रेग्मी

रेग्मी (Regmi) नेपाल, भारत तथा अन्य स्थानहरूमा बसोबास गर्ने हिन्दू धर्मावलम्बीहरूको थर हो। यिनीहरूको गोत्र कौशिक हुन्छ। तत्कालिन डोटी राज्यको रेगम (हाल: बझाङ जिल्लाको थलारा गाउँपालिका) भन्ने स्थानमा बसोवास गरेकोले रेगम भन्ने स्थानबाट रेग्मी थर कायम भएको हो । हाल त्यस स्थानबाट देशका विभिन्न ५० भन्दा बढी जिल्लाका विभिन्न स्थानमा स्थानान्तरण भएको पाईन्छन् । संख्याको आधारमा हेर्दा पश्चिम नेपालको अछाम जिल्लाको गोयलापानी बाट खोटाङ जिल्लाको खाम्तेल सिम्पानी आएका माधव जोशी रेग्मीका सन्तान जो मार्से भन्ने स्थान बिर्ता पाएर त्यहाँबाट विभिन्न स्थानमा छरिएका छन जसको संख्या ८,५०० भन्दा धेरै रहेको छ यो नै कुनै एक मानिसका सबैभन्दा धेरै सन्ततीहुन जुन १६ पुस्तामा त्यतिको संख्या भएको हो उनीहरू आफुलाई परिचय गराउँदा मार्सेली रेग्मी भनेर चिनाउछन ।