चिनो (चलचित्र)

चिनो
निर्देशक	तुलसी घिमिरे
कथा	तुलसी घिमिरे
निर्माता	ओम त्रिनेत्र प्रोडक्सन
मुख्य कलाकार	शिव श्रेष्ठ भुवन केसी सुनील थापा शर्मिला मल्ल श्रवण घिमिरे तुलसी घिमिरे
छायाङ्कन	प्रमोद प्रधान
सम्पादन	तुलसी घिमिरे
सङ्गीत	रञ्जित गजमेर
प्रदर्शन मिति	१५ जनवरी १९८९
अवधि	२ घण्टा ३७ मिनेट
देश	नेपाल
भाषा	नेपाली

चिनो तुलसी घिमिरेद्वारा लिखित र निर्देशित एक नेपाली कथानक चलचित्र हो। चलचित्रमा शिव श्रेष्ठ, भुवन केसी, सुनील थापा, क्रिस्टी मैनाली, शर्मिला मल्ल, सुभद्रा अधिकारी, श्रवण घिमिरे, सिनौरा मिस्त्री, अनुप मल्ल र सुशीला रायमाझीको समूहले अभिनय गरेको छ। यो चलचित्र दुई दाजुभाइ (शिव श्रेष्ठ र भुवन केसीद्वारा अभिनय गरिएको) को बदलाको कथा हो जुन आफ्ना आमाबाबुलाई अपराधी राते काइला (सुनील थापा) द्वारा मारिएपछि अलग्गिन्छन्। उनीहरू कसरी पुनर्मिलन हुन्छन् र आफ्ना आमाबाबुलाई किन मारियो भन्ने कारण पत्ता लगाउँछन् र बदला लिन्छन् भन्ने कुरा बाँकी कथा हो। चलचित्रको पूर्ण छायाङ्कन नेपालमा गरिएको थियो।

यो चलचित्र समीक्षक र दर्शकहरूबाट सकारात्मक प्रतिक्रियासहित प्रदर्शन भएको थियो जसमा यसको पटकथा, कलाकारहरू विशेष गरी शिव श्रेष्ठ र सुनील थापाको अभिनय र सफल सङ्गीतको प्रशंसा गरिएको थियो। यो चलचित्र बक्स अफिसमा ठुलो ब्लकबस्टर थियो र १९९० को दशकको सबैभन्दा धेरै कमाउने नेपाली चलचित्र र कुसुमे रुमाल (तुलसी घिमिरेको अर्को चलचित्र) पछि दोस्रो सबैभन्दा धेरै कमाउने नेपाली चलचित्र बन्यो र यसलाई नेपाली सिनेमाको इतिहासमा सबैभन्दा व्यावसायिक रूपमा सफल चलचित्रहरू मध्ये एक मानिन्छ। रञ्जित गजमेरको सङ्गीतमा रहेको चलचित्रका गीतहरू अत्यधिक लोकप्रिय थिए, विशेष गरी मोहनी लाग्ला है आजसम्म पनि लोकप्रिय छन्, र बतासा ले उडाइ ल्यायो पनि त्यतिबेला चार्टबस्टर थियो।

कलाकार

• शिव श्रेष्ठ: बिर्खे
• भुवन केसी: हेमन्त
• सुनिल थापा: राते काइला
• शुभद्रा अधिकारी: लक्ष्मी
• क्रिष्टि मैनाली: पूजा
• शर्मिला मल्ल: जुनेली
• सिनौरा मिस्त्री: डोमा
• अनुप मल्ल: युवा हेमन्त
• श्रवण घिमिरे: प्रदीप
• रामचन्द्र अधिकारी: शम्भु
• जितेन्द्र महत अभिलासी: मानबहादुर
• तुलसी घिमिरे: बाउ
• बी एस राणा: पूजाको बुबा
• केशव भट्टराई: लक्ष्मीका पति, हेमन्त र बिर्केका बुबा (विशेष उपस्थिति)

सङ्गीत

#	शीर्षक	गायक	समयावधि
१	"बतासले उडाई ल्यायो"	कुमार कान्छा, आशा भोसले	३:४१
२	"दियो बाली"	आशा भोसले	३:३८
३	"जन्मेर कोखमा"	नारायणगोपाल	४:५९
४	"माया त माया हो"	नारायणगोपाल, आशा भोसले	४:२९
५	"मोहनी लाग्ला है"	नारायणगोपाल, आशा भोसले	६:१८

बाह्य कडीहरू

• इन्टरनेट चलचित्र डेटाबेसमा चिनो