प्रयोगकर्ता वार्ता:Bestpramod

डोल्लु ( डोल्लु गाउँ )

डोल्लु : काठमाडौ उपत्यकाको दक्षिणतर्फ करिब १३ कि मि मा पर्ने रमणिय ठाउँ गाउँ हो डोल्लु । प्राकृतिक सुन्दरताले धनी गाउँ हो डोल्लु । डोल्लुको नामाकरणलाई बिचार गर्दा यकिन साथ यसको नाम सँग प्रश्ट कुनै प्रमाण वा अभिलेख पाईएको छैन । यसको नामाजरन सँग बिभिन्न अडकल तथा अनुमान जोडीएर आएको पाईन्छ । भौगोलिक रुपमा दक्षिणपुर्ब खुला भई उतरदक्षिण र पश्चिम तर्फ पहाडले घेरिएको , बिचको तरेली परेको बस्तीलाई डोल जस्तो देखेर डोलखर्क भन्ने नाम बोलिन थालियो र पछी डोल्लु बोल्न थालियो भन्ने बुढापाकाको भनाइ छ । डोल्लुमा गाईपालनको लागी गोठहरु निर्माण भएका थिए र सो ठाउँ चरनको लागि राम्रो भुमिको रुपमा प्रयोग हुने गर्दथ्यो भन्ने पनि भनाइ रही आएको छ । डोल्लुलाई तिनवटा दिशाबाट हरिया सुन्दर बनले आफ्नो काखमा शोभायमान गराएको छ । डोल्लुको शिरमा करिब ७००० फिट उचाईमा चम्पादेबी माताले बास गरेकी छिन ।

पौराणिक कालमा चम्पादेबीमा महादेबले यस स्थानको चापको रुखमुनी आराम गर्नु भएको र माता पार्बतीले आई भगवानलाई चापको फुल चढाउनु भएको कुरा पौराणिक कथाहरुमा सुन्न पाईन्छ । त्यतिबेला शेषनारायण गा बि सको ६ , ७ , ८ , ९ गरी डोल्लुमा ४ वटा वटा रहेको थियो भने हाल यो गाउँ दक्षिणकाली नगरपालिकाको ५ नम्बर वडामा अबस्थित छ । ब्राहमण , क्षत्री लागायत अन्य जातजाती ( तामाङ , लामा , मगर आदी )को बसोबास रहेको यस ठाउँमा हिन्दू , बौद्द , इशाई ( केही संख्या )धर्म अनुसरण गर्ने स्थानियहरु जातिय , धार्मिक तथा सामाजिक रुपमा एकजुट रही , शहिस्णुता कायम रही बसोबास गर्दै आएका छन । जातिय , धार्मिक , तथा सामाजिक समानताको राम्रो उदाहरणको लागि यस ठाउँलाई लिने गरिन्छ ।

डोल्लुमा मानब बस्ती : डोल्लुमा मानब अब्स्ती कुन वा कती समय बस्यो भन्ने यकिन ठोस प्रमाण प्राप्र छैन । बुढापाकाहरुका अनुसार डोल्लुमा मानब बस्ती बस्नु भन्दा करिब 1000 बर्ष अघी फर्पिङ बजारको पश्चिम तर्फ पर्ने हुडु भन्ने स्थानमा मानब बस्ती बस्न सुरु भएको भन्ने भनाइ पाईन्छ , तर यसको पुस्टी भने हुने प्रमाणको अभाब छ । डोल्लुलाई नजिकबाट नियाल्ने ब्यक्तीहरुका अनुसार डोल्लुमा बसोबास गर्ने खत्री ( खतिवडा खत्री ) हरु सबभन्दा पहिला धादिङ्गको थाक्रे भन्ने ठाउँ बाट डोल्लु प्रवेश गरेका हुन र डोल्लु प्रबेश गर्ने पहिलो पुरुष केसब खत्री र किसान खत्री हुन र यिनै पुरुषहरु डोल्लुको पहिलो खत्रीहरु हुन र खत्रीहरुका आदिपुरुष पनि हुन । तर डोल्लुमा पहिलो पटक पाईला राख्ने ब्यक्ती भनेको तमाङगहरु हुन । त्यतिबेला सतिखेल ( सुल्टिखुल )मा बिर्ता पाएर बसेका बस्नेतहरुको सहयोगीका रुपमा धादिङको थाक्रेबाट थोकर ( तमाङग ) हरु आएर बस्नेतहरुकोमा काम गर्ने , गाई चराउने लगायत काम गर्दथे , यसै क्रमामा चरनकै क्रममा तिनै थोकरहरु डोल्लुमा प्रबेश गरे । घट्नाक्रम हेर्दा यही नै देखिन्छ र डोल्लुको पहिलो मानब तमाङ अर्थात थोकर नै हुन सक्ने बलिया आधारहरु पाइन्छन । तिनै तामाङ्गहरुको सहयोगमा थाक्रेबाट खतिवडा खत्रीहरु डोल्लु प्रबेश गरे भन्ने बुझ्न सकिन्छ । स्मराणिय रहोस् : खत्री र थोकरको आगमन धादिङको थाक्रेनै रहेकोले यि नै डोल्लुका पुराना बासिन्दा मानिन्छन । डोल्लुमा बस्ने थोकर ( तामाङ )हरुको उदगमस्थल थाक्रे भएको र थाक्रेबाट क्रमश: थोकरमा परिबर्तन हुँदै गएको भनी भन्ने गरिन्छ । डोल्लुमा पौडेलहरुको बसोबास पनि बाक्लै छ । डोल्लुमा पौडेलहरुको प्रबेशलाई हेर्दा पौडेलअहरुका प्रथम पुरुष अर्थात मुल पुरुष (मनोहरका नाती , धनपती पौडेलका छोरा) माधव पौडेल नजिकै पर्ने सिस्नेरीबाट डोल्लु प्रबेश गरेका हुन र पौडेलका मुल पुरुष माधब पौडेललाई मानिदै आएको छ । हाल बसोबास गर्दै आएका पौडेलअहरु तिनै माधव र माधवका छोरा नारद पौडेलका बंश हुन । ( पुस्तक : पौडेल शन्तती : केशबनाथ पौडेल र जनर्दन शर्मा पौडेल ) पौडेलहरुलाई सिस्नेरीबाट डोल्लु प्रबेश खतिवडा खत्रीहरुले धार्मिक संस्कार सम्पन्न गराउन पुरोहितका रुपमा गराएका हुन भन्ने भनाइ रहेको छ र यो सत्यसङ्ग धेरै नजिक पनि छ ।

५०,००० लेख प्रतियोगिता

नमस्ते, Bestpramodज्यू! तपाईंलाई नयाँ ५०,००० लेख प्रतियोगितामा सामेल हुन हार्दिक निमन्त्रणा गरिन्छ

सबैभन्दा पहिले, नेपाली विकिपिडियामा योगदान गर्नुभएकोमा धन्यवाद। तपाईंलाई नयाँ ५०,००० लेख प्रतियोगितामा सामेल हुन आमन्त्रित गरिएको छ, एउटा चुनौतीपूर्ण प्रतिस्पर्धा जसले लगभग १७,८०० लेख सिर्जनाहरू गर्ने लक्ष्य राखेको छ। सबै विषयहरूका लेखहरू स्वागत छन्। यदि इच्छुक हुनुहुन्छ भने यो पृष्ठमा सामेल हुनुहोस् र योगदान गर्न सुरु गर्नुहोस्!

धन्यवाद - MediaWiki message delivery (कुरा गर्नुहोस्) १९:१९, ३ अक्टोबर २०२३ (नेपाली समय)