अफ्गानिस्तानमा फुटबल

अफ्गानिस्तानमा फुटबल
अफ्गानिस्तान राष्ट्रिय फुटबल टिम (रातो पोशाकमा)
देश	अफ्गानिस्तान
शासकीय निकाय	अफ्गानिस्तान फुटबल महासङ्घ
राष्ट्रिय टोली	अफ्गानिस्तान राष्ट्रिय फुटबल टिम
क्लव प्रतियोगिता
अफ्गानिस्तान प्रिमियर लिग
अन्तर्राष्ट्रिय प्रतिस्पर्धा
एएफसी कप एएफसी च्याम्पियन्स लिग फिफा विश्वकप एएफसी एसिया कप

फुटबल अफ्गानिस्तानको दुई अत्याधिक चर्चित तथा लोकप्रिय खेल मध्येको एक खेल हो । अफ्गानिस्तानमा क्रिकेट र फुटबल खेल अत्याधिक चर्चित खेल हुन् ।. सन् १९४८ देखि अफ्गानिस्तान फुटबल महासङ्घ र अफ्गानिस्तान राष्ट्रिय फुटबल टिमले फिफामा सहभागीता जनाएका थीए ।

अफ्गानिस्तान राष्ट्रिय फुटबल टिमले सन् २००३ को एसिएन कप छनोट चरणमा नेपाललाई २-१ गोल अन्तरले पराजित गर्दै ऐतिहासिक सफलता हात पारेको थियो । २०११ को साफ च्याम्पियनसिपमा अफ्गानिस्तानले दोस्रो स्थान हात पारेको थियो । त्यतिबेला अफ्गानिस्तान फाइनलमा भारतसँग पराजित हुँदै उपाधि जित्न असफल रहेको थियो । भने २०१३ मा नेपालमा भएको साफ च्याम्पियनसिपमा भने भारतलाई नै पराजित गरी पहिलो साफ च्याम्पियनसिपको उपाधि जित्न सफल भएको थियो ।

इतिहास

२००८ मा अफ्गान अशम आर्मी र आईएसएएफ टिम बिचको खेल

अफ्गानिस्तानमा पहिलो फुटबल खेल चारवटा विद्यालयका टिमहरूले सन् १९२३ मा खेलेका थिए । ती चार टिमहरू मक्ट्याब हबिबियह् (Maktab Habibiyeh), मक्ट्याब इस्टेग्हल् (Maktab Esteghlal), तफ्रीह् टिम (Tafrih Team) तथा मोहजेर टिम(Mohajer Team) रहेका थिए ।

अफ्गानिस्तानको सबैभन्दा पहिलो फुटबल क्लब मह्मोउदीह् एफसी हो । यो क्लबको स्थापना सन १९३४ मा भएको थियो । यस क्लबले भारतमा फुटबल मैत्रीपूर्ण तथा अभ्यास खेलहरू खेल्नका निम्ति ३ वर्ष पछि भ्रमण गरेको थियो । जतिबेला यस टिमले भारतमा कुल १८ खेल खेलको थियो । जसमध्ये ८ खेलमा जित, ९ खेलमा हार तथा १ खेलमा बराबर गरेको थियो । अरीयाना काबुल एफसी अफ्गानिस्तानको दोस्रो फुटबल क्लब हो । जसले इरान भ्रमण गरेको थियो, जुन क्लबले कुल ३ खेल खेली १ मा जित र २ खेलमा हार बेहोरेको थियो ।

अफ्गानिस्तानले सन् १९८४ देखि २००२ सम्मको समयवधि भित्र कुनै पनि अन्तर्राष्ट्रिय फुटबल प्रतियोगिताहरूमा सहभागीता जनाएको थिएन ।

अफ्गानिस्तान फुटबल हालको समयमा केही रूपमा निकै उत्कृष्ट हुँदै गइरहेको छ । सन् २०१३ मा अफ्गानिस्तान राष्ट्रिय फुटबल टिमले नेपालमा आयोजना भएको २०१३ साफ च्याम्पियनसिपको फाइनलमा भारतलाई पराजित गर्दै पहिलो पटक साफ च्याम्पियनसिपको उपाधि जित्न सफल भएको थियो ।

फुटबल शैली

वर्तमान समयमा अफ्गानिस्तानमा मुख्य रूपमा दुईवटा लिग हुने गर्दछ । काबुल प्रिमियर लिग जसमा काबुल सहरका १२ वटा टिमहरूको सहभागीता रहने गर्दछन् । यस्तै महिला काबुल लिगमा भने १७ वटा महिला फुटबल टिमहरूको सहभागीता रहने गर्दछ ।

बाह्य कडीहरू

• अफ्गानिस्तान फुटबल महासंघको आधिकारिक बेवसाइट वेब्याक मेसिन अभिलेखिकरण २००७-१०-१३ मिति