बाल यौन दुरुपयोग

बाल यौन दुरुपयोग एक प्रकारको आपराधिक कार्य हो, जुन विवाहका लागि उमेर नपुगेका बालिकाहरु सँगका यौनजन्य व्यवहारसँग सम्बन्धित छ।

कानुन र सजाय

नेपालको मुलुकी अपराध संहिता, २०७४ को दफा २२५ (२) मा कसैले यौनसम्पर्क को आशयले बालिकालाई अस्वाभाविक रुपमा एकान्तमा लगेमा, बालिकाको यौनसम्बन्धी अंग छोएमा वा समातेमा, यौनसम्बन्धी आफ्नो अंग बालिकालाई छुन वा समाउन लगाएमा वा निजसँग अन्य कुनै किसिमको यौनजन्य अस्वाभाविक व्यवहार गरेमा बालयौन दुरुपयोग गरेको मानिने भनिएको छ । यस्तो कसुर गर्ने व्यक्तिलाई तीन वर्षसम्म कैद र तीस हजार रुपैयाँसम्म जरिवाना हुने व्यवस्था पनि संहिताले तोकेको छ। बालकालिकाको परिभाषामा अधिकतम उमेरहदका बारेमा विभिन्न देशका कानुनमा फरकफरक व्यवस्था छ। नेपालमा २० वर्षभन्दा कम उमेरका व्यक्तिलाई बालबालिका मानिएको छ। यस उमेरसमूहका व्यक्तिको मञ्जुरी लिएर पनि यौनजन्य व्यवहार वा विवाह गर्न कानुनले वर्जित गरेको छ।