ढाँचा:आजको लेख/२०१६-०७-२९

भोटोजात्रा ललितपुरमा हुने जात्रा हो। यो जात्रा अवलोकन गर्न हजारौं सर्वसाधारण जाउलाखेलमा जम्मा हुन्छन्। मणि, माणिक, रत्न आदि बहुमूल्य वस्तुजडित भोटो प्रत्येक वर्ष मच्छिन्द्रनाथको रथजात्राको अन्तिम दिन सार्वजनिक रूपमा देखाउने प्रचलन छ। राजाका पालामा राजाले यो भोटो हेर्थे भने अहिले राष्ट्रपतिले हेर्छन्। कार्यकारी राष्ट्रप्रमुख रहँदा प्रधानमन्त्री गिरिजा प्रसाद कोइरालाले २०६५को भोटो हेरेका थिए। भोटोजात्रा सकिएपछि आजै मच्छिन्द्रनाथको मूर्तिलाई प्राचीन कलात्मक खटमा राखेर सांस्कृतिक बाजागाजासहित जावलाखेलबाट बुङ्मतीको मच्छिन्द्रबहालमा पुर्‍याई विराजमान गराइन्छ। करिब एक हजार ६०० वर्ष पुरानो मच्छिन्द्रनाथको रथजात्रा वैशाख शुक्ल प्रतिपदादेखि सुरु भएर करिब दुई महिनासम्म सञ्चालन हुन्छ। (पूरा लेख...)