्ने दहचोकस्थित इन्द्रदहमा रातभर जाग्राम बसी भोलिपल्ट स्नान गरेर मेला भर्न भक्तजनको घुइचो लाग्छ। साथै [[कुमारीघर]]अगाडि रहेको त्रिलोकनारायण मन्दिरमा विष्णुले लिएको दस अवतार देखाइन्छ।

यसपछि बहुमतः निकाल्ने भनी बाँसलाई माला उनेर लामो बनाइ त्यसमा बत्ती बाली नगर परिक्रमा गराइन्छ। यो जात्रा काठमाडौँका मानन्धर समुदायले गर्छन। यंलाथ्व पूर्णिमा जात्राको चौथो दिन थहने याः भनेर गणेश भैरव र कुमारीको रथलाई कान्तिपुर नगरिको माथिल्लो भाग मरुबाट माथि [[असन, काठमाडौँ|असन]]सम्म परिक्रमा गराइन्छ। त्यस दिन नेवार समुदायका मानिसहरूले समय्बजि खान्छन्। यंलागा चौथीका दिन नानिचा याः भनेर गणेश भैरव र कुमारीको तीनवटै रथलाई किलागल परिक्रमा गराई बेलुकीको साइतमा लिङ्गो ढालेर जात्राको। समापन गरिन्छ। यसरी आठदिन सम्म नेवार समुदायले इन्द्रजात्रा मनाउंछन।

इन्द्रजात्रामा मरुटोलमा मरुसत्तल र सिंल्यंसत्तःको बीचमा अग्लो डबली बनाई चार सिंहमाथि रहेको खटमा इन्द्रको मूर्तिलाई डोरीले बाँधेर राख्ने चलन छ। संस्कृतिविद्हरूका अनुसार आमालाई वसुन्धराको व्रत बस्न आवश्यक पारिजातको फूल र [[कर्कलो]] पृथ्वीमा लिन आएका देवराज इन्द्रलाई मालीलाई नसोधि टिपेकोमा चोर सावित भै डोरीले बाँधी सवैलाई देखाएको भनी मरुटोलमा इन्द्रलाई डोरीले बाँधेर राखेको मूर्ति प्रदर्शन गरिएको लोककथन छ। [[इन्द्रचोक, काठमाडौँ|इन्द्रचोक]], किलागल र [[नरदेवी]]मा पनि इन्द्रको मूर्तिलाई त्यसरी नै अग्लो डबली बनाई प्रदर्शनमा राखिन्छ। इन्द्रजात्राकै अवसरमा मध्यरातमा [[इन्द्रचोक, काठमाडौँ|इन्द्रचोक]]मा रहेको किराँती राजा यलम्बरको शीर भनिने [[आकाशभैरव]]को मूर्तिलाई मन्दिरको बाहिर खट बनाएर राखी विभिन्न प्रकारका फूलले सिंगारेर पूजा गरिन्छ। साथै [[धिमे]]बाजाको तालमा प्रसादका रूपमा भैरवको मुखमा जडित नलीबाट सर्वसाधारणका लागि [[जाँड]] र [[रक्सी]]को धारा बगाउने परम्परा छ।

लिंगो गाडेको तेस्रो दिन अर्थात यंलाथ्व चतुर्दशीका दिन क्वहने याः भनेर नेवार समुदायले मान्दै आएको जिवित देवी कुमारी भैरव र गणेशलाई रथमा राखी काठमाडौँको पुरानो कान्तिपुर नगरीको तल्लो आधा भाग परिक्रमा गराइन्छ। यो जात्रा गर्नु अघि हनुमानढोकाको गद्दीबैठकमा [[राष्ट्रप्रमुख]] उपस्थित भइ गणेश भैरव र कुमारीको पूजा गरी जात्रा हेर्नुपर्ने प्रचलन छ | यो जात्रामा राष्ट्रप्रमुखको उपस्थिति [[जयप्रकाश मल्ल]]को पाला देखि चलिआएको हो र कान्तिपुरका अन्तिम मल्ल राजा जयप्रकाश मल्लले जिवित देवी [[कुमारी]]को रथ जात्रा चलाई आफू स्वयम रथमा बसी नगर परिक्रमा गर्ने गर्दथे भन्ने लोक कथन छ। यसै दिन बेलुकी गणेश, भैरव र कुमारीको रथ परिक्रमा सकिएपछि मरुटोलबाट वर्षभरिमा मृत्यु भएका ब्यक्तिका परिवारजनले सतविज छर्दै कान्तिपुर नगरी परिक्रमा गर्छन। यसपछि बहुमतः निकाल्ने भनी बाँसलाई माला उनेर लामो बनाइ त्यसमा बत्ती बाली नगर परिक्रमा गराइन्छ। यो जात्रा काठमाडौँका मानन्धर समुदायले गर्छन। यंलाथ्व पूर्णिमा जात्राको चौथो दिन थहने याः भनेर गणेश भैरव र कुमारीको रथलाई कान्तिपुर नगरिको माथिल्लो भाग मरुटोलबाट माथि असनसम्म परिक्रमा गराइन्छ। त्यस दिन नेवार समुदायका मानिसहरूले सम्यबजी खान्छन्। यंलागा चौथी(आश्विन कृष्ण चौथी)का दिन नानिचा याः भनेर गणेश भैरव र कुमारीको तीनवटै रथलाई किलागल परिक्रमा गराई बेलुकीको साइतमा लिङ्गो ढालेर जात्राको समापन गरिन्छ। 
[[File:Kumari living god.jpg|thumb|right|200px|इन्द्रजात्रा अन्तर्गत [[कुमारी]] रथयात्रा]]
[[File:PULUKISI02.jpg|thumb|right|200px|इन्द्रजात्रामा [[पुलुकिसी नाच|पुलुकिसी]] नृत्य प्रस्तुत गरिंदै]]
[[File:Indra jatra 01.jpg|thumb|right|200px|इन्द्रजात्रा]]

