ल्होमी जाति

ल्‍होमी जाति को मुख्य पुर्ख्योली थाक थलो भनेको कोशी प्रदेश अन्तर्गत संखुवासभा जिल्‍लाको उत्तरी क्षेत्रमा पर्ने भोटखोला गाउँपालिकाको हुङगुङ,चेपुवा,हटिया, गुम्बा, च्याम्ताङ, रूकुमा तथा नामासे गाउँहरू हुन् । यी जातिको बसोबास तिब्बतको डेन्दाङ तथा भारतको दार्जिलिङ् जिल्‍लाका १८ वटा गाउँहरूमा पनि पाइन्छ । यी जातिले बोल्ने भाषालाई ल्होकेत् भनिन्छ । यो समुदाय ताप्लेजुङको पो शेर्पा समुदाय सँग मिल्ने गर्दा छ भाषा मात्र केही फरक भएको समुदाय ही पोशाक पो शेर्पाहरू सँग मिल्ने गर्दा छ ।आदिवासी जनजाति उत्‍थान राष्‍ट्रिय प्रतिष्‍ठान ऐन, २०५८ मा सूचीकृत आदिवासी जनजाति मध्‍ये ल्होमी अति सिमान्‍तकृत समूहको हिमाली समूह अन्‍तर्गत पर्दछ भने यस जातिलाई ल्‍होमी(शिंसाबा) भनी सूचिकृत गरिएको छ । राष्ट्रिय जनगणना २०७८ बमोजिम नेपालमा कुल ३५५ जना ल्होमी जातिका मानिसहरू बसोवास गर्दछन्। ल्होमी जातिहरूको बारेमा सर्वप्रथम खोज अनुसन्धान गर्ने समाजशास्त्री तथा मानवशास्त्री डोरबहादुर विष्ट हुन् । उनले यी जातिको बारेमा सन् १९५७ मा प्रोफेसर von Furer- Hamimenddorf सँगै मिलेर पूर्वी नेपालको शेर्पा तथा ल्होमी जातिको बारेमा स्थलगत अनुसन्धान गरी आफ्नो People of Nepal पुस्तकमा नेपालका विभिन्न आदिवासी जनजातिका बारेमा उल्‍लेख गरेका थिए । उनले यो पुस्तक सन् १९६७ मा प्रकाशन गरेका थिए । हाल सम्म उनको यो पुस्तक रत्न पु्स्तक भण्डारले नै प्रकाशन गर्दै आएको छ।