विकिपिडिया:विकिमेनिया २०१५ प्रतिवेदन

विकिमेनिया २०१५ - मेक्सिको सिटी

विकिमेनिया २०१५ एउटा वार्षिक सम्मेलन हो जसमा विकिपिडिया र यसका भातृयोजनाहरूका स्वयंसेवकहरूको सम्मेलन, वार्तालाप, भेटघाट तथा ह्याकाथन गरेर मनाइने गरिन्छ । यस वर्षको विकिमेनियामा ४० राष्ट्रका विकिमिडियनहरूको सहभागिता रहेको थियो ।

नेपाली समुदायबाट सहभागी विकिमिडियनहरू:

उपलब्धि

नेपाली विकिपिडिया तथा यसमा भइरहेका विभिन्न आयोजनाहरू बारे जानकारी दिन पहिलो पटक विकिमेनियामा कम्युनिटी भिलेज (सामाजिक केन्द्र)मा एउटा स्टल सञ्चालन गरियो । (https://wikimania2015.wikimedia.org/wiki/Community_Village)
स्टल मार्फत विभिन्न मुलुकका विकिमिडियनहरूलाई नेपाली विकिपिडिया प्रयोगकर्ता समूहले नेपालमा सञ्चालन गरेका क्रियाकलापहरूको जानकारी दिन सफल भयो ।
डिजिटल राइट, विकिडेटा, कमन्स, विकि लभ्स अर्थ र विकि लभ्स मोन्युमेन्ट्स, कन्टेन्ट ट्रान्सलेसन, विकी शिक्षा कार्यक्रम, विकिमेड, विकिलाइब्रेरीसम्बन्धि विभिन्न वार्तालापमा तथा भेटघाटमा भाग लिइयो ।
एसियाका भाषाहरूका विकिपिडियामा भइरहेको गतिविधिहरू बारे जानकारी दिन भेटघाट कार्यक्रममा भाग लिइयो ।
किविक्सका विकासकर्ता रसिक अहमदसँग किविक्सको बारेमा विस्तारसँग जानकारी प्राप्त गर्न सकियो ।
कार्यक्रमको अन्तिम चरणमा विकिपिडियाको सहसंस्थापक जिमी वेल्सलाई नेपाली टोपी लगाएर सम्मान गरियो ।

चुनौती

अध्यागमनले सताउने समस्याले विकी स्वयंसेवकहरूलाई पनि छोडेन ।
विकिमेनियामा के-के गर्न सकिन्छ भन्ने थाह नहुनु हाम्रा लागि ठूलो चुनौती रह्यो ।

सिकाइ

नेपाली विकिपिडियाभित्र तथा बाहिर भइरहेको गतिविधिहरूलाई मेटामा राख्ने जसले गर्दा सो को जानकारी अन्य विकिका प्रयोगकर्ता तथा सङ्गठनलाई हामीले गरेका कार्यहरूबारे जानकारी लिन सजिलो हुनेछ ।
विकिमिडिया नेपालको सपना छिट्टै साकार पार्न विभिन्न वाह्य विकी गतिविधिहरू द्रुत गतिमा अगाडि बढाउन सकिने।
विकिमेनियामा नेपाली समुदायबाट बाक्लो सहभागिताका लागि विकिमेनियामा पहिले पनि छात्रवृति पाइसकेका विकिमिडियनहरूको समूहद्वारा आउने विकिमेनियामा छात्रवृति फारम समिक्षा गराउन सकिने ।
नेपालका सम्पूर्ण भाषाका विकिपिडियन र विकिमिडियनहरूलाई एक थलोमा जम्मा गरी नयाँ विचार र भेटघाट गराउन विकिपिडिया राष्ट्रिय सम्मेलन (विकी कन्फ्रेन्स नेपाल) गर्न सकिने ।

विकिमेनियाबाट तस्बिरहरू

लाइला त्रेतिकोभसँग सामूहिक तस्बिर
जिमी वेल्ससँग सामूहिक तस्बिर
विकिपिडियनहरू सँग मेलमिलाप
विकिमेनिया २०१५ समुद्घाटन समारोह
विकिमेनिया २०१५ मा स्थापित विकिमिडिया नेपाल युजीको सामुदायिक स्टल

यो प्रतिवेदन विकिमेनिया २०१५ मा नेपाली समुदायबाट गएका तिनै जनाले त्यहाँ गरेको अनुभवको आधारमा तयार पारेका हुन् ।