जिल्ला मालपोत कार्यालय

स्वतन्त्र विश्वकोश, नेपाली विकिपिडियाबाट
(मालपोत कार्यालय बाट पठाईएको)
Jump to navigation Jump to search

जिल्ला मालपोत कार्यालय जिल्लाभित्रको जग्गा जमीन तथा घर आदिको स्वामित्व सम्बन्धि रेकर्ड राख्ने निकाय हो। यो नेपालका प्रत्येक जिल्लामा हुन्छ।

भूमिसुधार तथा व्यवस्था मन्त्रालय ,मालपोत विभाग अन्तर्गत रहेर मालपोत कार्यालयहरूमा जिल्लाभित्रका सम्पूर्ण जग्गा जमीनको लगत तथा स्वामित्वसम्बन्धि स्रेस्ताहरू अधावधिक गरी राखिएको हुन्छ।


यस कार्यालयबाट जग्गाको रजिष्ट्रेशन पास ,नामसारी दाखिलखारेज ,लगत व्यवस्थापन जस्ता कार्यहरूको सम्पादन गरिन्छ ।

रजिस्ट्रेशन पास भईसकेपछि लिखतको अभिलेख खडा गरी सुरक्षित राख्ने र संबन्धित व्यतिले प्रतिलिपि मागगरेमा नियमानुसार उपलब्ध गराउने काम यस कार्यालयबाट गरिन्छ ।यसका साथै अदालत ,बैंक तथा वित्तीय संस्थाहरूबाट आएका रोक्का राख्ने र फुकुवा भई आएमा फुकुवा जनाउने काम पनि यसै कार्यालयमार्फत हुन्छ ।

लगत व्यवस्थापनका लागि यस कार्यालयबाट मोठ फाँट भन्ने एउटा छुट्टै एकाइको व्यवस्थापन गरिएको हुन्छ कुनै जग्गा धनीको मृत्यु भएको अवस्थामा नाता प्रमाणको आधारमा विभिन्न प्रक्रियाहरू पुरा गरि त्यसको हकवालाको नाममा जग्गा नामासारी र दर्ता गर्ने कामहरू यसै कार्यालयबाट गरिन्छ ।

जग्गाधनीलाई प्रमाणपत्र वितरण गर्ने तथा यससंग संबन्धित समस्याहरूको निराकरण गर्नेमा यस कार्यालयहरूको प्रमुख भूमिका रहेको हुन्छ ।

सन्दर्भ सामग्रीहरू[सम्पादन गर्ने]