गोर्खे बजार

स्वतन्त्र विश्वकोश, नेपाली विकिपिडियाबाट
Jump to navigation Jump to search

गोर्खे बजार इलाम जिल्लाको एक प्राचीन बजार हो। मयू खोलाको किनारमा रहेको उर्वर फाँटमा अवस्थित यो बजार राणाकाल देखिकै पूर्वको गतिलो नाका थियो। राणा प्रधानमन्त्री देव शम्शेर सत्ताच्यूत भएपछि धनकुटा हुँदै इलाम धपाइएका र यिनी इलामबाट गोर्खे बजारकै बाटो भागेर भारत पसेका थिए। इलाम बजारमा २०१२-१२-१२ मा गाडी पुग्दा भारतको दार्जिलिङ बाट सीमावर्ती मानेभञ्ज्याङ, गोर्खेबजार, नाम्सालिङ, माइबेनी हुँदै गाडी लगिएको थियो। गोर्खे बजारको नजीकै रहेको मयू खोलामा रिजर्भ वाटरको जलविद्युत गृह निर्माण गरिएको छ। पछि फिक्कल बजारबाट पशुपतिनगर हुँदै मोटरबाटो भारत सीमानामा जोडिएपछि हाल गोर्खे बजारको अवस्था दयनीय बन्न पुगेको छ। यहाँ नेवार, मारवाडी, तामाङ, लिम्बू, राई, क्षेत्री, बाहुन आदि जातका मानिसहरूको बसोबास रहेको छ।