भरतपुर आँखा अस्पताल

भरतपुर आँखा अस्पताल
भौगोलिक विवरण
स्थान	भरतपुर चितवन जिल्ला, नेपाल
निर्देशाङ्क	२७°४१′०५″N ८४°२६′१८″E
सङ्गठन
प्रकार	आँखा अस्पताल
आवद्ध विश्वविद्यालय	नेपाल नेत्र ज्योति सङ्घ
इतिहास
सञ्चालन	वि.सं २०४४
कडीहरू
वेबसाइट	beh.org.np

भरतपुर आँखा अस्पताल वा हिरालाल सन्तुदेवी प्रधान नेत्र विज्ञान अध्ययन संस्थान पूर्व नाम श्री महेन्द्र स्मारक आँखा अस्पताल दक्षिणी मध्य नेपालको चितवन जिल्लाको भरतपुरमा अवस्थित छ। भरतपुर आँखा अस्पताल नेपाल नेत्र ज्योति सङ्घको छाता सङ्गठन अन्तर्गत एक गैर-नाफामुखी, परोपकारी संस्था हो। यसको उद्देश्य चितवन, बारा, नवलपरासी (बर्दघाट सुस्ता पूर्व), तनहुँ, सर्लाही, पर्सा र धादिङ जस्ता छिमेकी जिल्लाहरूका स्थानीय र बिरामीहरूलाई किफायती मूल्यमा उच्च-गुणस्तरको व्यापक आँखा उपचार सेवाहरू प्रदान गर्नु हो। भरतपुर महानगरपालिकामा अवस्थित प्रमुख अस्पतालको अतिरिक्त, यसले यसको सेवा क्षेत्रमा विभिन्न स्थानहरूमा ३ माध्यमिक स्तरको आँखा अस्पताल र १ सहरी क्लिनिक र १८ आँखा उपचार केन्द्रहरू स्थापना गरेको छ।

अस्पताल भवन बैङ्क अफ कमर्स एन्ड क्रेडिट्स इन्टरनेशनल फाउन्डेसन पाकिस्तानको आर्थिक र प्राविधिक सहयोगमा निर्माण गरिएको थियो। यस अस्पतालको उद्घाटन २०४४ चैत १८ मा स्वर्गीय राजा वीरेन्द्र र पाकिस्तानका राष्ट्रपति गुलाम इसाक खानले संयुक्त रूपमा गरेका थिए। यो राजाको नाममा राखिएको एक मात्र आँखा अस्पताल थियो, जुन २०६५ मा नेपालले गणतन्त्र प्राप्त गरेपछि परिवर्तन गरिएको थियो। यसकोको हिरालाल सन्तुदेवी प्रधान नेत्र विज्ञान संस्थान भनेर चिनिने शैक्षिक शाखा छ र यसले चिकित्सा विज्ञान राष्ट्रिय प्रतिष्ठानबाट सम्बद्ध छ। त्यस्तै, यसले चिकित्सा विज्ञान राष्ट्रिय प्रतिष्ठान अन्तर्गत नेत्र विज्ञान स्नातक र प्राविधिक शिक्षा तथा व्यावसायिक तालिम परिषद् कार्यक्रम अन्तर्गत नेत्र विज्ञानमा प्रमाणपत्र स्तर जस्ता शैक्षिक कार्यक्रमहरू सञ्चालन गरिरहेको छ।

शाखा तथा सञ्जालहरू

भरतपुर आँखा अस्पतालको सञ्जालको विवरण

क्रम सङ्ख्या	माध्यमिक आँखा अस्पताल र आँखा उपचार केन्द्रहरू	अवस्थिति	स्थापना (वि.सं)
१	भरतपुर आँखा अस्पताल, चितवन	भरतपुर	२०४४
२	भरतपुर आँखा अस्पताल, ठोरी	पर्सा	२०७२
३	भरतपुर आँखा अस्पताल, कावासोती	नवलपरासी (बर्दघाट सुस्ता पूर्व)	२०६१
४	भरतपुर आँखा अस्पताल, सिम्रौनगढ	बारा	२०७३
५	चिजकुमार–विष्णुकुमारी श्रेष्ठ बहिरङ्ग विभाग (सहरी क्लिनिक) भरतपुर	चितवन	२०६७
६	आँखा उपचार केन्द्र,पर्सा,खैरहनी	चितवन	२०६५
७	आँखा उपचार केन्द्र, माडी	चितवन	२०६८
८	आँखा उपचार केन्द्र, टाँडी	चितवन	२०७२
९	नरसिंहधाम आँखा उपचार केन्द्र, सल्यानटार	धादिङ	२०७१
१०	आँखा उपचार केन्द्र, चनौली	चितवन	२०७२
११	आँखा उपचार केन्द्र, कुरिनटार	चितवन	२०७७
१२	आँखा उपचार केन्द्र, दुधौली	सिन्धुली	२०७७
१३	आँखा उपचार केन्द्र, हुप्सेकोट	नवलपरासी (बर्दघाट सुस्ता पूर्व)	२०७८
१४	आँखा उपचार केन्द्र, मध्यविन्दु	नवलपरासी (बर्दघाट सुस्ता पूर्व)	२०७८
१५	भद्रकाली कँडेल आँखा उपचार केन्द्र, बेनीघाट	धादिङ	२०७८
१६	आँखा उपचार केन्द्र, ईश्वरपुर	सर्लाही	२०७९
१७	आँखा उपचार केन्द्र, राप्ती, भण्डारा	चितवन	२०७९
१८	आँखा उपचार केन्द्र, आँबुखैरेनी	तनहुँ	२०८०
१९	आँखा उपचार केन्द्र, भेडाबारी, गैँडाकोट	नवलपरासी (बर्दघाट सुस्ता पूर्व)	२०८०
२०	आँखा उपचार केन्द्र, डेढगाउँ, बौदीकाली	नवलपरासी (बर्दघाट सुस्ता पूर्व)	२०८०
२१	आँखा उपचार केन्द्र, भानु	तनहुँ	२०८१
२२	आँखा उपचार केन्द्र, कालिका	चितवन	२०८१