नृपजङ्ग राणा

नृपजङ्ग राणा
शिक्षा मन्त्री
कार्यकाल वि.सं. २००७ फागुन ७ – २००८ जेठ २७
राजश्री	राजा त्रिभुवन
प्रधानमन्त्री	मोहन शमशेर जङ्गबहादुर राणा
उतराधिकारी	शारदा शमशेर राणा
व्यक्तिगत विवरण
अभिभावक	बहादुरजङ्ग राणा (बुबा)
Military service
Allegiance	नेपाल
Branch/service	नेपाली सेना
Rank	मेजर

Deprecated parameter birthnameDeprecated parameter primeministerDeprecated parameter serviceyears

नृपजङ्ग राणा २००७को क्रान्तिपछिको मन्त्रीमण्डलमा राणाका तर्फबाट मन्त्री बनेका थिए। उनको जन्म सन् १८९० फेब्रुअरी १५ मा भएको थियो ।  उनी जंगबहादुर राणाका दाइ जनरल भक्तवीर कुँवर राणाका नाति थिए । उनले इलाहबाद विश्वविद्यालयबाट सिभिल इन्जिनियरिङ गरेका थिए । उनी राजा त्रिभुवनले बनाएको सल्लाहकार सभाको पनि सदस्य थिए ।

राजा त्रिभुवनको प्रजातन्त्रको घोषणाका साथै राणा र काँग्रेसको संयुक्त सरकार बन्ने निर्णय भयो । मोहन शमशेर प्रधानमन्त्री बन्ने भए । तर हिमालय शमशेरहरुले एउटा कुरोमा अत्तो थापे । उनीहरुले मोहन शमशेरमाथि सबै भाइ भारदारहरुको श्रद्धा नभएको भन्दै मोहन शमशेर प्रधानमन्त्री भएपनि मन्त्रीमण्डलमा भाइ भारदारहरुको प्रतिनिधित्व गर्ने विषय भने चुनावी प्रकृयाबाट हुनुपर्ने दवाव दिए । प्रधानमन्त्रीले मनोनयन गरेर मात्र हुँदैन भन्ने कुरोलाई अगाडि बढाए । यसका लागि हिमालय शमशेर र उनका सहयोगीहरुले रोलवाला, ए, बी र सी सबै क्लासका गरेर करिब १ सय २० जना राणाजीहरुको दस्तखत गराए । त्यो दस्तखत गरिएको कागज राजा त्रिभुवनका समक्ष पुर्‍याइयो । त्यसैको परिणाम, निर्वाचन प्रकृयाबाट नृपजङ्ग राणा र यज्ञबहादुर बस्नेतको मन्त्री पदमा नियुक्ति भए । मोहन शमशेरले बबर शमशेर, सिंह शमशेर र चुडाराज शमशेरलाई सरकारमा मनोनयन गरे ।