आमाछोदिङ्मो गाउँपालिका

आमाछोदिङ्मो गाउँपालिका
गाउँपालिका
आमाछोदिङ्मो गाउँपालिकामा रहेको गोल्जुङ
देश	नेपाल
प्रदेश	प्रदेश नं. ३
जिल्ला	रसुवा जिल्ला
स्थापना	फाल्गुन २०७३
क्षेत्रफल
• जम्मा	६८२ किमी२ (२६३ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	५,४९०
• घनत्व	८�०/किमी२ (२१/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-११

आमाछोदिङ्मो गाउँपालिका रसुवा जिल्लाको एक गाउँपालिका हो । यस गाउँपालिकामा साबिकको गत्लाङ, गोल्जुङ, चिलिमे गाविस र हाकु गाविसको वडा नं १ देखि ७ सम्मका वस्तीहरू समावेस गरिएको छ । यस गाउँपालिका घोषणाा हुँदा पार्वतीकुण्ड गाउँपालिकाको नामले नामाकरण भएको थियो । जसको केन्द्र गोल्जुङ तोकिएको थियो । गाउँपालिकाको प्रथम गाउँसभाले गाउँपालिकाको नाम 'आमाछोदिङ्मो' गाउँपालिका नामाकरण गर्ने र केन्द्र गोल्जुङबेसी कायम गर्ने भनी गरेको निर्णय बमोजिम नामसहित केन्द्र परिवर्तन भएको हो । नेपाल सरकारद्वारा प्रकाशित नेपाल राजपत्रमा सङ्घीय मामिला तथा स्थानीय विकास मन्त्रालयले उक्त जानकारी गराएको हो । स्थानीय सरकार सञ्चालन ऐन, २०७४ को दफा ४ को उपदफा (५) बमोजिम पार्वतीकुण्ड गाउँपालिकाको गाउँसभाको सिफारिसमा उक्त नाम र केन्द्र परिवर्तन भएको हो । राजपत्रमा प्रकाशित सूचना अनुसार पौष २४, २०७४बाट उक्त कार्यान्वयन भएको हो ।

आमाछोदिङ्मो गाउँपालिकाको बारेमा थप जान्न यहाँ जानुहोस् ।

नामाकरण

स्थानीय तामाङ भाषामा 'आमा' भनेको पार्वती र 'छोदिङ्मो' भनेको कुण्ड हो । यसरी हेर्दा नेपाली भाषाबाट तामाङ भाषाको रूपान्तरण नै आमाछोदिङ्मो गाउँपालिका हो ।

आकर्षण

यस गाउँपालिकामा तामाङ सम्पदा मार्ग अर्थात ग्रामीण पर्यटनका पूर्वाधारहरू रहेका छन् र वर्षेनी आन्तरिक तथा वाह्य पर्यटकहरूको आवागमन भइरहेको छ । गणेश हिमाल, साञ्जेन हिमाल, पाल्दोरपिक जस्ता हिमाल तथा धार्मिक र पर्यटकीय स्थल पार्वतीकुण्डका कारण यहाँ दीगो पर्यटन व्यावसाय सञ्चालन गर्न सकिन्छ ।

जनसङ्ख्या

आमाछोदिङ्मो गाउँपालिकाको क्षेत्रफल ६८२.२३ वर्गकिलोमिटर रहेको छ । यो गाउँपालिका ५ वडाहरूमा विभाजन गरिएको छ । यस गाउँपालिकको कूल जनसङ्ख्या ५,४९० रहेको छ ।