परित्राण

परित्राण शब्द पर तथा त्राण शब्दहरु मिलेर बनेको शब्द हो । यो विशेषःत भगवान बुद्धले बताउनु भएको आरक्षण गर्ने सूत्रहरुको सँगालो हो । परित्राणको अर्थ पाली तथा सँस्कृत भाषामा कुनिमित्तहरुलाई हटाउने अथवा त्राण गर्ने साधनको रुपमा पनि लिन सकिन्छ । यस परित्राणको किताव यहाँ https://dhamma.digital/sae_books/parittran-bhichu-buddhaghos-mahasthavir/ हेर्न सकिन्छ ।

यो परित्राण सूत्रहरुमा भगवान बुद्धले बोल्नुभएको बचनहरु संलग्न भएको हुनाले मानव जीवनमा राम्रो असर गर्दछ । यी सूत्रहरुले विभिन्न प्रकारका विघ्न बाधा तथा डर र त्रासलाई हटाउन मद्दत गर्दछ । विशेष गरि शीलले विभूषित भएका भिक्षुहरु वा भिक्षुणीहरुले पाठ गरेको सुन्दा वा भावना गर्दा पनि राम्रो फल दिने गर्दछ । यी सूत्रहरुलाई सामान्य मानिस आफैले पनि पाठ गर्न सकिन्छ । नियमित रुपमा पाठ गर्दा भाषा उच्चारण शुद्ध भएर जान्छ भने यसले वातावरणमा सकारात्मक उर्जा थपी पाठ गरिएको स्थान तथा आसपासका जीवहरुलाई पनि शान्ति प्रदान गर्दछ ।

हाम्रो जीवनमा विभिन्न घटनाहरु घटित भईरहन्छन् केही प्रिय हुन्छन्, त केही अप्रिय , केही भौतिक तवरले बुझ्न सकिन्छ, तर केही सकिँदैन । हामी अथक परिश्रम पश्चात पनि केही काम हुँदैन र सावधानीका वावजुद पनि दुर्घटनाहरु घटिरहन्छ । यस्ता घटना कर्म विपाक बाट पनिहुने गर्छ तर केही अन्य अशुद्धि र अदृश्य शक्तिबाट पनि असर भएको हुन्छ । यस्ता अदृश्य शक्तिबाट सबै भय अर्न्तराय हटाउन यो परित्राण किताव वा साधना वाचन उपयोगी हुन्छ ।

यी सूत्रहरु मध्ये निम्न अवस्थाहरुमा निम्न सूत्रहरु पाठ गर्दा राम्रो फल दिने विश्वास गरिन्छः

क्रस‌ं	सूत्र		कुन बेला पाठ गर्ने
१	आव्हान सूत्र		लोकपाल देवी देवता हरुलाई स्थापना गर्दा वा आरक्षाको लागि पुकार गर्दा प्रयोग
२	मङ्गल सूत्र		मङ्गल कार्य गर्दा वा नयाँ कार्य शुरु गर्दा
३	रतन सूत्र		नयाँ घर वा आवासमा सर्दा वा भूत प्रेतलाई शान्त पार्न
४	मेत्त सूत्र		वरपर मैत्री वातावरण बनाउन
५	खन्ध सूत्र		साँप तथा विषालु जीवहरुलाई मैत्री छाड्नलाई
६	मोर सूत्र		काम वासना को अवगुण बाट छुटकारा पाउन
७	वट्ट सूत्र		आगो बाट सुरक्षाको लागि
८	धजग्ग सूत्र		डर र त्रास बाट आरक्षणको लागि
९	आटानाटिय सूत्र		यक्ष नाग गन्धर्व कुम्भाण्ड बाट सुरक्षण तथा मैत्री लागि
१०	अंगुलिमाल सूत्र		प्रसव पिडामा परेकी महिलालाई स्वास्थ्यको निम्ति
११	बोज्झङ्ग सूत्र		रोग व्याधि निवारणको लागि
१२	पुब्बण्ह सूत्र		नराम्रो सपना लक्षण तथा निमित्तबाट सुरक्षणको लागि
			आदि