ढाँचा:प्रमुख लेख/पाको आल्कासेर

पाको आल्कासेर (स्पेनी: Paco Alcácer) (जन्म: ३० अगस्ट १९९३) एक स्पेनी व्यावसायिक फुटबल खेलाडी हुन् जसले स्पनी क्लब बिलारेआल फुटबल क्लब र स्पेन राष्ट्रिय फुटबल टोलीका लागि अग्रपङ्क्तिको रूपमा खेल्छन्। आल्कासेरले सन् २००९ मा स्पेनमा आधारित बालेन्सिया बे नामक एक फुटबल क्लबबाट व्यावसायिक फुटबल कार्यकालको सुरुवात गरेका थिए भने उनको सन् २०१० मा पदोन्नति भई उनी भालेन्सिया फुटबल क्लबमा सरुवा भएका थिए। सन् २०१६ मा आल्कासेरले ला लिगा फुटबल लिग अन्तर्गतको क्लब बार्सेलोनामा ३ करोड युरोमा आवद्ध भएका थिए जहाँ उनले उक्त क्लबका लागि कोपा देल रे उपाधि जिताउनका लागि ठूलो भूमिका निर्वाह गरेका थिए। सन् २०१९ मा उनी बोरूसिया डर्टमन्ड नामक एक जर्मनेली क्लबमा आवद्ध भएका थिए। आल्कासेरले स्पेन १९ वर्ष मुनीको राष्ट्रिय फुटबल टोलीका लागि युरोपेली प्रतियोगिता दुईपटक जिताउन ठूलो भूमिका निर्वाह गरेका थिए भने उनको सन् २०१४ मा राष्ट्रिय टोलीमा पदोन्नति भएको थियो। (पूरा  पढ्नुहोस्...)