रघुबीर महासेठ

रघुवीर महासेठ
नेपालको उपप्रधानमन्त्री
कार्यकाल २०७८ जेठ २१ – २०७८ असार ८ सहकर्मी विष्णुप्रसाद पौडेल र राजेन्द्र महतो
राष्ट्रपति	विद्यादेवी भण्डारी
प्रधानमन्त्री	खड्गप्रसाद ओली
पूर्वाधिकारी	ईश्वर पोखरेल
परराष्ट्र मन्त्री
कार्यकाल २०७८ जेठ २१ – २०७८ असार ८
राष्ट्रपति	विद्यादेवी भण्डारी
प्रधानमन्त्री	खड्गप्रसाद ओली
पूर्वाधिकारी	प्रदीपकुमार ज्ञवाली
भौतिक पूर्वाधार तथा यातायात मन्त्री
कार्यकाल २०७४ चैत २ – २०७६ भदौ ३
राष्ट्रपति	विद्यादेवी भण्डारी
प्रधानमन्त्री	खड्गप्रसाद ओली
पूर्वाधिकारी	वीरबहादुर बलायर
उतराधिकारी	बसन्त कुमार नेम्वाङ
जलस्रोत मन्त्री
कार्यकाल २०६७ फागुन १ – २०६८ भदौ १२
राष्ट्रपति	रामवरण यादव
प्रधानमन्त्री	झलनाथ खनाल
पूर्वाधिकारी	बालकृष्ण खाँड
उतराधिकारी	महेन्द्र राय यादव
व्यक्तिगत विवरण
राजनीतिक दल	नेपाल कम्युनिष्ट पार्टी (एमाले) (सन् २०१८; सन् २०२१-वर्तमान)
अन्य राजनीतिक संलग्नता	नेपाल कम्युनिष्ट पार्टी (सन् २०१८-सन् २०२१)

रघुवीर महासेठ एक नेपाली राजनीतिज्ञ तथा पूर्व उपप्रधानमन्त्री हुन्। वि.सं. २०५१ देखि राजनीतिमा सक्रिय महासेठ दोस्रो ओली मन्त्रिपरिषदमा उपप्रधानमन्त्री र परराष्ट्र मन्त्रीको रूपमा सेवा गरेका थिए। उनले यसअघि सन् २०१८ मार्च १६ देखि सन् २०१९ नोभेम्बर २० सम्म भौतिक पूर्वाधार तथा यातायात मन्त्रीको रूपमा काम गरेका थिए। उनले सन् २०११ मा झलनाथ खनाल मन्त्रिपरिषदमा सिँचाइ मन्त्रीको रूपमा पनि काम गरेका थिए। उनी दोस्रो ओली मन्त्रिपरिषद्का सबैभन्दा धनी मन्त्री भएका कारण पटक–पटक विवादित हुँदै आएका थिए।

प्रतिनिधि सभा २०७९

प्रतिनिधि सभा निर्वाचन, २०७९मा नेपाल कम्युनिष्ट पार्टी (एमाले)का उम्मेदवार रघुवीर महासेठ धनुषा प्रतिनिधि सभा सदस्य निर्वाचन क्षेत्र नं ४ बाट ३२,२३६ मत प्राप्त गरि प्रतिनिधि सभा सदस्यमा विजयी भएका छन्। उनका निकटतम प्रतिद्वन्द्वी नेपाली कांग्रेसका उम्मेदवार महेन्द्र यादवले ३२,११२मत प्राप्त गरेका थिए।