साँझ [[बुद्ध धर्म|बौद्ध]] धर्मावलम्बीले वर्षभरिमा दिवंगत भएका आफन्तहरू सुखावती भूवनमा बासको कामना गर्दै धारणी स्तोत्र पाठ गर्ने गर्छन्। उनीहरूले बाटोभरि दीयो दान गर्दै काठमाडौँ नगर बस्ती बाहिरका बाटाहरू हुँदै नगर परिक्रमा गर्ने गर्छन्। ततपश्चात भोलिपल्ट वामन द्वादशीमा तिलगंगामा रहेको विष्णुविक्रान्त मूर्तिमा भक्तजनहरूले पूजा अर्चना गर्दै [[दियो|दीयो]] दान गर्ने परम्परा छ। उक्त मूर्ति सम्वत् ३८९ मा राजा मानदेवले उनकी आमा राजमाता राज्यवतीको पुण्य बढोस् भन्ने कामनाका साथ स्थापना गरेका थिए। यसै दिनदेखि घरघरमा दलुचा (झ्यालमा झुन्ड्याउने एक प्रकारको दीयो) झुन्ड्याई इन्द्रको नाममा बत्ती बाल्ने चलन छ। इन्द्रजात्राकै क्रममा शाक्य जातकी एक बालिकालाई [[कुमारी]]का रूप र दुई बालकलाई [[गणेश]] र [[भैरव (चलचित्र)|भैरव]]को स्वरूपमा बेग्लाबेग्लै रथमा राखी बाजागाजाका साथ जात्रा गर्दै बुधबार तल्लो टोलहरू र बिहीबार माथिल्लो टोलहरूमा परिक्रमा गराइन्छ। इन्द्रजात्राको अन्तिम दिनमा नानीचा याः भनी वसन्तपुरदेखि प्याफल, नरदेवी, किलागल, [[असन, काठमाडौँ|असन]], इन्द्रचोक मखन भई पुनः [[वसन्तपुर दरबार क्षेत्र|वसन्तपुर]] नै पुर्‍याएपछि इन्द्रजात्रा सकिन्छ। त्यसै रात इन्द्रध्वजा फहराइएको लिंगो ढाली तानेर बाग्मतीमा लगी सेलाएपछि यो वर्षको इन्द्रजात्रा समाप्त हुन्छ।

==विषेश महत्त्व ==
नेपाल एकिकरणको परिप्रेक्षमा यस दिनको विशेष मह्त्व छ । यही दिन [[पृथ्वीनारायण शाह]]ले राजा [[जयप्रकाश मल्ल]]लाई हराई कान्तिपुर [[विजय]] गरेका थिए ।

==यो पनि हेर्नुहोस्==
{{नेपाली चाड पर्वहरू}}
==सन्दर्भ सामग्रीहरू==
{{reflist}}
==बाह्य कडीहरू==
{{कमन्सश्रेणी|Indra Jatra Festival in Kathmandu}}

[[श्रेणी:चाडपर्वहरू]]
[[श्रेणी:जात्रा]]
[[श्रेणी:समाज]]
[[श्रेणी:संस्कृति]]
[[श्रेणी:नेपालका हिन्दु चाडपर्वहरू]]