नगरकोट हत्याकाण्ड

नगरकोट हत्याकाण्ड नेपालको इतिहासमा एक चर्चित हत्याकाण्ड हो । मङ्सिर पूर्णिमाको दिन हरेक वर्ष भक्तपुर जिल्लाको नगरकोटमा स्थित कालीदेवीको मन्दिरमा लाग्ने मेलामा जम्मा भएका सहभागीहरूलाई २०६२ मङ्सिर २८ को रातको करिब ११ बजे तिर तत्कालिन शाही नेपाली सेनाका एकजना सिपाही वासुदेव केसीले व्यक्तिगत दुश्मनीको प्रतिशोधका कारण,सेनाको ब्यारेकबाट लगेको बन्दुकले निर्दोष मानिसहरूमा गोली चलाउँदा ११ मानिसको ज्यान गएको थियो तथा धेरै घाइते भएका थिए । उक्त घटनामा ९ जना स्थानीय व्यक्ति, २ जना बाहिरका व्यक्ति र सिपाही वासुदेव केसी आफैँ गरी १२ जनाको मृत्यु भएको थियो ।

जन प्रदर्शन

नगरकोट हत्याकाण्डको बिरोध गर्दै नेपाली जनताहरूले देशको विभिन्न स्थानमा विरोध प्रदर्शन गरे ।