शिन्कान्सेन
शिन्कान्सेन (新幹線, [ɕiŋkaꜜɰ̃seɴ] (
), अनु. 'नयाँ मेन लाइन'), अङ्ग्रेजी बोलचालमा 'बुलेट ट्रेन' पनि भनेर चिनिने जापानको उच्च गति रेल मार्गको संजाल हो। यो टाढा-टाढा रहेका जापानी क्षेत्रहरूलाई राजधानी टोकियोसँग जोड्नको लागि बनाइएको थियो।[१] [२] यो जापान रेलवे निर्माण, यातायात र टेक्नोलोजी एजेन्सीको स्वामित्वमा संचालित छ।
टोकियो, नागोया र ओसाका, जापानका तीन ठूला सहरहरू जोड्ने मूल टोकाइदो शिन्कानसेन, विश्वको सबैभन्दा व्यस्त उच्च गति रेल मार्गहरु मध्ये एक हो। २०७३ चैत्र अघिको एक वर्षको अवधिमा, यसले १०.५९ करोड यात्रुहरू बोकेको थियो।[३]
इतिहास
[सम्पादन गर्नुहोस्]पहिलो शिन्कान्सेनको निर्माणको श्रेय प्रमुख व्यक्तिहरूमध्ये मुख्य इन्जिनियर हिदेओ शिमा र जापानी राष्ट्रिय रेलवे (जे. एन. आर.) का पहिलो अध्यक्ष शिन्जी सोगो हुन् जसले राजनीतिज्ञहरूलाई योजनालाई समर्थन गर्न सफल भए। यसको प्राविधिक विकासका लागि ताडानाओ मिकी, तादाशी मात्सुदाइरा, र हाजिमे कावानाबे मुख्य थिए। तिनीहरू तीनै जनाले दोस्रो विश्वयुद्धमा विमानको डिजाइनमा काम गरेका थिए। [४]
अङ्ग्रेजीमा 'बुलेट ट्रेन' नामले समेत परीचित जापानी शब्द 弾丸列車 को शाब्दिक अनुवाद हो, यो नाम १९३० को दशकमा परियोजनाको सुरुवातमा छलफल भएको थियो। शिन्कान्सेन नाम पहिलो पटक १९४० मा मालवाहक लाइनको रुपमा प्रस्तावित गरिएको थियो। र यो रेल बेइजिङ र सिङ्गापुरसम्म सुरुङमार्फत विस्तार गर्ने योजना रहेको थियो। यी योजनाहरू १९४३ मा दोस्रो विश्वयुद्धमा जापानको स्थिति बिग्रिएको कारणले परित्याग गरिएको थियो। [५]
निर्माण
[सम्पादन गर्नुहोस्]डिसेम्बर १९५८ मा सरकारले यो योजना स्वीकृति गर्यो, र टोकियो र ओसाका बीचको टोकाइडो शिन्कान्सेनको पहिलो खण्डको निर्माण अप्रिल १९५९ मा सुरु भयो। शिन्कानसेन निर्माणको लागत सुरुमा करिब २०० अर्ब येन अनुमान गरिएको थियो, जुन सरकारी ऋण, रेलवे ऋणपत्र र विश्व बैंकबाट ८ करोड अमेरिकी डलरको न्यून ब्याज ऋणको रूपमा उठाइएको थियो। प्रारम्भिक अनुमानहरू, तथापि, जानाजानी कम गरिएको थियो र वास्तविक लागत लगभग ४०० बिलियन येन थियो। [६]
सन्दर्भ सामाग्री
[सम्पादन गर्नुहोस्]- ↑ Joe Pinker (६ अक्टोबर २०१४), "What 50 Years of Bullet Trains Have Done for Japan", The Atlantic (The Atlantic Monthly Group), मूलबाट २७ मे २०२२-मा सङ्ग्रहित, अन्तिम पहुँच १ मे २०१८।
- ↑ Philip Brasor and Masako Tsubuku (३० सेप्टेम्बर २०१४), "How the Shinkansen bullet train made Tokyo into the monster it is today", The Guardian, मूलबाट १६ मे २०२२-मा सङ्ग्रहित, अन्तिम पहुँच १ मे २०१८।
- ↑ Central Japan Railway Company Annual Report 2017, २०१७, पृ: २३।
- ↑ Shinkansen – From Bullet Train to Symbol of Modern Japan, London।
- ↑ Shinkansen: From Bullet Train to Symbol of Modern Japan, २००६।
- ↑ Smith, Roderick A. (२००३), "The Japanese Shinkansen", The Journal of Transport History (Imperial College, London) 24/2 (2): 222–236।